Super Tuesday

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē

Super Tuesday (Bân-lâm-gú: Chhiau-kip Lé-pài-jī) sī Bí-kok tāi-soán-nî jī-goe̍h ia̍h-sī saⁿ-goe̍h, kúi-nā-ê chiu kí-pān chóng-thóng hāu-soán-jîn cho͘-soán ê lé-pài-jī. Hit-ji̍t chē-chē chiu-hūn ē tông-sî soán-chhut tāi-piáu chèng-tóng ê hāu-soán-jîn. In-ūi hit-ji̍t ê kiat-kó tùi soán-chêng ū tōa-bong ê éng-hiáng, ta̍k-ê hāu-soán-jîn lóng ē te̍k-pia̍t chù-tiōng hit-ji̍t ê piáu-hiān, só͘-í Eng-gí tiō hō-chò Super Tuesday.

Super Tuesday chit-ê choan-iú bêng-sû siāng-chá chhut-hiān tī 1984 nî. Tong-nî ū saⁿ-ê Super Tuesday, hit-nî tāi-piáu Bîn-chú-tóng ê Walter Mondale sī kàu tē-saⁿ-ê Super Tuesday chiah khak-li̍p i tī tóng-lāi ê léng-sian ūi-tì. Sòa-lo̍h ê chóng-thóng soán-kí-nî lóng ē kí-hêng Super Tuesday. Super Tuesday sī chho͘-soán kòe-têng tiong ê koan-kiàn, 1992 nî Bill Clinton tī chêng kúi chiu ê chho͘-soán sî chiat-chiat-pāi-thòe, tān-sī tī Super Tuesday iâⁿ-tit lâm-pō͘ tōa-pō͘-hūn chiu-hūn ê soán-phiò, chhut-soàⁿ chiâⁿ-chò Bîn-chú-tóng ê hāu-soán-jîn. 1996 nî, Bob Dole mā-sī tī Super Tuesday ê sî chhit-soàⁿ chiâⁿ-chò Kiōng-hô-tóng ê hāu-soán-jîn. 2000 nî ê Super Tuesday lóng-chóng ū 16-ê chiu kí-hêng chho͘-soán, phah-phòa í-óng ê kì-lo̍k; hit-nî ê Al Gore kap George Bush lóng sī tī Super Tuesday iâⁿ-tio̍h thê-miâ.