Portal:Tē-lí/Selected quote/1

“ Lán Tâi-oân sī hái-iûⁿ bûn-hòa, hái-iûⁿ ê sû-lūi chiok hong-hù--ê, lí chin-chiàⁿ beh hoan-e̍k chò Hôa-bûn mā bô hoat-tō͘ hoan-e̍k. Góa kí chi̍t lē, chhiūⁿ soa, sòaⁿ, lán ê se-pō͘ lóng ū sòaⁿ, he hái an-ne lo̍h--khì che kiò chò soa-phiâⁿ, mā ē-sài kóng hái-phiâⁿ, in-ūi ū éng, tī hái tiong-ng ē phû chi̍t-ê soa-chiu, soa-chiu kap hái-phiâⁿ tiong-ng koh chi̍t-ê kau-á, che tio̍h kiò chò kau, kau koh khì tio̍h sì sòaⁿ, lí tī Tâi-oân seng-oa̍h m̄-chai-iáⁿ chit-ê bêng-sû bē-saih. ”

— Âng Ûi-jîn, "Ke-o̍h, ke-thiaⁿ, chò pûi-té" (1993 nî 7 goe̍h 8 ji̍t siong-tâm kì-lio̍k, Iûⁿ Ún-giân chéng-lí),
siu tī Tâi-gú chit-tiâu lō͘: Tâi-bûn kang-chok-chiá hóng-tâm-lio̍k (1995 nî)