Tiong-téng ha̍k-hāu

Wikipedia (chū-iû ê pek-kho-choân-su) beh kā lí kóng...
"Tiong-ha̍k" choán koè chia. Chhōe kî-thaⁿ ēng-hoat, khòaⁿ Tiong-ha̍k (khu-pia̍t-ia̍h).

Tiong-téng ha̍k-hāu (Eng-gí: secondary school "chhù-kip ha̍k-hāu"), he̍k-chiá kiò tiong-ha̍k-hāutiong-ha̍k (-o̍h), sī thê-kiong tiong-téng kàu-io̍k ê ki-koan. Ū-ê só͘-chāi tiong-téng thang thiah chò chho͘-kip tiong-téng kap ko-kip tiong-téng nn̄g tōaⁿ, pí-lūn tī Bí-kok ū hun tiong-ha̍k-hāu kap ko-ha̍k-hāu.

Iōng-gí[siu-kái | kái goân-sí-bé]

Tī Tang-iûⁿ kok-ka, pí-lūn Ji̍t-pún, it-poaⁿ sī sú-iōng Hàn-jī-sû "tiong-téng ha̍k-hāu" (中等学校) iā "tiong-ha̍k-hāu" (中学校), tùi-èng Pak Bí-chiu-sek ê high school ("ko-ha̍k-hāu"). Tī Bí-kok, Tiong-téng ha̍k-hāu thang hun nn̄g tōaⁿ, thâu tōaⁿ hō chò middle school ("tiong-ha̍k-hāu") iā junior high school ("chiân-kî ko-ha̍k-hāu"), āu tōaⁿ kiò high school ("ko-ha̍k-hāu") iā senior high school ("āu-kî ko-ha̍k-hāu").