Tang-lâm-a Hok-kiàn-ōe

Tang-lâm-a Hok-kiàn-ōe sī tī Tang-lâm-a liû-thong ê kok-chióng Hok-kiàn-ōe hong-giân. Tang-lâm-a Hok-kiàn-ōe sī chē-chē 17 chì 20 sè-kí ùi Tiong-kok Bân-lâm ê Choân-chiu kap Chiang-chiu pún-thó͘ tòe î-bîn chìn-ji̍p Lâm-iûⁿ sè-kài ê gí-giân. Chia-ê Hok-kiàn-ōe it-poaⁿ lóng pó-liû tio̍h chin chē tī Bân-lâm pún-thó͘ í-keng siau-sit ê kó͘-chá giân-sû kap iōng-hoat, lēng-goā mā thàu-lām tio̍h chin chē goân-chū chāi-tē-lâng gí-giân ê goā-lâi-gú chioh-sû.