Wikipedia:Chhiū-á-kha/Chhng-khò͘ 6

Tī-chia chò it-poaⁿ-sèng ê thó-lūn. Chhiáⁿ ē-kì-tit chhiam-miâ. Koan-hē pán-bīn ê Hō-ló-oē hoan-e̍k būn-tê, kiàn-gī, téng-téng, chhiáⁿ chīn-liōng lī-iōng kok-pia̍t bûn-kù ê thó-lūn-ia̍h (Talk). Tōa-pō·-hūn ê pán-bīn sìn-sit tī Special:Allmessages. Khui sin gī-tê

Kū thó-lūn

• Chhng-khò· 1: Kū thó-lūn khǹg-tiàm chia (2005 nî 6 go̍eh í-chêng)
• Chhng-khò· 2: Kū thó-lūn khǹg-tiàm chia (2005 nî 6 go̍eh ~ 12 go̍eh)
• Chhng-khò· 3: Kū thó-lūn khǹg-tiàm chia (2006 nî Chiaⁿ-goe̍h í-aū )

Bô hoat-tō· khui sin-ia̍h?

Nā chhōe bô tiâu-ba̍k, m̄-sī èng-kai chhut-hiān 1-ê khui sin-tiâu-ba̍k ê soán-tek? Góa chit-má soah bô khoàiⁿ chit-ê kong-lêng? Kám-sī góa kì m̄-tio̍h, ah-sī kái sin ê hong-sek? Ló·-la̍t!--A-kun--a 15:57, 2 Saⁿ-goe̍h 2006 (UTC)

Góa m̄-chai lí kóng--ê "khui sin-tiâu-ba̍k ê soán-tek" siáⁿ-khoán. Che m̄?? A-giâu 21:33, 2 Saⁿ-goe̍h 2006 (UTC)

Sī lah, góa kóng--ê sī che. Góa khì khòaⁿ Eng-gí kap Hôa-gí ê Wiki, nā-sī bô chhōe-tio̍h mó· 1-ê tiâu-ba̍k, tio̍h ē ū ē-kha ê hián-sī:

No page with that title exists.

You can create this article or request it.

• See all pages within Wikipedia that link to this article.
• See all pages that begin with this prefix.

M̄-koh lán chia chit-má ná-chhiūⁿ bô chit-ê kong-lêng?--A-kun--a 09:55, 3 Saⁿ-goe̍h 2006 (UTC)

Iáu tī leh lah. Tī chia! M̄-koh nā-sī tòe Wikipedia chò ê âng liân-kiat kòe--khì, tiāⁿ-tio̍h ē ti̍t-chiap khoàⁿ tio̍h pian-chi̍p nôa. Eng-bûn Wikipedia oân-ná kāng chit ê hêng-ûi :) A-giâu 10:15, 3 Saⁿ-goe̍h 2006 (UTC)

2006台灣維基人春聚

zh:Wikipedia talk:聚会/2006臺灣春聚報告, 2006台灣維基人春聚. Ū te̍k-pia̍t iau-chhiáⁿ Holopedia ê lâng chhut-bīn phò-tāu (chō-tâm). Tī Tâi-pak. Kám ū lâng beh khì kóng kóa oē ê? A-giâu 21:59, 2 Saⁿ-goe̍h 2006 (UTC)

Góa chit-má iû-gôan bô hoat-tō͘ khak-tēng góa ē-sái khì á bô, nā ū lâng khak-tēng ē-sài khì, in khah hó an-pâi koan-hē Holopedia ê gī-têng. Pektiong 13:18, 3 Saⁿ-goe̍h 2006 (UTC)

Góa sī í-keng ū khak-tēng ē-sái khì ah, mā-sī ū tī-leh miâ-toaⁿ téng-bīn, m̄-chai-iáⁿ ū siáⁿ-mih góa ē-ēng tàu-saⁿ-kāng ê bô?

Astroviolin, Mar. 6th, 2006

Jimmy Donal "Jimbo" Wales Beh lâi Tâi-ôan

• Jimmy Donal "Jimbo" Wales Beh lâi Tâi-ôan (2006 nî 4 ge̍h 7~10 hō͘). I ē tī Tâi-ôan Tāi-ha̍k ián-káng, tī OSDC ián-káng. Koh ū chi̍t-ê "吉米來台見面". Chit-ê kì-bīn-hōe

chit-má ū pó-liû 3 ê miâ-gia̍h hō͘ Holopedia ê kóan-lí-gôan, nā kóan-lí-góan ū chhù-bī, chhiáⁿ kín pò-miâ. Kî-tha ê Holopeda-lâng mā ōe-sài pò-miâ, m̄-koh bô "pó-liû" ê miâ-gia̍h. OSDC ū iau-chhiáⁿ góa chham-ka chi̍t-ê kap "Jimbo" Wales tùi-tâm ê tùi-tâm-hōe (lóng chóng 4 ê lâng). Nā sī ta̍k-ke tùi Wikipedia ū siáⁿ-mi̍h ì-kiàn, khòaⁿ-hoat, siūⁿ beh thàu-kòe góa tī hit-ê tùi-tâm-hōe kóng, chhiáⁿ seng kā góa kóng, kám-un.

• Chhiáⁿ chham-khó:
  • 2006吉米·威爾士見面會
  • 吉米來台見面會報名

Pektiong 10:12, 21 Saⁿ-goe̍h 2006 (UTC)

Gī-tê #1: Server sok-tō·

Ló·-la̍t, nā ū siūⁿ--tio̍h ē kā lí kóng. Bo̍k-chêng siōng ū kám-kak ê Holopedia "issue" sī ho̍k-bū-khì (server) ê sok-tō·, ū-sî chin sô. A-giâu 04:00, 22 Saⁿ-goe̍h 2006 (UTC)

U chit-koa Tai-oan e Wikipedia-lang u teh tho-lun si-m-si khi "chhiau5" chit-koa chu-goan, ti Tai-oan khng chit-e Wikipedia Mirror Server. An-ne kho-leng oe-sai kai-koat "so7" e bun-te. M-chai tak-ke kam-kak chit-khoan e tai-chi Pektiong 09:44, 22 Saⁿ-goe̍h 2006 (UTC)

Chham-khó chu-liāu: wikimedia:Press releases/Wikimedia announces Yahoo support, m:Wikimedia servers, wikitech. A-giâu 12:01, 22 Saⁿ-goe̍h 2006 (UTC)

Gī-tê #2: Hi-bāng ē-tàng chi-chhî kî-thaⁿ ê Hàn-gí Wikipedia

Lēng-gōa beh chhiáⁿ Jimbo (kah Tâi-oân ê Wikipedia-lâng) chi-chhî kî-thaⁿ Hàn-gí-giân ê Wikipedia, te̍k-pia̍t sī tiâu-kiāⁿ khah ū-kàu gia̍h ê Kńg-tang-oē (chham-khó m:Approved requests for new languages). A-giâu 09:52, 23 Saⁿ-goe̍h 2006 (UTC)

Tâi-wân Wikipedians Siā-tuân ê miâⁿ

Guá tī Meta-Wiki kui chi̍t-lê tâu-pió-iah, m:Wikimedia Taiwan/命名投票, beh-lâi suàn Tâi-wân Wikipedians Siā-tuân ê miâⁿ, chiàⁿ táo-tīn lâi chham-ka thò-lūn kà tâu-pió. --Mingwangx 14:36, 22 Saⁿ-goe̍h 2006 (UTC)

About Article Deletion

Siūⁿ-beh chhiáⁿ-mn̄g góa nā-sī beh san-tî chi̍t-phiⁿ bûn-chiuⁿ, ài khì tó sin-chhéng leh?

Góa chit-má tng-leh siá chi̍t-phiⁿ bûn-chiuⁿ, ū iōng-tio̍h chi̍t-tiuⁿ tô·. Góa gôan-pún sī tôan .jpg khí-lâi, m̄-koh bóe-á chiah hoat-hiān tio̍h tôan .png ê phín-chit khah-hó. Chit-má tī-leh bûn-chiuⁿ lāi-té mā iōng ê sī .png. Siūⁿ-beh kā .jpg tî-tiāu, m̄-chai-iáⁿ ái khì tó sin-chhéng leh? Astroviolin Mar. 29th, 2006

Astroviolin: Goá í-keng kā .jpg hit tiuⁿ thâi tiāu ah. Holopedia bo̍k-chêng bô siā-khu koat-tēng ê san-tû hong-hoat (hoan-gêng ta̍k-ke lâi kiàn-gī kái-chìn).

Wikipedia hān-chè hêng-chèng jîn-oân ū san-tû koân (te̍k-koân). Lí ē-sái khì hit ia̍h sin-chhéng chò hêng-chèng jîn-oân. Goá kám-kak lí chiâⁿ ū oa̍h-la̍t, ū jia̍t-chêng, ū siūⁿ-hoat, mā ū kòng-hiàn (te̍k-pia̍t sī Wikipedia:Babel). M̄-koh...kóng si̍t--ê, goá kò-jîn bo̍k-chêng khó-lêng bē-tàng chi-chhî lí chò hêng-chèng jîn-oân. Goá kám-kak lí tùi Wikipedia ê bûn-hoà iáu bô kàu se̍k. Kí 1 ê lē: téng-koân lí bô chhiam-miâ; piau-tê koh siá Eng-bûn--ê. Koh, lí mn̄g "ái khì tó sin-chhéng" piáu-sī lí bô chham-khó Wikipedia:Siā-lí mn̂g-chhùi-kháu lāi-bīn ê chu-goân (sui-jiân hit ia̍h chin ū kái-chìn ê khong-kan). Chìn-chêng mā ū lâng (góa) mn̄g lí thoân ê tô· ê pán-koân siáⁿ-khoán (Image talk:Rigoletto01.jpg), m̄-koh lí bô chhap a̍h-sī bô chù-ì tio̍h. Só·-í...sui-jiân góa tī Wikisource hit-pêng chi-chhî lí, si̍t-chāi góa kò-jîn ū chi̍t-sut-á pó-liû, chhiáⁿ lí koh chim-chiok--chi̍t-ē, hó bô?

A-giâu 07:32, 29 Saⁿ-goe̍h 2006 (UTC)

Astroviolin tú-chiah ū pó· chhiam-miâ, góa tō kā hit pō·-hūn oē tiāu. A-giâu 07:33, 29 Saⁿ-goe̍h 2006 (UTC)

A-giâu lí hó. Chin kám-siā lí ê kián-gī. Chiam-tùi Wikisource ê tāi-chì, kî-si̍t góa chí-sī siūⁿ-beh pang-chō· i sêng-li̍p, mā-sī ē kiaⁿ lêng-le̍k bô-kàu. Nā-chún lí ē hóan-tùi, góa siūⁿ mā-sī chin ū tō-lí. Góa siūⁿ góa khì kā Bureaucrat candidates hit nn̄g-chōa tî-tiāu hó-ah, án-ne hó-bô?

Lēng-gōa chiū-sī téng-kôan kóng ê chia-ê tāi-chì -- chhiam-miâ sī góa tú-á pó-chûn tio̍h hoat-hiān-tio̍h ah, má-siōng ū kái, khó-lêng lí hit-tang-chūn í-keng khai-sí hôe-hok góa ah, bô khòaⁿ-tio̍h.

Piau-tê siá Eng-bûn sī in-ūi, góa khòaⁿ-tio̍h Eng-bûn ê sī hō-chò "Wikipedia:Articles_for_deletion", jî-chhiáⁿ góa hoat-hiān tio̍h ū kúi-ā-ê Holopedia ê ia̍h mā-sī ē-ēng iōng Eng-bûn pán ê miâ chhōe-tio̍h, m̄-koh góa chhōe chit-ia̍h iû-koh chhōe-bô, só-í tio̍h iōng Eng-bûn tih mn̄g, chin pháiⁿ-sè bô khó-lū tio̍h. Lēng-gōa góa khí pa̍t-lâng ê thó-lūn ia̍h mā-sī ē iōng Tâi-gí í-gōa ê bûn-jī thó-lūn, gôan-pún sī in-ūi góa iáu-bōe-tàng phah POJ phah chiok-kín, m̄-koh koh siūⁿ-beh kā sî-kan iōng-lâi phah bûn-chiuⁿ, só·-í tio̍h bô i̍t-tēng iōng Tâi-gí ah. M̄-koh góa chit-má ū iōng khah-se̍k ah. Í-āu ē chīn-liōng iōng Tâi-gí.

Koh-ū góa ē mn̄g chi̍t-kóa-á Wikipedia ê būn-tê, che mā-sī góa siōng-tōa ê būn-tê, góa sū-si̍t siōng sī chi̍t-pêng gián-kiù Wiki ê kè-kò· chi̍t-pêng lâi siá. Ū chin-chōe kè-kò· khò-lêng góa mā-sī iáu-bōe bong chheng-chhò. Che si̍t-chāi sī góa ái koh ka-iû ê só·-chāi.

Image Talk ê tāi-chì chin sit-lé! Kî-si̍t...góa chit-má chiah chai... Góa kan-nā chú-ì tio̍h Opera hit-ia̍h, bōe-kì-chit khì kám-sī Image, góa ē khì hia pó hôe-tap!

Í-siōng sī góa ê hôe-tap, kî-si̍t góa mā-sī koh-ū chin-chōe ê būn-tê beh mn̄g, mā hi-bāng lí ū tāi-chì tio̍h chhiūⁿ án-ne kā góa kóng tio̍h hó ah. Mā chin kám-siā lí it-ti̍t pang-chō góa! Lēng-gōa nā-sī hi-bāng góa khì kā Bureaucrat candidates thâi-tiāu, mā-sī ē-ēng ti̍t-chiap kā góa kóng :)

--Astroviolin 21:54, Mar. 29th, 2006 (UTC+8)

Astroviolin, chìn-chêng chú-iàu sī teh kóng Wikipedia hêng-chèng jîn-oân èng-kai ū ê ki-pún si̍t-koàn, bô èng-kai kóng tùi Wikisource khì; che sī góa ê m̄-tio̍h. Wikisource hong-bīn, góa í-keng ū piáu-sī chi-chhî, pau-koah lí chò koaⁿ-liâu (bureaucrat) ê tāi-chì. M̄-koh lí nā kám-kak in-ūi góa piáu-sī bô 100.00% khéng-tēng lí chêng kah taⁿ ê piáu-hiān, só·-í siūⁿ beh thòe-soán, che tong-jiân sī lí ê chū-iû. Chóng--sī góa hi-bāng lí kè-siok lo̍h-khì; góa siong-sìn che m̄-sī "lêng-le̍k" ê būn-tê, sī keng-giām iáu bô-kàu. Che Holopedia khó-lêng mā ū chek-jīm: góa kám-kak bo̍k-chêng Holopedia ê khoân-kéng khah oh pôe-ióng "wiki ê siā-khu bûn-hòa". Tōa-pō·-hūn lâng ē ji̍p-lâi tah bûn-chiuⁿ, tàu chò kóa bûn-jī siu-kái ê khang-khòe, m̄-koh hán-tit teh chhap "siā-khu" ê ki-pún kiàn-siat, pau-koah án-choáⁿ koat-tēng tāi-chì, án-choáⁿ hêng-tōng, piau-chún ê hó-bái án-choáⁿ tēng, án-choáⁿ phoàⁿ-toān, chhiong-tu̍t án-choáⁿ kái, téng-téng. A-giâu 09:26, 30 Saⁿ-goe̍h 2006 (UTC)

Thâu-ia̍h ê jī-bó sek-ín

Góa siuⁿ ben kái-iōng ThaujiSekin chit-ê pang-bô͘ chhú-tāi hiān-chhú-sî ê jī-bó sek-ín. Chit-ê pang-bô͘ sī lī-iōng Special:AllPages chò-ê. In-ùi MediaWiki iau bô-hoat chò "localized sort", Ū ê só͘-chāi hāu-kó m̄-sī chin-hó. M̄-koh, pí chit-má iōng "chhiú-kang" cheng-ka ê sek-ín, èng-kai ū khah iâⁿ-kòa. Ē-kha sī chit-ê pang-bô͘ hián-sī chhut--lâi ê khóan:

0 · 1 · 2 · 3 · 4 · 5 · 6 · 7 · 8 · 9 · A ( Á À Â Ā A̍ ) · B · C · Ch · Chh · D · E ( É È Ê Ē E̍ ) · F · G · H · I ( Í Ì Î Ī I̍) · J · K · Kh · L · M ( M̄ ) · N · Ng · O ( Ó Ò Ô Ō O̍ ) · P · Q · R · S · T · Th · U ( Ú Ù Û Ū U̍) · V · W · X · Y · Z · · · Só͘-ū ê ia̍h

M̄-chai ta̍k-ke kám-ka án-chóaⁿ ? Pektiong 12:49, 30 Saⁿ-goe̍h 2006 (UTC)

Ū tō-lí. A-giâu 09:27, 31 Saⁿ-goe̍h 2006 (UTC)

Thâu-ia̍h chit-má kái iōng ThaujiSekin chit-ê pang-bô͘--a. M̄-koh, chit-ê pang-bô͘ pún-sin iû-gôan ū kái-chìn ê khong-kan. Nā tak-ke ū siaⁿ-mi̍h siūⁿ-hoat ōe-sài ti̍t-chiap liâu-lo̍h-khì kái Pektiong 14:21, 31 Saⁿ-goe̍h 2006 (UTC)

M̄-chai ē-tit kái chò iōng HTML "menu" bô? Hong-hoat m̄-chai. A-giâu 12:18, 1 Sì-goe̍h 2006 (UTC)

Eng-bûn kap Hôa-gú ê kài-siāu

Tī ji̍t-gí pán ê wikipedia ê thâu-ia̍h ū khan-khì A guide to Japanese Wikipedia chit-phiⁿ bûn-chiuⁿ. Lán sī-m̄-sī mā iōng Eng-bûn kap Hôa-gí siá Holopedia ê "ji̍p-mn̄g/kài-siāu" khǹg-tī meta, liáu àn thâu-ia̍h khan--kòe-khì ? Pektiong 14:21, 31 Saⁿ-goe̍h 2006 (UTC)

Hôa-gí ū tō-lí. Eng-gí...m̄-chai neh. A-giâu 12:21, 1 Sì-goe̍h 2006 (UTC)

Hoan-e̍k khang-khòe

Tâi-gí/Bân-lâm-gú lāi-bīn ū chin-chōe gōa-lâi gí lóng m̄-chai-iáⁿ án-chóaⁿ hoan-e̍k, góa chóe-kīn khai-sí kè-ōe ùi hoan-e̍k khai-sí chò. Góa ū khì Wiktionary seng chhì hoan kúi phiⁿ-á kok-ka miâ (chêng chhit-phiⁿ), góa hi-bāng í āu hoan-e̍k ê tāi-chì lóng ē-ēng tī Wiktionary thó-lūn, án-ne bān-bān-á lâi chò. Án-ne hó-bô? --Astroviolin: lâi chhōe góa lim ka-pi! 09:18, 3 Sì-goe̍h 2006 (UTC)

Lēng-gōa, in-ūi góa mā koh tī-leh chhì-giām, góa sī àm-sǹg chiàu gōa-bûn ti̍t-chiap hoan i ê im, jî-chhiáⁿ góa chham-khó ê gí-giân sī Ji̍t-gí kap Eng-gí, án-ne si̍t-chāi kóng kí-lâi m̄-sī siōng chèng-khak ê hoan-hoat, só·-í hi-bāng ū koh khah hó ê siūⁿ-hoat ê lâng ē-ēng pang góa kái ^^--Astroviolin: lâi chhōe góa lim ka-pi! 09:45, 3 Sì-goe̍h 2006 (UTC)

Kò-jîn hi-bāng lán chiām-sî mài chhap choan-iú-bêng-sû (lâng-miâ, tē-miâ) ê "im-e̍k" (transcription). Kā cheng-sîn hē tòa "sin" koan-liām ê hoan-e̍k téng-thâu. Khó-pí 寵物, 哈韓, 微波爐.... Góa kám-kak kā bûn-chiuⁿ sóa kòe lâi koh sóa kòe-khì koh sóa kòe lâi koh sóa kòe-khì chin "hoân", lōe-iông si̍t-chāi chi̍t-sut-á to bô kái-chìn, kan-na miâ teh kái nā-tiāⁿ. A-giâu 11:01, 3 Sì-goe̍h 2006 (UTC)

Lán iōng Latin-jī siá, ū ê hó-chhù tō sī chioh Latin-jī ê jī bô būn-tê, m̄-bián chiàu tha̍k-im lâi "hoan-e̍k". Brunei ê hú-siâⁿ sī Bandar Seri Begawan, tō siá "Bandar Seri Begawan" tō hó. Mn̄g lí nā beh siá "Bán-lah-lú Se̍h-jī Be̍h-gā-oan" sī beh chhòng-siaⁿh?? Kám ū ke khah hó khoàⁿ? Hó liām? Hó kì?? Nā ū-lâng siá "Bàn-lā-jû-sé-lí-bē-kā-ôa-an", lí kám kóng i siá m̄-tio̍h?? "Ísland" hoan-e̍k chòe "Peng-tē", "Nederland" hoan "Kē-tē-kok", "Crna Gora" hoan "O·-soaⁿ" sī chiàu ì-sù hoan-e̍k; án-nē chò sī hó, in-ūi pat-chióng gú-giân tùi chiah ê kok-ka mā ū án-ne chò: Pays-Bas, Iceland, Montenegro. M̄-koh che kap chiàu tha̍k-im hoan-e̍k sī bô-kâng--ê. – Kaihsu 17:52, 3 Sì-goe̍h 2006 (UTC)

---

Kaihsu sian-siⁿ lí hó. Góa tī-leh góa ê thó-lūn ia̍h ū kā-lí hôe-tap, mā kā hit-phiⁿ chóan kòe-lâi.:)--Astroviolin: lâi chhōe góa lim ka-pi! 07:02, 4 Sì-goe̍h 2006 (UTC)

---

M... Góa kò-jîn ê siūⁿ-hoat: Kám-ū khah hó khóaⁿ? Sī bô... M̄-koh, kám ū khah hó liām, hó kì? Góa kám-kak: cho̍at-tùi sī ū. Nā m̄-sī in-ūi chit-ê hó-chhù, góa mā bòe án-ne khì chhōe ka-tī mâ-hôan (Jî-chhiáⁿ góa kò-jîn si̍t-chāi chiok bô kà-ì khòaⁿ liân-jī-hō (hyphens) =.=) Hoan-e̍k ê pit-iàu sèng tio̍h-sī -- ta̍k-ke lóng ē-tàng tha̍k ē chhu̍t-lâi! Kin-á-ji̍t chi̍t-phiⁿ bûn-chiuⁿ, hó-pí "Opera" hó ah, lāi-té iû-koh ū Eng-gí, iû-koh ū Italiano, iû-koh ū Tek-gí... Án-ne sī beh án-chóaⁿ thak-leh? Khó-lêng lí ē-hiáu thak, góa gián-kiù chi̍t-ê mā ē-hiáu thak, m̄-koh lāu a-kong, a-má leh? Sió ha̍k-seng leh? Múi chi̍t-ê lâng nā-sī bōe-hiáu thak, tio̍h o·-pe̍h thak (góa kám-kak bô chhì-khòaⁿ-māi hoan-e̍k, tio̍h ē kā būn-tê thoa-kàu sú-iōng ê sî, chit-ê sî chiah chin-chiàⁿ sī "o·-pe̍h-lâi"...) ho·-siōng m̄-chai tī kóng siáⁿ-mí, án-ne chiah sī lōan... Mái kóng kî-thaⁿ gí-giân, Bí-kok Ka-chiu-chiu-tiúⁿ "Arnold Schwarzenegger", ū gōa-chōe lâng kì-ē-tiâu? Ū gōa-chōe lâng ē-ēng tha̍k chèng-khak?

Góa bô hoán-tùi hoan-e̍k, m̄-koh góa giâu-gî "im-e̍k" sī pit-iàu ê. Bân-lâm góa m̄-chai, Tâi-oân siā-hōe í-keng ū kiōng-sek lok chin chē chu-goân lo̍h-khì bú Eng-gí kàu-io̍k. Piáu-sī bī-lâi chha-put-to ta̍k-ê lâng to chē-chió ē-hiáu kóa "lò-lò-tn̂g" ê lâng-miâ, tē-miâ. (Si̍t-ché-siōng, Hàn-gí pun-sin mā sī ǹg to-im-chiat sû ê chhu-sè teh kiâⁿ.) Koh, Tâi-oân ê Lâm-tó gí-giân ê sû mā sī lò-lò-tn̂g. Lí jīn-ûi Arnold Schwarzenegger chió lâng kì ē tiâu. Che sī ha̍p-lí ê tî-gî, chin chē Ka-chiu ê Bí-kok lâng mā han-bām pheng-siá i ê miâ, sīm-chí kám-kak "Schwarzenegger" chin pháiⁿ liām. Tān-sī che bô piáu-sī i ê miâ m̄ sī Arnold Schwarzenegger. Mā bô piáu-sī siá Arnold Schwarzenegger tō tiāⁿ-tio̍h ài tha̍k Tang-kok Tek-gí im. Holopedia bô kui-tēng lí ài án-choáⁿ tha̍k miâ (tiāⁿ-tiāⁿ mā bô kiàn-gī). Lí nā beh tha̍k "Á-no·h Sī-oá-chian-gò" mā bô lâng ē kā lí tòng. M̄-koh it-tàn lí iau-kiû ta̍k-ê lâng tòe lí án-ne liām, che tō pìⁿ kong-kiōng sū-bū ah. Góa kám-kak Holopedia ê bo̍k-tek m̄ sī beh kui-hoān bī-lâi 100 tang ê Hō-ló-oē hoat-tián; che m̄ sī 5 ê lâng ē-tàng koat-tēng ê. Holopedia ê bo̍k-tek sī beh hō· lâng keng-kòe Tâi-gí, Bân-lâm-gí khì liáu-kái sè-sū. Che piáu-sī bûn-chiuⁿ ê lōe-iông chiah sī tē 1 iàu-kín, án-choáⁿ tha̍k gōa-kok miâ (kah pún-thó· gōa-gí miâ) sī chhù-iàu ê. Koan-hē lí siá koa-ke̍k tú tio̍h ê gōa-gí būn-tê: che khióng-kiaⁿ sī in-ūi lí (lán) bô poah-kang hoan-e̍k/kái-soeh hit-kóa m̄ sī choan-iú-bêng-sû ê ki-su̍t iōng-gí. A-giâu 09:43, 5 Sì-goe̍h 2006 (UTC)

POJ sī La-teng jī-bó, kok-chè-hòa, bô m̄-tio̍h, m̄-koh bô tāi-piáu bô su-iàu kā im hoan-e̍k. Kî-thaⁿ ê gí-giân tī-leh chiap-siu miâ-sû ê sî, mā-sī ke-kiám ē kái chi̍t-ē. Pí-jû kóng Tek-gí tio̍h tiāⁿ-tiāⁿ ē kái ah, Eng-gí "sh" kái chò Tek-gí "sch"; Tek-kok miâ "Friedrich" kàu Eng-gí pián "Frederik"...téng-téng, chia ê lē lóng chin-chōe. Jî chhiáⁿ in ê gí-giân koh ū chin-tōa ê pō·-hūn siō-siâng, khòaⁿ-kí-lâi kán-á phin-im bô chha chin-chōe, m̄-koh mā bô piáu-sī bô hoan-e̍k ê pit-iàu.

Au-Bí gí-giân ê sú-iōng-chiá ū chē-chē lâng ū su-iàu iōng tio̍h hiah ê miâ (ka-kī ū án-ne hō miâ), só·-í in chhiâu pheng-im sī chū-jiân ê le̍k-sú ián-piàn. Tâi-Bân siā-hōe bo̍k-chêng bô su-iàu tòe teh chò. Nā ū jú lâi jú chē lâng kā "Arnold" tha̍k chò "A-nó·-tek", "A-lú-nó·-tek" téng-téng, hit-chūn chiah iōng mā iáu ē-hù. Khó-pí góa bô hoán-tùi kiò chêng-1-ê kàu-chong Iok-hān Pó-lô II, in-ūi í-keng ū lâng án-ne hō ah ("Tân Pó-lô", Tiuⁿ Tāi-pi̍t). Ká-sú Arnold Schwarzenegger ū kong-kò i chèng-sek ê Hō-ló miâ, góa mā bô ì-kiàn. Góa chí-sī kám-kak Holopedia ê "jīm-bū" m̄ sī beh kà lâng án-choáⁿ tha̍k gōa-kok miâ, nā beh chò, ke̍k-ke sī "kiàn-gī" nā-tiāⁿ. A-giâu 10:08, 5 Sì-goe̍h 2006 (UTC)

Hoat-kiàn Eng-gí kàu-taⁿ iá bô hoat-tō· koat-tēng sī "Frederik" iah-sī "Frederick", sui-jiân tho̍k-im sio siâng. A-giâu 10:15, 5 Sì-goe̍h 2006 (UTC)

Hoan-e̍k sī pit-iàu ê. Bô kan-a in-ūi hó kì, hó thak, koh-ū chi̍t hāng tio̍h-sī -- La-teng gí-hē ê gí-giân, chū-iú chi̍t-thò chò-jī-hoat. Prefix, suffix, root, kap kî-thaⁿ gí-giân lāi ê piàn-hòa. Só·-í in tī-leh khòaⁿ tio̍h kî-thaⁿ gí-giân ê iōng-gí ê sî leh, tio̍h sǹg kóng bōe-hiáu, mā-sī ē-ēng ke-kiám ioh chi̍t-ē. M̄-koh túi góan lâi kóng...Nā-sī bô hoan-e̍k, kam-kóng múi chi̍t ê lâng, kám-kóng lóng ài ē-hiáu chia-ê kui-chek chiah ē-ēng lâi khòaⁿ bûn-chiuⁿ leh? Hó-pí góa siá ê Koa-kio̍k lāi-bīn, "Tàn-seng" hit tōaⁿ, ū chi̍t chōa "Tī-leh Mantova ê Gonzaga hú-tē kah Vicenza chiah-ê só·-chāi, lóng-ū ián kòe Pastorale kah Intermedio ê kì-chài." Nā-chún kin-á-ji̍t góa sī chi̍t-ê bōe-hiáu Italiano ê Bí-kok-lâng hó-ah: góa khòaⁿ-tio̍h "Pastorale" sui-jiân m̄-chai i sī tī-leh tó chi̍t-ê sî-kî, tó chi̍t-ê só·-chāi hoat-seng ê siáⁿ-mi̍h, m̄-koh góa tio̍h ē ioh kóng i khó-lêng sī kap chhân-hn̂g ū-koan-hē; sio-kâng, sui-jiân m̄-chai "Intermedio" sī siáⁿ, mā-sī ē-ēng ioh kóng khó lêng sī bō· kap bō· chi-kan ê siáⁿ-mi̍h mi̍h-kiāⁿ. M̄-koh lâi kàu Tâi-gí, kám-kóng hoan chò "Chhân-hn̂g-kio̍k", "Bō·-kan-kio̍k" bô kah hó? M̄-sī ta̍k-ke chi̍t khòaⁿ tio̍h chai? Siá gôan-bûn sī-m̄-sī siat-tēng sī ta̍k-ke lóng-ū it-tēng ê têng-tō·?

To·ng-jiân téng-kôan chit-tōaⁿ kah ū-koan ì-e̍k, góa mā chai-iáⁿ Peng-tē, Kē-tē-kok chia-ê sī ì-e̍k, kap thâu-chêng ê im-e̍k bô saⁿ sio-kâng, m̄-koh góa beh kóng-ê sī: im-e̍k ia̍h-hó, ì-e̍k mā-hó, lóng-sī ū e̍k khah hó. Kin-á-ji̍t im-e̍k ê kiat-kó bô bóan-ì, ē-ēng ōaⁿ lēng-gōa chi̍t-ê im, bô nā-sī siūⁿ-tio̍h chiok-hó ê ì-e̍k hong-sek mā-sī chin hó. M̄-koh kóng-lâi-kóng-khì.....Ia̍h sī ū e̍k khah hó.:) Che sī góa ê khòaⁿ-hoat.

--Astroviolin: lâi chhōe góa lim ka-pi! 18:56, 3 Sì-goe̍h 2006 (UTC)

Pó·-chhiong chi̍t-ē: góa kám-kak bô hoan-e̍k kán-á sī siat-tēng múi chi̍t-ê lâng lóng ē-ēng khòaⁿ ū, liām ē chhu̍t-lâi. M̄-koh éng-kai kî-si̍t bô siáⁿ khó-lêng... Siūⁿ-khóaⁿ-māi nā bô hoan-e̍k ē hoat-seng siáⁿ-mi̍h tāi-chì -- ta̍k-ke tī-leh thó-lūn sim-ê mi̍h ê sî, it-teng tha̍k-tha̍k-leh hoat-hiān tio̍h pháiⁿ liām ê sî, bōe-chêng-bōe tio̍h ē sú-iōng Hôa-gí im-e̍k ê hoan-e̍k. Nā bô, kàu-hōe lāi-bīn ná-ē tio̍h kā "John" hoan-chò "Io̍k-hān"? Kā "Babel" hoan-chò "Pa-pia̍t"? Nā-sī bô-lâng gián-kiù hoan-e̍k, chia ê tāi-chì mā-sī ē it-tēng tiāⁿ-tiāⁿ hoat-seng. Ūi siáⁿ-mi̍h leh? In-ūi ū iōng chhin-chhiùⁿ ka-tī ê gí-giân ê liām-hoat im-e̍k kòe ê gí-giân, chin-chiàⁿ ū khah-hó kì, hó liām. Só·-í nā-chún Hôa-gí ū ê sû, Tâi-gí bô, it-poaⁿ lâng it-tēng sī khì kā Hôa-gí ê sû chóan hoan kòe lâi... Án-ne kám-ū khah-hó? "John" pián-chò "Io̍k-hān"?? Tó-ūi ū "k" ê im leh?? "Babel" ná-ē hoan-chò "Pa-pia̍t" leh?? "t" ê im tī tó-ūi?? (Tong-jiân góa sī kú-lē niâ, chit-má èng-kai sī bô-kó-lêng khì tāng Sèng-keng lāi-bīn ê miâ.)

Wiki sī chi̍t-ê chiok hong-piān ê só·-chāi, lāi-bīn ê chu-liāu lóng ē-ēng hō·-siōng liân-lâi-liân-khì. Khò chit-ê ki-su̍t kî-si̍t góan ē-ēng kā chu-liāu chéng-lí lia̍t-pió kah chiok-hó-ê. Múi chi̍t-phiⁿ bûn lāi ê sû thóng-it hoan-e̍k, liân-kia̍t kàu thóng-it chéng-lí ê lia̍t-pió, bô khòaⁿ bô ê tō-lí. Beh hoan chò-hóe hoan, beh kái tàu-tīn kái, góa kám-kak án-ne kah-hó. Ôan-chôan bô hoan, chí-ū koh-khah lōan. Che-sī góa kò-jîn siūⁿ-hoat. --Astroviolin: lâi chhōe góa lim ka-pi! 20:06, 3 Sì-goe̍h 2006 (UTC)

Goá bô hóan-tùi chiàu ì-sù hoan-e̍k: pastorale → chhân-hn̂g-kio̍k. Góa hóan-tùi--ê sī sin ê bêng-sû chiàu tha̍k-im hoan-e̍k. Nn̄g hāng tāi-chì m̄-thang lām chò-hóe thó-lūn. Chiàu tha̍k-im hoan-e̍k sī ke-pô, ke-gia̍h, koh giâ-kê. Chiàu tha̍k-im hoan-e̍k í-keng ū tī Holopedia chhì--kòe ah, í-keng hō· lâng hóⁿ-ko̍at: Talk:Karl Marx, Talk:Marx-Lenin-chú-gī, Wikipedia talk:Siá-chok ê kui-hoān#Lâng-miâ: Siáⁿ-mi̍h sī "Hàn" miâ?, Wikipedia:Siá-chok ê kui-hoān#Gōa-lâi-gú. Arnold Schwarzenegger, Llanfairpwllgwyngyllgogerychwyrndrobwllllantysiliogogogoch sī pún-lâi tō pháiⁿ-kì, m̄-sī hoan-e̍k ê būn-tê. Góa bô-ài koh kóng; beh hoan-e̍k lí kā-kī khì hoan-e̍k. – Kaihsu 13:12, 4 Sì-goe̍h 2006 (UTC)

Kám-siā lí ê hôe-tap. Góa liáu-kái ah.--Astroviolin: lâi chhōe góa lim ka-pi! 14:01, 4 Sì-goe̍h 2006 (UTC)

Khoàⁿ Holopedia sî ê jī-hêng

Thó-lūn í-keng sóa khì MediaWiki_talk:Monobook.css. Lô-hoân khì hit-tah gī-lūn Holopedia ê jī-hêng. A-giâu 05:13, 11 Sì-goe̍h 2006 (UTC)

Wiki Tô·-su-kóan ê sin-chhéng

Góa í-keng ū seng siá chi̍t-ia̍h chhut-lâi, tī Main Page:Bân-lâm-gú chia. Án-ne ta̍k-ê khòaⁿ hó-bô? Ia̍h-sī ài seng siá kúi phiⁿ-á chhì-khòaⁿ-māi? Lēng-gōa, góa mā ū khì sin-chhéng ê só·-chāi ka-ji̍p liân-kia̍t ah.--Astroviolin: lâi chhōe góa lim ka-pi! 08:19, 4 Sì-goe̍h 2006 (UTC)

台灣維基人的全國性社團相關事宜

台灣維基人正在籌備一個全國性社團，有一些事情要請大家一起來參與。現在正在進行的討論與投票有：

1. 命名投票，選項有：
   1. 中華民國維基媒體總會
   2. 中華民國維基媒體協會
   3. 台灣維基媒體協會
2. 章程草案的討論，需要討論的項目有：
   1. 宗旨
   2. 任務
   3. 會員種類與會員資格
   4. 理監事數量
   5. 理監事任期
   6. 會費

此外，現在發起人人數已經跨越30人門檻，不過，人民團體法和社會團體許可立案作業規定都沒有規定人數上限，因此想加入發起人名單中的伙伴請繼續簽名。
至於身份證影本，原本打算請各位在社團名稱確定後，在身份證影本上註明「專供＊＊＊＊＊使用」字樣郵寄給我，但是剛才去翻申請組織全國性社會團體須知（Word檔）才發現先前漏看一個規定，發起人名冊除了需要發起人的資料並且附上身份證之外，還要有發起人親自簽章。所以，郵寄身份證變得沒有意義了。因此，我將安排幾次發起人聚會（可能北中南各一次），讓大家帶身份證過來並簽章。
對這個社團的籌備事宜，如果有任何意見，請到相關頁表達，如果找不到相關頁面，就到Talk:Wikimedia Taiwan留言。

228 手牽手

(Sorry if there is a better place to post this.) Can someone translate this into Pe̍h-ōe-jī (POJ)? I'm learning this song.

一蕊花 生落地 爸爸媽媽疼尚多 風那吹愛甲被 毋通乎伊墮落黑暗地 勿開的花 需要你我的關心 乎伊一片生長的土地 手牽手心連心 咱站作伙 伊是咱的寶貝

--71.142.70.251 (x-posted)

See User_talk:71.142.70.251. For future requests, you might want to consider visiting Wikipedia:Tāi-sài-koán. 211.72.108.2 06:03, 6 Saⁿ-goe̍h 2006 (UTC)

建議漢/羅並用

閩南語的維基百科實在是很難閱讀,相對於其他語言 有沒有辦法拼音和中文並用啊,就如同日文中夾雜平假名和漢字一般 據我所知,日本當初也想用五十音的拼寫來完全取代漢字.....但後來覺得不行....

有許多人採並用的方式書寫，即所謂的「漢羅」，但目前有些技術性的問題需面對：

• 漢字選用原則不只一套，以致於漢字用字不一致（未標準化）；
• 漢/羅比例是相關的問題：有些人漢字用比較多，有些人羅馬字用比較多（日文或許有類似的問題）；
• Wikipedia是「共筆」（collaborative）的環境，漢羅不一致可能會導致無法共筆。
• 羅馬拼音固然有其特有的問題，但至少不需要煩惱漢字選用問題以及漢羅比例問題，編輯者大部分的時間可用於構思文章之實質內涵等寫作問題上面。
• 附帶價值：由於網路使用者一般年紀青、母語能力比較有限，羅馬拼音可以幫助編輯者矯正彼此的發音以及避免寫作內涵過度華語化（被北京語漢字牽著走）。
• 或許以後可以使用軟體半自動漢字化。

以上純屬個人意見。

A-giâu 14:11, 14 Saⁿ-goe̍h 2006 (UTC)

儂着把漢字搶囬來！！！

本人是大陸概閩南語用戶，但是我基本看不懂這是在寫什么。我建議可以學粵語用主要漢字，再造幾個閩南語漢字（盡可能少，建議加強考證表達閩南話漢字），組成屬于儂概閩南語維基百科。

比如首頁“汝會曉講閩南語是無？ 真好！若安呢，汝敢知影全世界講閩南語的儂攏總有偌儕,到底攏啥物所在的儂咧講閩南語咧？著！汝有影誠內行，咱閩南語主要著是分佈佇：福建南部（廈門、漳州、泉州）、臺灣、潮州汕頭、雷州半島、海南島，佮浙江省的南部。上重要啲，咱閩南語會使講是國際語言，佇東南亞、美國、加拿大、歐洲...一四界攏會當聽著咱厝的聲音。根據統計，現時，全世界會曉講閩南語的儂超過5000萬，世界頂上儕儂講的言當中，閩南語排第21名。”阿呢毋是過好么。

阿呢好推廣儂概閩南語，也讓全世界概閩南粵東人（包括后裔）能看會曉儂概閩南語維基百科。

閩南話又叫做Hō-ló-oē，就是河洛話！儂正是正宗的漢族人，儂着把漢字搶囬來！！！漢字是儂概，毋是北京人概！！

儂着把漢字搶囬來！！！儂着把漢字搶囬來！！！儂着把漢字搶囬來！！！儂着把漢字搶囬來！！！67.15.34.252 05:14, 12 Gō·-goe̍h 2006 (UTC)cowboy800

即暫仔，ná 像愈來愈儕儂有咧致意閩南語維基百科（比論講樓頂即位）。不而過，chiah-ê 儂 ná 像透底攏無瞭解白話字是啥貨。現代儂大多數攏捌佇學堂（學校）接受過中文的教育，會捌「中文漢字」，雄雄beh叫in來看chiah-ê POJ 的符號，看 pān-sè 是真oh得通接受，佫咔免講來學、來寫、來看。我意思是講，管理員是呣是噯撥liâm-mi-á工，重親佫來思考即个問題，雖罔佇進前即款的問題互儂問過千萬擺啊……歹勢啦…其實我嘛知影，閩南語漢字猶未定型落來進前，即个問題暫時無答案。--limkianhui 14:38, 24 Sì-goe̍h 2006 (UTC)

我認為北京話漢字也並不是非常規範。經常隨便造字或假借。如“哦”“咋”“啥”“嗎”，假借如“之”假借為“的”，“無”假借為“沒”等等。 北京話漢字尚且如此不規範，閩南話漢字何不先用下。之后慢慢完善。67.15.34.252 05:14, 12 Gō·-goe̍h 2006 (UTC)Cowboy80

Proper way to read

• Chhiáⁿ-mn̄g, 清除 án-chóaⁿ siá?

• Góa û thiaⁿ lâng tha̍k

1. 尊行 = chun-kiâⁿ
2. 相愛 = saⁿ-thiàⁿ
3. 作見證 = chòe kiàn-chèng

• Are these proper? This is how we read these. forgive me my poj, it's very basic. -- Hiòng-êng 01:08, 6 Sì-goe̍h 2006 (UTC)

清除 tha̍k "chheng-tû". Chit sû kán-ná khah chió lâng iōng (not a common word)?

相愛 chiàu jī tha̍k sī "siong-ài". "Saⁿ-thiàⁿ" ê "thiàⁿ" chhin-chhiūⁿ ū kúi-nā-chióng siá-hoat (相疼, etc.).

尊行 góa tha̍k "chun-hêng".

A-giâu 11:55, 6 Sì-goe̍h 2006 (UTC)

To-siā jí.. Sorry, I should have typed 遵行instead of 尊行. So, "Saⁿ-thiàⁿ" is "相疼" instead of "相愛"? Can "chòe kiàn-chèng" siá chòe "做見證"? -- Hiòng-êng 12:45, 6 Sì-goe̍h 2006 (UTC)

愛 eng-kai kan-taⁿ tha̍k "ài", "thiàⁿ" sī lēng-gōa 1 ê word. e.g. "góa ài i" kah "góa thiàⁿ i" ì-sù bô kâng. Ē-sái siá 做見證. A-giâu 08:46, 7 Sì-goe̍h 2006 (UTC)

Ná-ē khoàⁿ-bô Charis SIL ê hāu-kó ?

Tī bāng-ia̍h siōng bīn-téng, ū siá kóng Kiàn-gī an Charis SIL, thèng-hó khoàⁿ khah súi-khùi.For optimal viewing, install the Charis SIL font (free), iah m̄-koh sī án-choáⁿ góa khoàⁿ bōe-tio̍h Charis SIL ? Góa mā-ū an Charis SIL neh, ia̍h-sī kóng to̍h-ài án-choáⁿ chhiâu chiah ē-tàng hō· jī-hêng pìⁿ-chòe Charis SIL? Góa chit-chūn khoàⁿ--tio̍h-ê, chiàu-goân sī Lucida Sans Unicode niā...--limkianhui 14:52, 24 Sì-goe̍h 2006 (UTC)

Góa m̄-chai neh. Kám ū lâng chai goân-in? A-giâu 17:00, 8 La̍k-goe̍h 2006 (UTC)

http://zh-min-nan.wikisource.org/

Bân-lâm-gú ê wikisource chhut-sì--a. Ū siáⁿ-mi̍h thang poaⁿ khì hit-ê bûn-hiàn-khò͘? Ta̍k-ke ū-êng bong siūⁿ. Pektiong 04:38, 8 La̍k-goe̍h 2006 (UTC)

Barclay Sèng-keng? – Kaihsu 09:54, 8 La̍k-goe̍h 2006 (UTC)

Góa chhiú-ni̍h bô Barclay Sèng-keng ê tiān-chú tòng-àn :( Pektiong 11:31, 8 La̍k-goe̍h 2006 (UTC)

A-giâu ū. Kā i thó. – Kaihsu 16:09, 29 La̍k-goe̍h 2006 (UTC)

Wiktionary 500 phiⁿ

Wiktionary tē 500 phiⁿ chhut-sì--à. [1] [2] Tāi-ke kiong-hí, kè-sio̍k phah-piàⁿ! --Chùn-hiàn 13:10, 15 La̍k-goe̍h 2006 (UTC)

Beh kā tô· chiūⁿ-thoân khì Wikimedia commons

Chioh-mn̄g koh-ūi sian-chìn: In-ūi chìn-chêng góa lóng kā tô·-phìⁿ chiūⁿ-thôan kàu lán ê Wikipedia, chit-má nā siūⁿ-beh kā chia-ê tô·-phìⁿ thoân-khì Wikimedia commons hō· pa̍t-ê Wikipedia mā ē-ēng--chit, ài án-chóaⁿ chò chiah-hó? Kám-sī seng kā tô· chiūⁿ-thoân khì Wikimedia commons, jiân-āu thâi-tiāu lán chia ê tô·? He̍k-chiá-sī kî-thaⁿ ê hong-sek? Chhiáⁿ koh-ūi sian-kak chí-tō, kám-siā ló·-la̍t. --Albert 13:19, 28 La̍k-goe̍h 2006 (UTC)

Tio̍h, chhiáⁿ chham-khó soat-bêng. Tô͘ jú toā tiuⁿ jú hó. Hō Eng-gí miâ khah chē lâng khoàⁿ bat. Iōng Special:Upload thê-kiong ê pang-bô͘ thiⁿ tòng-àn chu-liāu (chok-chiá, ji̍t-kî, téng-téng -- ē-sái chham-khó goá chit ê). A-giâu 15:17, 28 La̍k-goe̍h 2006 (UTC)

Kám-siā a-giâu ê soat-bêng. Góa kā tô· thoân-khì Wikimedia commons bô būn-tê, m̄-koh, Wikipedia chia kám tō thâi-tiāu?--Albert 11:35, 29 La̍k-goe̍h 2006 (UTC)

Nā-chún oân-choân sio siâng, chit pêng thâi tiāu sī khah keng-chè. A-giâu 11:52, 29 La̍k-goe̍h 2006 (UTC)

Ē-sái iōng {{nowCommons}} chit-ê pang-bô͘ the̍h-chhéⁿ--lâng, Wikimedia commons í-keng ū chit-tiuⁿ tô͘. --Chùn-hiàn 15:40, 29 La̍k-goe̍h 2006 (UTC)

Wiktionary 1000 phiⁿ

Ba̍k-chit-ê-nih, 2 lé-pài-kú nā-niā, Wiktionary tē 1000 phiⁿ chhut-sì--à. To-siā tāi-ke táu-saⁿ-kāng, mā sūn-soà chio kok-ūi pêng-iú lâi bóng-siá-kòa. (Chham-khó: Siau-sit, Wikimedia_News) --Chùn-hiàn 15:55, 29 La̍k-goe̍h 2006 (UTC)

Chhiáⁿ-mn̄g

Chhiáⁿ-mn̄g, what are the POJ of these languages?

• Ido
• Norwegian
• Swedish
• Interlingua
• Hungarian
• Romanian

Please help me in these. If I have them, I can make more entries in Wiktionary. A-yao 08:21, 6 Chhit-goe̍h 2006 (UTC)

ō͘ kap ō·

Teh siá hiòng-liōng ê sî, ū siá-tio̍h sok-tō·, kiat-kó hoat-kak èng-kai ū tiâu-bo̍k ê sok-tō͘ soah hián-sī bô tiâu-bo̍k ê liân-kiat chōng-tāi. Aū--lâi chiah liáu-kái sī ō͘ kap ō· bô-kâng ê koan-hē. M̄-chai lán chia ū kui-hoān phiau-chún--bô? Ló·-la̍t!--A-kun--a 19:12, 11 Chhit-goe̍h 2006 (UTC)