Tōa Siau-tiâu

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē
Crowd outside nyse.jpg

Tōa Siau-tiâu (Eng-gí: Great Depression) sī 1929 nî kàu 1933 nî tiong-kan, Jī-chhù Tāi-chiàn chìn-chêng, ê chi̍t pái sè-kài-sèng ê keng-chè tōa soe-thè. Tōa Siau-tiâu tī bô-kāng kok-ka ū bô-kāng ê khai-sí sî-kan, tōa-pòaⁿ lóng tī 1930 nî khai-sí, liân-sòa siau-tiâu kàu 1930 nî-tāi bóe-kî, ū--ê sīm-chì kàu 1940 nî-tāi bóe-kî. Tōa Siau-tiâu sī 20 sè-kí liân-sòa sî-kan siāng-tn̂g, éng-hióng siāng-tōa, kiông-tō͘ siāng-koân ê chi̍t pái keng-chè soe-thè.

Tī 21 sè-kí, Tōa Siau-tiâu tiāⁿ-tiāⁿ pī khòaⁿ chò sī sè-kài keng-chè soe-thè ê tāi-piáu. Tōa Siau-tiâu ùi Bí-kok khai-sí, ùi 1929 nî 10 goe̍h 24 hō ê kó͘-chhī lo̍h-kè khai-sí, pēng éng-hióng liáu choân sè-kài. Tōa Siau-tiâu tùi sian-chìn-kok kap khai-hoat-tô͘-siōng-kok lóng chhōa lâi liáu húi-bia̍t-sèng ê táⁿ-kek. Jîn-kin siu-ji̍p, sòe-siu, êng-lī kap sè-siàu choân-bīn lo̍h-kè, kok-chè bō͘-e̍k jōe-kiám 50%, Bí-kok ê si̍t-gia̍p-lu̍t thê-seng chì 25%, ū--ê kok-ka sīm-chì kàu 33%.