Âng-hoe iá-khan-gû

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Âng-hoe iá-khan-gû
Âng-hoe iá-khan-gû ê hoe.jpg
Âng-hoe iá-khan-gû ê hoe
Seng-bu̍t-ha̍k ê hun-lūi
Kài: Plantae
A-kài: Tracheobionta
Mn̂g: Magnoliophyta
Kong: Magnoliopsida
A-kong: Asteridae
Ba̍k: Solanales
Kho: Convolvulaceae
Sio̍k: Ipomoea
Chéng: I. tribola
Siang-bêng-hoat
Ipomoea tribola
?

Âng-hoe iá-khan-gû (Hàn-jī: 紅花野牽牛; Eng-gí: red flower morning-glory; ha̍k-miâ: Ipomoea triloba) kui-sio̍k-î soân-hoe-kho (Convolvulaceae), sī chi̍t-nî-seng, soan-tîn-sèng, chháu-chit tîn-pún si̍t-bu̍t. Tī Tâi-oân i hun-pò͘ tī tiong-pō͘ kap lâm-pō͘ ê pêⁿ-tē iá-gōa kap kē hái-poat soaⁿ-khu, seⁿ tī chhiū-nâ-á piⁿ-á, lō͘-piⁿ, pha-hng-tē. I kah-ì kui-kang he̍k-chiá-sī pòaⁿ-kang ū ji̍t ê khoân-kéng.

Kui-nî-thàu-tang lóng-ū khui-hoe. I-ê hoe chiâⁿ kiaⁿ ji̍t-thâu-kng, ji̍t-thâu chi̍t pha̍k toh ha̍p--khí-lâi, kan-taⁿ tī tháu-chá he̍k-chiá-sī bô-ji̍t ê só͘-chāi chiah ē-tàng khòaⁿ tio̍h hoe khui. Iah-m̄-koh i-ê hoe ē-tàng tòng 3~7 kang, sǹg-sī khan-gû-hoe-lūi lāi-té hoe-lúi siū-miāⁿ siāng-tn̂g--ê.

Hêng-thāi[siu-kái | kái goân-sú-bé]

Hio̍h-á sī lio̍h-lio̍h-á khah khoah he̍k-chiá-sī khah îⁿ ê sim-hêng; hio̍h-á ê pian-iân sī choân-iân, chho͘ ê kí-á-khí-iân, he̍k-chiá-sī 3 ê chhim-lia̍t.

Hoe sio̍k-î ha̍p-pān-hoe hit-khoán sī lah-pah-hêng; hoe-sek hún-âng-á-sek, lah-pah lāi-té chí-âng-sek; hoe ê ti̍t-kèng 1~2 mm; hoe ùi hio̍h-á ê kòe-hiⁿ-khang seⁿ-chhut, chū-sàn-hoe-sū (聚繖花序); chhû-hiông-kang-tu, hiông-lúi ū 5 lúi, chú-pâng ū iù-mo͘.

Kóe-chí sī kiû-hêng ê sok-kó (蒴果), ti̍t-kèng 0.5~0.7 cm, ū iù-mo͘, chéng-chí sī o͘-sek--ê.

Tô͘[siu-kái | kái goân-sú-bé]