Thó-lūn:Sin-ka-pho

Wikipedia (chū-iû ê pek-kho-choân-su) beh kā lí kóng...
(Tùi 新加坡 choán--lâi)
跳至導覽 跳至搜尋

新加坡[kái goân-sú-bé]

新加坡
Sin-ka-pho ê kî-á
LocationSingapore.png

新加坡共和國 (英語: The Republic of Singapore)是馬來西亞半島(Peninsula of Malaysia)南方的島國,土地面積647.5 平方公里。

新加坡的人口有大約400萬人,華人(中國血統)占76.9%、馬來人14%、印度人7.7%、其他族群占1.4%。

主要的宗教有: 佛教、道教、伊斯蘭(Islam)教、基督教佮印度教。

馬來語 (Malay)是國語,英語、北京話(Mandarin)、塔米(Tamil)語攏是官方語言,其中英語又閣是行政用語,通用的工作語言。

華人族群的通用語言有: 北京話、福建(閩南語)、潮州、廣東話佮客話(Hakka)四大方言。

歷史[kái goân-sú-bé]

獅頭魚

新加坡歷史真短暫,早期主要是馬來人佇遮蹛,大約佇咧公元13、14 世紀彼陣,中國人就已經來到新馬地區,、 清時代的福建人,共新加坡叫做"Sit-la̍t"或者"Sit-la̍t-po·" ,公元1819年1月29號,英國東印度公司的辛勞斯坦福‧萊佛士(Stamford Raffles)來到新加坡,並且開始管轄這塊土地,公元1824年,新加坡正式成做英國的殖民地。

公元1941年,太平洋戰爭的時期,新加坡遭受日本人統治三年閣六月日,到甲1945年8月,英國才閣接管新加坡, 1959年,新加坡得著自治的地位,了後,佇1963年,又閣結合彼當時的馬來聯邦、沙勞越佮北婆羅州(也就是這陣的"沙巴" ),共同成立馬來西亞聯邦,脫離英國的統治,公元1965年8月9號,新加坡宣佈退出馬來西亞聯邦,正式成做一个主權獨立的國家

此去30年中間,新加坡經濟得著飛速的發展,成做東南亞重要的金融佮轉口貿易中心,是亞洲四小龍之一。

政治[kái goân-sú-bé]

新加坡是議會制的國家,國家機構實行三權分立,總統是直接民選產生的,是國家的元首,國會議員嘛是選舉產生,阿總理是按國會多數黨當中產生,伊領導的內閣擁有行政權,總理會當對議員當中選出內閣成員。

西方國家批評講,新加坡人民行動黨長期掌控著新加坡的政治舞台,國會成員大多數攏是這个黨的人,阿前後三任的總理(李光耀、吳作棟佮李顯龍)嘛是來自這个黨,新加坡政府體制敢若閣較接近專制統治,抑和民主政治真無相(相同),抑毋過予人感覺驚奇佮稱讚的是,新加坡政府竟然是一个完全透明、清廉又閣高效的政府

經濟[kái goân-sú-bé]

市中心的樓仔厝

公元1965年了後,新加坡的經濟迅速發展起來,成做新型的現代化工業國家,工業主要包括各類上大的煉油中心、化工、造船、電子佮機械等、著名的裕廊工業區 (英語:Jurong Industrial Park)就是佇新加坡,國際貿易佮金融業佇新加坡經濟當中扮演著真誠重要的角色,目前,新加坡是全球第四大外匯市場交易中心,干焦排佇紐約、倫敦佮東京的後壁,新加坡運輸業非常發達,這塊有全球上無閒、上鬧熱的港口佮機場,最近幾年,新加坡大量投資,計劃生物科技的產業發展,人民生活水平升懸,人均國民生產總值超過3萬美元,排佇世界頭幾名,旅遊業嘛佇國家整個的經濟結構當中占據重要的比重,來遮chhit迌,旅遊的人客主要來自日本、中國東南亞其他國家。