Wikipedia:Súi-khùi ê bûn-chiuⁿ/8 goe̍h 20 ji̍t
Tâi-pak-chhī Chèng-hú sī tī Tâi-oân ê Tiong-hôa Bîn-kok ti̍t-ha̍t-chhī Tâi-pak-chhī siōng-koân chân-kip ê hêng-chèng ki-koan; tī Tiong-hôa Bîn-kok Chèng-hú ê kè-kò͘ tiong, sī ti̍t-hat-chhī ê chū-tī hêng-chèng ki-koan. Tâi-pak-chhī Chèng-hú tông-sî mā hū-chek chip-hêng tiong-iong ki-koan úi-pān ê sū-hāng, i-ê chū-tī kàm-tok ki-koan sī Hêng-chèng-īⁿ. Tâi-pak-chhī Chèng-hú lāi-pō͘ siat ū 32-ê it-kip ki-koan, 112-ê jī-kip ki-koan, 12-ê khu-kong-só͘, 236-keng kok-kip ha̍k-hāu, 14-keng iù-tī-hn̂g, lēng-gōa iáu-ū keng-êng 3-keng chhī-êng sū-gia̍p ki-kò͘; pian-chè lāi ê oân-kang lâng-gia̍h lóng-chóng ū 7-bān gōa lâng. (Tha̍k choân-phiⁿ...)