LXDE

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
LXDE
LXDE Logo
LXDE-screenshot.png
LXDE tī Ubuntu Linux 8.04 LTS téng ūn-choán
Khai-hoat-chiá LXDE Khai-hoat-thoân
Thâu--ê pán 2006
Chok-gia̍p hē-thóng chē-pêng-tâi (濟平台, cross-platform)
Lūi-hêng toh-bīn khôan-kéng
Nńg-thé hí-khó-chèng (許可證) GPL
Bāng-chām lxde.org

LXDE, choân-miâ Lightweight X11 Desktop Environment (kheng--ê X11 toh-bīn khôan-kéng), sī chū-iû nńg-thé--ê toh-bīn khôan-kéng (桌面環境), thang tī Unix ia̍h-sī Linux, BSD téng kah POSIX sio-thong--ê pêⁿ-tâi (平台, platform) tōng-chok. Chú-iàu khai-hoat-chiá sī Tâi-oân ê khai-hòng gôan-bé (開放原碼, open source) thêng-sek siat-kè-su Âng Jīm-jū (洪任諭, PCMan), N̂g Kèng-kûn (黃敬群, jserv), Chîⁿ Hông-siông (錢逢祥, Fred Chien), kî-thaⁿ--ê sī Lâu Éng-chùn (劉穎駿, Paul Liu), Lí Kiān-chhiu (李健秋, Andrew Lee) téng.

LXDE kè-oē bo̍k-tek sī thê-kiong sin--ê khin koh kín--ê toh-bīn khôan-kéng (桌面環境). Kap kong-lêng kiông tàn khah pûi--ê sio-pí, LXDE tāng si̍t-ēng koh kheng-liōng, chīn-la̍t kiám-chió ài khai--ê hē-thóng chu-gôan. Kah Linux kî-thaⁿ toh-bīn khoân-kéng bô kâng, pō͘-kiāⁿ (部件) sio-oá-sèng (dependency) chin kē, ta̍k ê pō͘-kiāⁿ thang to̍k-li̍p ūn-choán.

LXDE ēng Openbox chò ī-siat (預設) sī-thang kóan-lí-khì (視窗管理器, window manager).[1]

Ubuntu tī 8.10 pán kā LXDE khǹg tī thò-kiāⁿ-khò͘ (套件庫, repository), m̄-koh it-ti̍t sī ài ka-ki kéng ê thò-kiāⁿ. Kù LXDE chú-iāu khai-hoat-chiá PCMan kóng, í LXDE chò toh-bīn khôan-kéng--ê Ubuntu hun-ki pán pún-té kè-oē tī 2009 nî 10 goe̍h khai-sí chèng-sek hoat-hêng,[2] m̄-koh tī Ubuntu 10.04 (2010 nî) chiah hoat-hêng.

Pō͘-kiāⁿ[siu-kái]

LXDE kè-oē ū chia--ê to̍k-li̍p pō͘-kiāⁿ:[1][3]

  • GPicView: Sûn--ê tô͘-phìⁿ liû-lám-khì. Nā Windows XP ī-chng (預裝)--ê.
  • GtkNetCat: netcat ê tô͘-hêng kài-bīn chêng-toan (圖形介面前端, GUI frontend).
  • LXappearance: Tiâu LXDE ê ba̍k-si̍t (目實), jī-hêng, pò͘-kéng chú-tê (theme).
  • LXMusic: XMMS2 lâi--ê im-ga̍k hòng-sàng têng-sek.
  • LXLauncher: tê-kióng kah EeePC ī-chng--ê têng-sek soán-toaⁿ sio-siâng, m̄-koh khah kiông ê kài-bīn.
  • LXNM: iú/bô-soàⁿ bāng-lō͘ koán-lí têng-sek.
  • LXRandR: Kán-tan--ê êng-bō͘ siat-tēng ke-si.
  • LXpanel:LXDE--ê kang-kū-lia̍t (工具列).
  • LXsession-lite: chò-gia̍p kai-toāⁿ (作業階段) koán-lí-khì, lxsession ê kheng-hoà (輕化) pán.
  • LXSession Edit: pian teng-ji̍p sî chù-tōng khui--ê têng-sek ê ke-si.
  • LXShortcut:pian chia̍t-kèng (捷徑, shortcut)--ê kang-kū.
  • LXtask: kam-sī hē-tióng chu-goân kah khang-khoè--ê koán-lí-khì.
  • LXTerminal:hāu-lêng-hó͘--ê tiong-toan-ki (終端機) têng-sek.
  • PCManFM: khin--ê tóng-ān kap toh-bīn koán-lí têng-sek.

Ē-kha ê m̄-sī LXDE kè-oē khai-hoat--ê, m̄-koh hō͘ LXDE ēng:

  • Leafpad: khin--ê bûn-jī pian-chip-khì (文字編輯器, text editor).
  • Openbox: khin koh kong-lêng kiông--ê sī-thang koán-lí-khì.
  • XArchiver: ap-sok-tóng (壓縮檔) koán-lí-khì.

Ēng LXDE--ê Linux hoat-hêng-pán[siu-kái]

Í-hā sī úi khai-sí tio̍h ēng LXDE--ê Linux hoat-hêng-pán (發行版, distribution)[4]

  • Greenie: Tùi Ubuntu kái--ê hoat-hêng-pán, choan thè Slovakia kap Chia̍t-khek (捷克) lâng sè-kè.
  • Hiweed Linux: Tùi Ubuntu lâi--ê Tiong-bûn hoat-hêng-pán.
  • Linux Mint ê LXDE hoat-hêng-pán.
  • Myah OS 3.0 Box edition:ēng LXDE--ê Myah OS hoat-hêng-pán.
  • Parted Magic: Koah ngē-tia̍p (硬碟) ēng--ê Live hē-thóng.
  • PUD GNU/Linux: Tùi Ubuntu lâi--ê Live CD.
  • Slitaz: Chiâⁿ kheng--ê Live CD, toā-poàⁿ--ê LXDE pō͘-kiāⁿ lóng iōng.
  • TinyMe: PCLinuxOS lâi--ê kheng-liōng hoat-hêng-pán, ēng pō͘-hūn LXDE pō͘-kiāⁿ.
  • U-lite: tī Ubuntu Base téng chng--ê pō͘-kiāⁿ chó-hap.
  • VectorLinux Lite: VectorLinux ê khin-pán.
  • Lubuntu: Ēng LXDE chò ū-tēng toh-bīn khoân-kéng--ê Ubuntu hun-ki, thâu-pán tī 2009 nî 10 go̍eh pàng--chhut.

Thò-kiāⁿ-khò͘ ū siu LXDE--ê hoat-hêng-pán:

LXDE ê tô͘[siu-kái]

Chù-kái[siu-kái]

  1. 1.0 1.1 LXDE chèng-sek báng-chām ê LXDE kài-siāu
  2. http://www.ubuntu-tw.org/modules/newbb/viewtopic.php?topic_id=16099&forum=33&post_id=82439#forumpost82439
  3. SourceForge téng--ê LXDE kè-oē bāng-chām
  4. LXDE bāng-chām kì--ê Linux hoat-hêng-pán (Koaⁿ-oē)
  5. LXDE in Arch's AUR. Arch Linux. Tī 2008-12-10 khoàⁿ--ê.
  6. Details of package lxde in lenny. Debian Project. Tī 2008-10-13 khoàⁿ--ê.
  7. Features/LXDE. Fedora Project (2008-10-31). Tī 2008-11-08 khoàⁿ--ê.
  8. Gentoo Foundation (2008). Gentoo LXDE Project. Tī 2008-11-29 khoàⁿ--ê.
  9. gOS 3.0 goes Gadget crazy. DesktopLinux.com. Tī 2008-10-20 khoàⁿ--ê.
  10. Mandriva 2009 tour.
  11. LXDE Wiki (11 2008). Ubuntu. Tī 2008-12-03 khoàⁿ--ê.
  12. openSUSE 11.3 Release Notes "LXDE—a New Desktop Environment".