"Kim Stanley Robinson" pán-pún chi-kan bô-kāng--ê tē-hng
~ Bot: Migrating 27 interwiki links, now provided by Wikidata on d:q130779 (translate me) |
~ 机器人:变更分类Kho-hoàn chok-ka为Kho-ha̍k siáu-soat chok-ka |
||
Tē 61 chōa: | Tē 61 chōa: | ||
{{DEFAULTSORT:Robinson, Kim Stanley}} |
{{DEFAULTSORT:Robinson, Kim Stanley}} |
||
[[Category:Kho-hoàn chok-ka]] |
|||
[[Lūi-pia̍t:Kho-ha̍k siáu-soat chok-ka]] |
2017-nî 12-goe̍h 1-ji̍t (pài-gō·) 10:46 ê siu-tēng-pún
Kim Stanley Robinson (1952 nî 3 goe̍h 23—), Bí-kok kho-hoàn siáu-soat chok-ka. Siōng ū miâ-siaⁿ ê chok-phín sī i ê Hoé-chheⁿ saⁿ-pō͘-khek. I ê tù-chok chhiâng-chāi thàm-thó seng-thài, siā-hoē-ha̍k, keng-chè/siā-hoē kong-gī hong-bīn ê gī-tê.
I ê Âng Hoé-chheⁿ tit tio̍h 1993 nî ê Nebula Siúⁿ kap British SF Siúⁿ. Keh-tńg-nî Chheⁿ Hoé-chheⁿ oân-ná tit tio̍h Hugo Siúⁿ kap Locus Siúⁿ. Nâ Hoé-chheⁿ tī 1997 nî tit tio̍h kāng 2 ê chióng.
Toān-kì
Robinson seⁿ tī Illinois Waukegan hit-tah-á. 1974 nî the̍h tio̍h Ka-chiu Tāi-ha̍k San Diego hun-hāu ê bûn-ha̍k ha̍k-sū ha̍k-ūi. 1975 nî soà-chiap tùi Boston Tāi-ha̍k the̍h tio̍h Eng-bûn sek-sū ê ha̍k-ūi. 1982 nî koh-chài ùi Ka-chiu Tāi-ha̍k San Diego hun-hāu the̍h tio̍h Eng-bûn phok-sū ha̍k-ūi. Lūn-bûn siá Philip K. Dick ê siáu-soat (1984 nî chhut-pán).
I ê khan-chhiú Lisa Howland Nowell sī 1 ê khoân-kéng hoà-ha̍k-ka. In ū 2 ê cha-po͘ kiáⁿ. I bat toà koè Ka-chiu, Washiongton, DC, Sūi-se. Hiān-chú-sî toà Ka-chiu Davis.
Chú-tê
Robinson ê chok-phín piáu-hiān chhut hām kho-hoàn-siáu-soat-kài sî-kiâⁿ ê chū-iû-chì-siōng-chú-gī (libertarianism) bô siâng ê só͘-chāi.
Seng-thài soà-chiap-sèng
Robinson ê tn̂g-phiⁿ siáu-soat chha-put-to ta̍k phiⁿ to ū lūn tio̍h seng-thài ê gī-tê. Pí-lūn Orange County saⁿ-pō͘-khek thàm-thó ki-su̍t hām chū-jiân chi-kan ê hō͘-tōng kap î-chhî chiâu-ûn ê iàu-kín. Tī Hoé-chheⁿ saⁿ-pō͘-khek lāi-bīn, siā-hoē siōng toā ê pit-sûn sī tùi hoé-chheⁿ tē-kiû-hoà ê khoàⁿ-hoat. Tàu-té hoé-chheⁿ pha-hng ê thó͘-tē kám ē-pí-tit Tē-kiû oa̍h-liu-liu ê seng-thài-chân (ecosphere), ta̍t-tit lâng pó-chûn? Che sī koan-kiān būn-tê. Zodiac kap Forty Signs of Rain chit 2 pún siáu-soat thiat-té sī koan-sim seng-thài-chú-gī ê chok-phín, kî-tiong Forty Signs of Rain ê chú-tê sī choân-kiû sio-lo̍h-hoà.
Keng-chè kong-gī
Robinson ê chok-phín sî-siông thàm-thó āu-chu-pún-chú-gī ê khó-lêng-sèng. Tī Hoé-chheⁿ saⁿ-pō͘-khek ê sè-kài, Tē-kiû ê chu-pún keng-chè hē-thóng í-keng hoat-tián kàu chīn-pōng, kong-si ha̍p-pèng kàu chhun bô kúi keng chhiau-kip kong-si, hō-chò metanats ("ta̍h tī kok-ka téng-koân ê kong-si"). Siong-tùi kū Tē-kiû, sin Hoé-chheⁿ ki-pún ê keng-chè cho͘-chit sī kang-lâng só͘-iú ê ha̍p-chok-siā (cooperative), m̄ sī kong-si. Orange County saⁿ-pō͘-khek oân-ná thàm-thó chhin-chhiūⁿ ê su-sióng.
Chok-phín
Tn̂g-phiⁿ siáu-soat
Orange County saⁿ-pō͘-khek
- The Wild Shore (1984)
- The Gold Coast (1988)
- Pacific Edge (1990)
Hoé-chheⁿ saⁿ-pō͘-khek
- Red Mars (1992)
- Green Mars (1993)
- Blue Mars (1995)
Siú-to͘ saⁿ-pō͘-khek
- Forty Signs of Rain (2004)
- Fifty Degrees Below: Science in the Capital (2005)
- Sixty Days and Counting (2007)
Kî-thaⁿ
- Icehenge (1984)
- The Memory of Whiteness: A Scientific Romance (1985)
- A Short, Sharp Shock (1990 - hoàn-sióng siáu-soat)
- Antarctica (1998)
- The Years of Rice and Salt (2002)
Té-phiⁿ siáu-soat chi̍p
- The Planet on the Table (1986)
- Escape from Kathmandu (1989)
- Remaking History (1991)
- The Martians (1999)
- Vinland the Dream (2001)