Thian-châi

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chām, chhiau-chhoē
Bu̍t-lí-ha̍k thian-châi Albert Einstein

Thian-châi (天才) sī tián-hiān liáu chhut-chèng ê tì-le̍k kap chhòng-ì ê lâng. Chia-ê chhòng-ì thong-siông sī kóng tī bó͘-chi̍t ê ia̍h-sī bó͘-chi̍t-koá léng-he̍k tián-hiān chiân-só͘-bī-iú ê tōng-chhat-le̍k.

Tī kho-ha̍k siōng, tùi thian-châi nn̄g ê jī pēng bô chún-khak ê tēng-gī. Thian-châi chit-ê iōng-gú ê sú-iōng iu-goân sī cheng-lūn-sèng ê gī-tê. Thian-châi ē-tàng hêng-iông chi̍t ê lâng ê bó͘-chióng te̍k-sû ê châi-lêng; mā ē-sái iōng tī-leh thong-hiáu ta̍k hong-bīn ha̍k-būn ê phok-ha̍k-chiá, pí-lūn kóng Isaac Newton kap Leonardo da Vinci. He̍k-chiá sī bó͘-chi̍t ê léng-he̍k ê gâu-lâng, chhin-chhiūⁿ Albert Einstein kap Stephen Hawking. Tùi "sī siáⁿ-mi̍h goân-in chō-chiū liáu thian-châi", bo̍k-chiân kho-ha̍k-kài tng teh gián-kiù tiong, tān-sī tī sim-lí-ha̍k-kài í-keng thê-chhut liáu siong-koan ê kiàn-kái. Chē-chē thian-châi sī cheng-sîn-pēⁿ ê hoān-chiá, chhin-chhiūⁿ Vincent van Gogh kap Ernest Hemingway téng-téng.