Thó-lūn:Sèⁿ-miā-thé

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

生物[kái goân-sú-bé]

生物 (活物; 生物體)是有性命的個體,佇咧生物學生態學,生物是互相影響的成份構成的一種相對穩定的系統,會表現特殊的功能佮性命特色的一个整體,生物上重要的特色就是會進行新陳代謝,有合成代謝佮分解代謝。

性命的起源佮生物分類一直有爭議,一般的,生物分做二大類:原核生物佮真核生物,原核生物閣分做二个:細菌域(Domain Bacteria)佮古細菌域 (Domain Archaea),這二種中間差真濟,進化史的研究今猶未揣著(人因)中間的聯係,真核生物的二个細胞器: 葉綠體佮線粒體,凡勢是對內生細菌 (endosymbiotic bacteria)演化來的。

細胞超過一个的生物叫做多細胞生物。

公家的特色[kái goân-sú-bé]

大部份的生物公家的特色有:

  • 會振動
  • 會食食
  • 會喘氣
  • 會大漢
  • 會生湠
  • 對刺激有反應

遮的特色毋是全部的生物攏有,像講幾若種生物家己袂振動(雖罔植物的生長會使看做一種振動),抑是袂直接對環境的變化產生反應,微生物,比論講細菌,就袂喘氣,另外有真濟種生物的個體袂生湠,毋過(人因)彼的物種會當。

病毒[kái goân-sú-bé]

病毒家己袂當生湠佮新陳代謝;咱通常無共當做生物,不而過照美國法典(United States Code)的生物武器相關內容,病毒嘛算做微生物,幾若種寄生動物佮內共生體 (endosymbionts)家己嘛無才調生存,病毒敢欲算做生物猶有真大的爭議,病毒雖罔有酵素佮其他生物特有的分子,毋過若無佇寄主細胞內底(人因)就無法度活落去,病毒新陳代謝的過程嘛需要靠寄主的遺傳機制,這號寄生現象的起源猶無清楚,凡勢佮寄主有關係。

歲壽[kái goân-sú-bé]

歲壽是生物的基本參數,有的生物干焦會當活一工,有的生物,像講植物,就會當活幾若千年,細胞老siam (senescence)咧決定生物體、細菌、病毒,甚至是病原性卵白顆粒(prion)的歲壽的時真重要。