Sé-hîm

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē
?Sé-hîm
Seng-bu̍t-ha̍k hun-lūi
Kài: Animalia
Mn̂g: Chordata
Kong: Mammalia
Bo̍k: Carnivora
Kho: Procyonidae
Sio̍k: Procyon
Chéng: P. lotor
Ha̍k-miâ
Procyon lotor
(Linnaeus, 1758)
Tông-gī-miâ

Ursus lotor Linnaeus, 1758

Seⁿ-thoàⁿ tē-tô͘, âng-sek sī goân-sêng tē-kài, nâ-sek sī iá-seng tē-kài.
Seⁿ-thoàⁿ tē-tô͘, âng-sek sī goân-sêng tē-kài, nâ-sek sī iá-seng tē-kài.

Sé-hîm (ha̍k-miâ: Procyon lotor) sī Pak Bí-chiu goân-seng ê Chia̍h-bah-ba̍k tōng-bu̍t. Tī chi̍t-koá kî-tha só͘-chāi, chhan-chhiūⁿ Ji̍t-pún, sé-hîm sī phó͘-phiàn ê goā-lâi chéng.

Hêng-thài biâu-su̍t[siu-kái]

Thâu kàu āu-kha ê tn̂g-tō͘ ū 40 kàu 70 kong-hun, bóe-á tn̂g-tō͘ ū 20 kàu 40 kong-hun. Keng-kah-thâu koân-tō͘ ǔ 23 kàu 30 kong-hun. Seng-siû sé-hîm thé-tāng chiàu kò͘-pia̍t seng-oa̍h khoân-kéng, ū chin tōa chha-pia̍t, tùi 2 kàu 14 kong-kin lóng ū khó-lêng, tōa-pō͘-hūn sī tī 3.5 kàu 9 kong-kin chi kan. I-poaⁿ lâi kóng, kang sé-hîm ē pí bó--ê khah tāng cha-put-to 15% kàu 20%. Nā tī kôaⁿ-thiⁿ chi̍t khai-sí, in ē-tàng pûi 2-pōe ê thé-tāng.

Sé-hîm gōa-bīn chú-iàu te̍k-sek sī in ba̍k-chiu sì-ûi ê o͘-sek khian-á, tī o͘-sek gōa-kháu bīn téng koh sī pe̍h-sek ê mo͘, chiū ná-chhiūⁿ kā bīn om chhiūⁿ "chhat-á" kâng-khoán.

Hêng-ûi[siu-kái]

Sé-hîm ê siā-hōe hêng-ûi ū sèng-pia̍t chha-pia̍t. Ū chhin-cho̍k koan-hē ê bó sé-hîm ē tóa tī kâng só͘ só͘-chāi, tī chhōe mi̍h chia̍h he̍k-chiá sī hiò-khùn ê sî-chūn ū-sî ē kìⁿ-mīn. Bô chhin-cho̍k koan-hē ê kang sé-hîm chi kan ū bô chin ba̍t ê kûn-thé seng-oa̍h, it-poaⁿ chi̍t kûn bô chhiau-kòe 4 chia̍h, hō͘ in ē-sài tùi-khòng gōa-kháu ê kang sé-hîm tī kau-phòe sî-kî ê ji̍p-chhim. Kang sé-hîm tùi gín-á ū kong-kek-sèng, bó sé-hîm ē chhōa gín-á to̍k-li̍p seng-oa̍h, it-ti̍t kàu gín-á khah tōa-hān ē-tàng chú-ngó͘ pó-hō͘ liáu-āu. Chham-khó í-siōng 3 khoán ê seng-oa̍h hong-sek, in-ê siā-hōe kò͘-chō Ulf Hohmann chheng chò sī "sam kai-ki̍p siā-hōe" (three class society).

Hun-lūi[siu-kái]

Thong sè-kài ū 22 khoán sé-hîm á-chéng. Pau-koat í-hā:[1]

  • P. l. lotor
  • P. l. auspicatus
  • P. l. elucus
  • P. l. excelsus
  • P. l. fuscipes
  • P. l. gloveralleni
  • P. l. grinnelli
  • P. l. hernandezii
  • P. l. hirtus
  • P. l. incautus
  • P. l. inesperatus
  • P. l. insularis
  • P. l. litoreus
  • P. l. marinus
  • P. l. maynardi
  • P. l. megalodous
  • P. l. pacificus
  • P. l. pallidus
  • P. l. psora
  • P. l. pumilus
  • P. l. simus
  • P. l. vancouverensis

Chham-khó[siu-kái]

  1. Procyon lotor, Wilson & Reeder's Mammal Species of the World. 3rd Edition.