Kin-chio pe̍h-ōe

Kin-chio pe̍h-ōe, ia̍h sī kóng kin-chio pe̍h-á, sī Tâi-oân chi̍t koá sai-lâm-pō͘ ê Siraya chng-siā liû-thong ê kóng-ōe hong-sek.

Hun-pò͘

Chûn-chāi ê só͘-chāi pau-koat Pîn-tōng-koān ê Ko-chhiū-hiong, Lāi-po͘-hiong, Bān-tan-hiong, Chhia-siâⁿ-hiong; Ko-hiông-chhī Lāi-mn̂g-khu, Chhân-liâu-khu, Kah-sian-khu; kap Tâi-lâm-chhī ê Chó-tìn-khu, Sin-hòa-khu, Koan-biō-khu. Lēng-gōa tī chi̍t koá tùi Pîn-tong sóa kòe Hoa-lián-koān kap Tâi-tang-koān ê pō͘-lo̍k ia̍h ū.

Khó-lêng ê khí-goân

Ū ha̍k-chiá thui-chhek Kin-chio pe̍h-ōe m̄-sī tùi Siraya ê giân-gú piàn--lâi-ê, kap kin-chio sán-gia̍p èng-tong mā bô koan-hē. Kin-chio pe̍h-pe khó-lêng ū chi̍t ūi goân-chhòng-chiá, i khó-lêng sī Tiúⁿ-ló-kàu-hōe ê lâng. Jî-chhiá chit khoán ōe khó-lêng sī Pêⁿ-po͘ goân-chū-bîn tùi-khòng Ji̍t-pún thóng-tī ê sî-kî sán-seng--ê, iû-kî sī khó-lêng kap Ta-pa-ni Sū-kiāⁿ ū koan-hē.

Sû-lūi

Kok-tē kap kò-jîn ho͘-im ke-kiám bô-kâng, í-hā sī pō͘-hūn chiam-tùi kò-jîn chhái-hóng ê kiat-kó.

Sò͘-jī

Sò͘-jī (Hàn-jī)	Kin-chio pe̍h-ōe	Tâi-oân-ōe
一	li̍t-chí	chi̍t
二	ln̄g-nīn	nn̄g
三	naⁿ-siⁿ / na-si	saⁿ
四	nì-sì / lì-sì	sì
五	lo͘-gū / lō͘-gī	gō͘
六	ga̍k-li̍t	la̍k
七	lit-chhì	chhit
八	leh-peh / leh-pih	peh
九	láu-áu	káu
十	la̍p-si̍p / la̍p-chi̍t	cha̍p (si̍p)

Chham-khó

• 陳慕真 (2010-09-30). "Siraya平埔族人ê秘密語：台南縣新化鎮「芎蕉白仔」調查". 臺灣風物. 60 (3). 

Liân-kiat

• 1930 nî-tāi bóe Asai Erin siu-chi̍p ê lio̍k-im