Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

ia̍h hô-chhoan, hô-liû, sī lio̍k-tē-siōng ê chúi-liû, ē lâu-ji̍p hái, ô͘, ia̍h-sī pa̍t-ê hô, ū-sî mā-ē lâu-ji̍p tē-hā, ia̍h-sī ta-khó.

Hô ê miâ[siu-kái]

Hàn-gí lāi-bīn, iōng-lâi kā hô hō miâ ê jī ū "chúi" (水), "kang" (江), "hô" (河), "chhoan" (川), "khe" (溪) téng-téng. Kî-tiong, "kang" sī kó͘-chá Tn̂g-kang ê miâ; "hô" sī kó͘-chá N̂g-hô ê miâ. It-poaⁿ kóng-khí, sè-tiâu ê chúi-liû hō-chò "khe", m̄-koh bô it-tēng ê piau-chún.

Tiong-kok Hok-kiàn, tōa-tiâu ê hô It-poaⁿ hō-chò "kang", chhin-chhiūⁿ Bân-kang kap Chìn-kang, sè-tiâu hō-chò "khe", chhin-chhiūⁿ Kiàn-khe.

Tâi-ôan, tōa-hūn ê hô lóng-sī hō-chò "khe", chhin-chhiūⁿ Ko-pîn-khe, chió-sò͘ hō-chò "hô", chhin-chhiūⁿ Ke-lâng-hô ia̍h Tām-chúi-hô. Siū Ji̍p-pún thóng-tī ê éng-hióng, Tâi-ôan mā-ū chi̍t-kóa hô hōng kiò chò "chhoan", chhin-chhiūⁿ Tâi-tiong ê Le̍k-chhoan, ia̍h-sī Ko-hiông ê Ko-hiông-chhoan (hiān-chāi ê Ài-hô).

Siong-koan ê bûn-chiong[siu-kái]