Sun

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Sun (孫; grandchild) sī hāu-seⁿ kap cha-bó͘-kiáⁿ ê kiáⁿ-jî. Tī hū-hē-chè ê siā-hōe tiong, hāu-seⁿ ê kiáⁿ kiò lāi-sun (內孫), ah cha-bó͘-kiáⁿ ê kiáⁿ kiò gōa-sun (外孫). Tùi ka-kī ê sun lâi kóng, ka-kī chiū sī a-kong kap a-má. Sun ê kiáⁿ kiò kan-á-sun (乾仔孫).[1]

Iōng-gí[siu-kái | kái goân-sú-bé]

Tī Bân-lâm-gí, sun chit jī ia̍h ū hiaⁿ-tī chí-moāi ê kiáⁿ-jî ê ì-sù. Nā choan-bûn ê kóng-hoat, sī seng kap ti̍t. Tī sè-kài siōng chi̍t kóa giân-gí, ia̍h pō͘-hūn têng-kiàn--chhut-lâi ê kó͘-gí, "kiáⁿ-jî ê kiáⁿ-jî" kap "hiaⁿ-tī chí-moāi ê kiáⁿ-jî" chheng-ho͘ sī siô-siâng--ê. Chóng-sī ha̍k-kài tùi Bân-lâm-gí sun ì-sù ê khí-in iáu bô goân-choân khak-tēng ê lí-lūn.

Chham-khó[siu-kái | kái goân-sú-bé]