Wikipedia (chū-iû ê pek-kho-choân-su) beh kā lí kóng...
Goân-chióng-hiong (元長鄉) sī Tâi-oân Hûn-lîm-koān se-lâm-hong ê 1 ê hiong. Í-chá hō-chò Goân-chióng-chng (元掌庄), kèng-lāi ê lâng tāi-pō͘ -hūn í choh-sit ûi-gia̍p, sī tián-hêng ê lông-gia̍p-hiong. Chia sán ê thô͘-tāu sán-liōng sī choân-Tâi tē-it, chiám beh 3 siâⁿ (28%). Gô͘-bó, soàn-thâu, tiū-á mā lóng sī chit-ê hiong ê chú-iàu lông-sán-phín.
Kin-kù Hûn-lîm-koān Hō͘ -bé hō͘ -chèng sū-bū-só͘ thóng-kè, 2023 nî nî-té Goân-chióng-hiong hō͘ -sò͘ tāi-iok 9,000 hō͘ , jîn-kháu tāi-iok 2.3 bān lâng. Hiong-lāi jîn-kháu siōng-chē kah siōng-chió ê chhoan hun-pia̍t sī Chióng-lâm-chhoan kah Toh-ūn-chhoan, 2023 nî nî-té che 2 chhoan ê jîn-kháu sī 3,694 lâng kah 340 lâng.
.svg)
