Tâi-oân-séng (Tiong-hôa Jîn-bîn Kiōng-hô-kok)

tóng-àn:Taiwan Province (PRC) prfc map.png

Tiong-hoâ Jîn-bîn Kiōng-hô-kok ê Tâi-oân-séng.

Tiong-hoâ Jîn-bîn Kiōng-hô-kok ê Tâi-oân-séng (Hàn-jī: 台灣省/台湾省) sī Tiong-hoâ Jîn-bîn Kiōng-hô-kok tī i ê hiàn-hoat lāi-bīn kui-tēng ê chi̍t ê séng, m̄-kò bô si̍t-chè thóng-tī. Chia "Tâi-oân-séng" siat tī Tâi-oân-tó, kin-á-ji̍t iû Tiong-hoâ Bîn-kok si̍t-chè thóng-tī.

Hêng-chèng-khu

Tiong-hoâ Jîn-bîn Kiōng-hô-kok siat ê "Tâi-oân-séng" hun 6 ê tē-kip-chhī, 3 ê koān-kip-chhī kap 15 ê koān. Chia "Tâi-oân-séng" kap Tiong-hoâ Bîn-kok ê Tâi-oân-séng bô-kāng.

tē-kip-chhī:
- Tâi-pak-chhī (台北市)
- Ko-hiông-chhī (高雄市)
- Tâi-tiong-chhī (台中市)
- Tâi-lâm-chhī (台南市)
- Thô-hn̂g-chhī (桃園市)

koān-kip-chhī:
- Ke-lâng-chhī (基隆市)
- Sin-tek-chhī (新竹市)
- Ka-gī-chhī (嘉義市)

koān:
- Tâi-pak-koān (台北縣)
- Ko-hiông-koān (高雄縣)
- Tâi-tiong-koān (台中縣)
- Tâi-lâm-koān (台南縣)
- Sin-tek-koān (新竹縣)
- Ka-gī-koān (嘉義縣)
- Biâu-le̍k-koān (苗栗縣)
- Chiong-hoà-koān (彰化縣)
- Hûn-lîm-koān (雲林縣)
- Pîn-tong-koān (屏東縣)
- Gî-lân-koān (宜蘭縣)
- Lâm-tâu-koān (南投縣)
- Hoa-liân-koān (花蓮縣)
- Tâi-tang-koān (台東縣)
- Phêⁿ-ô͘-koān (澎湖縣)

Chia "Tâi-oân-séng" kap Tiong-hoâ Bîn-kok si̍t-chè thóng-tī ê Tâi-oân-séng bô-kāng. M̄-kò Tiong-kok sin-bûn mûi-thé it-poaⁿ iōng Tâi-oân si̍t-chè tī-leh iōng ê hêng-chèng khu-he̍k, m̄ iōng Tiong-kok koan-hng kui-tēng ê hêng-chèng khu-he̍k: chhiūⁿ Tiong-kok chú-tiuⁿ ê "Tâi-pak-koān" hō͘ kiò chò Sin-pak-chhī; "Thô-hn̂g-koān" hō͘ kiò chò Thô-hn̂g-chhī téng téng.

Koh khoàⁿ