John E. Sulston

Wikipedia (chū-iû ê pek-kho-choân-su) beh kā lí kóng...
John Sulston
Europa Seng-bu̍t-chu-sìn Gián-kiù-īⁿ (European Bioinformatics Institute) kap Sanger Gián-kiù-īⁿ ê Sulston Si̍t-giām-sek.

John Edward Sulston (1942 nî 3 goe̍h 27 —) sī gián-kiù Caenorhabditis elegans kap jîn-lūi ki-in-cho͘ ê kho-ha̍k-ka. 2002 nî Sulston, Sydney Brenner, kap H. Robert Horvitz 3 ê lâng chò-hoé the̍h tio̍h Nobel Seng-lí-ha̍k I-ha̍k Chióng. Sulston ài jîn-lūi ki-in ê chu-sìn oân-choân kong-khai, hoán-tùi lâng the̍h lâi sin-chhéng choan-lī; bô--chiá, khióng-kiaⁿ ē éng-hióng tio̍h kho-ha̍k kap i-ha̍k ê hoat-tián.

Sulston 1963 nîEng-tē Cambridge Pembroke Ha̍k-īⁿ chhut-gia̍p. Soà--lo̍h cháu khì Cambridge ê Hoà-ha̍k-hē, gián-kiù he̍k-kam-sng the̍h tio̍h phok-sū, liáu-āu tō lóng chù-sim seng-bu̍t-ha̍k, te̍k-piat sī hun-chú seng-bu̍t-ha̍k (molecular biology).