Tâi-oân tē-khu

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Tâi-oân tē-khu tī sè-kài siōng ê ūi-tì
Tâi-oân tē-khu ê hêng-chèng khu-hun tô͘

Tâi-oân tē-khu (台灣地區), tī Tiong-hoâ Bîn-kok Hiàn-hoat Cheng-siu Tiâu-bûn lāi hō-chò chū-iû tē-khu (自由地區), sī chū 1955 nî ùi Tāi-tîn-tó thiat-thòe liáu-āu kàu-taⁿ, 中Tiong-hoâ Bîn-kok só͘ iú-hāu thóng-tī kap koán-hat ê léng-thó͘, chham 1949 nî Kok Kiōng Lōe-chiàn liáu-āu iû Tiong-hoâ Jîn-bîn Kiōng-hô-kok si̍t-chè thóng-tī ê tāi-lio̍k tē-khu siong-tùi. Tâi-oân tē-khu só͘ hâm-kài ê hoān-ûi pau-koat Tâi-oân ê pún-tó kap lī-tó, Kim-mn̂g kûn-tó, Má-chó͘ lia̍t-tó, O͘-khiu lia̍t-sū, Tang-soa kûn-tó, Lâm-soa kûn-tó ê Thài-pêng-tó kap Tiong-chiu-ta kap chiu-piⁿ ê hù-sio̍k tó-sū.