Tē-la̍k Tóng-phài Hē-thóng

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Tē-la̍k Tóng-phài Hē-thóng (Eng-gí: Sixth Party System) sī chi̍t khoán tùi Bí-kok hiān-chú-sî choân-kok-sèng chèng-tī chōng-hóng ê kóng-hoat. Tng siū gī-lūn ê būn-tê, sī Tē-gō͘ Tóng-phài Hē-thóng sī-m̄-sī koh tī--leh. Tē-la̍k Hē-thóng khai-sí ê sî-kang, ha̍k-kài ê khòaⁿ-hoat chē khoán, tùi 1960 nî-tāi kàu 1990 nî-tāi lóng ū.

Pún hē-thóng chòe chú-iàu ê te̍k-sek, sī soán-kí ê tông-bêng koan-hē kiâⁿ chhut liáu Sin Tùi-chhek (New Deal) sî-kî ê Tē-gō͘ Tóng-phài Hē-thóng. Ia̍h tiō sī Kiōng-hô-thóng chiâⁿ chò lâm-pō͘, chháu-tē, kap chhī-gōa tē-hng ê chú-iàu chèng-tóng, jî-chhiá Bîn-chú-tóng khai-sí kap Hui-chiu-hē Bí-kok-lâng, Latino, kap pe̍h-lâng to͘-chhī chìn-pō͘-phài kiat-bêng.