Thó-lūn:Bân-lâm bûn-hòa
(Tùi 閩南文化 choán--lâi)
閩南文化[kái goân-sí-bé]
啥物號做閩南文化？根據廈門市閩南文化學術研究會副秘書長楊浩存的解釋，閩南文化是佇中國各代晉、唐時期中原文化的基礎上，透濫福建在地的原住民文化，並且經過千百年的變化佮發展，才慢慢定形落來的，古早時陣，一寡仔番仔文化原仔對閩南文化產生真大的影響，比論講阿拉伯(Arabic)文化、南洋文化、西方文化佮日本文化，閩南文化有真明顯的地方色彩，伊的個性特殊，內涵豐富，閩南文化的根本是漢族文化。
流傳的範圍[kái goân-sí-bé]
幾若百年來，閩南人不斷的過番移民，閩南人的跤跡遍佈全世界，閩南人文化主要流傳佇福建南部、臺灣、東南亞的馬來西亞、新加坡、菲律賓遮的國家的唐人社區。
閩南文化的內涵[kái goân-sí-bé]
廈門市閩南文化研究所的所長陳耕先生對閩南文化的內涵做了解讀，伊講，閩南文化有千外年的歷史，伊的內涵非常的豐富，到今(學術界)對伊的研究，上少愛包括：閩南物質生活文化、閩南語言、閩南民間風俗、閩南口傳文學、閩南民間藝術、閩南民間信仰、 閩南民間工藝、閩南民間醫藥、閩南家族制度佮閩南人的性格個性等等，牽涉著歷史、藝術、民俗、宗教、語言、心理、醫藥等等真濟的學科。