Thó-lūn:N̂g Hiān-hôan

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

黃現璠[kái goân-sú-bé]

黃現璠(1899年11月13日 - 1982年1月18日)是中國現代出名的人類學家歷史學家,伊嘛是壯族歷史的開基祖佮八桂學派的頭人,捌佇中國的反右運動彼站仔,予中共拍做壯族抑是史學界上蓋大的右派,受著二十冬的迫害。[1] 黃現璠教授在生的時佇民族學參歷史學遮的領域骨力拚勢,一世人寫過足濟優秀的作品,伊写的《廣西僮族簡史》佮《壯族通史》攏是中國頭一本研究壯族歷史的著作,伊写的《唐代社會概略》是中國頭一本研究唐朝社會的著作,伊写的《宋代太學生救國運動》是中國頭一本研究學生運動的著作。[2]

經歷[kái goân-sú-bé]


1899年伊佇中國廣西省扶綏縣出世,出世的時號做甘錦英,自細漢老母就過身--去,是老爸共他晟養大漢的,少年的時陣在家鄉的學堂讀冊,1922年考著"廣西省立三师",1926年出業了后,考牢國立北京師範大學預科,佇遐學習中國歷史,是王桐齡、陶希圣佮蕭一山的學堂生,1932年熱人卒業,提著歷史學士的學位了后,由於他品學兼優,毋免考試入去北師大的研究所深造,綴陳垣佮朱希祖精研教育學歷史學,1935年提著教育碩士的學位,畢業了後,仝年11月去日本留學,佇東京帝國大學(這馬的東京大學)大學院讀冊,接受東大大學院教授和田清、加藤繁佮原田淑人的指導,專攻東洋史日本史民俗學

1937年因為中日戰爭爆發,佇寒人倒轉去中國廣西,佇廣西大學教冊做先生,1940到1941年中間,佇廣西大學升起來做副教授矣,這以後,又閣轉去廣東,予中山大學聘請做教授,成做壯族頭一個教授。[3]1942年8月,予国立桂林师范学院聘任做歷史教授,到甲1943年秋天,黃現璠閣再倒轉去廣西大學做教授,1949年熱天,升起哩兼任廣西大學訓導長,仝彼年冬尾,調到中文系兼任主任教授,1950年10月,又閣調任圖書館館長,1952年彼陣,中共推行高等學堂调整,他被派遣去廣西師范學院做歷史系的教授參閣再兼任圖書館館長,自按呢的30冬,伊攏佇遐廣西師范學院食頭路,黄现璠教授參其它的学者無仝,伊對1942年到甲1982年的40冬攏留蹛广西,為著壯族的學術事業拍拚,他佇做壯族的學術調查彼時,差不多共廣西行透透矣,提著真濟寶貴的考古和文字資料,嘛替壯族的人類學參民族學研究徛重要的基礎,1982年1月18號,因為腦溢血病,在廣西桂林過身,歲壽83,他往生了后,當時的廣西壯族自治區政府帶念黃現璠一世人做出的巨大貢獻,專工落葬伊在南寧的廣西壯族自治區革命公墓,1999年11月,捌佇廣西師范大學舉辦"黃現璠教授出世百冬紀念座談會",散會了后,廣西師范大學编辑出版過《黃現璠教授誕辰百年紀念文集》參《黃現璠學術論文集》,現此時桂林中学佮广西师范大学各自徛有“黄现璠奖学金"參"黄现璠少数民族奖学金"。[4]

在生的兼职[kái goân-sú-bé]


黃現璠在世的時,伊兼任過濟濟社會參學術職務,主要有:中央民族访问团广西分团(团长费孝通)副團長、第一屆全國人大代表、第一屆中国人民对外文化协会的理事、第一屆全国人大民族委员会的委员、中央对外文化联络委员会委员、第五屆全國政協委員、广西少数民族社会历史调查组頭人、頭一届中国民族学學会顾问、頭一届中国百越民族史研究会副会长、頭一届中国西南民族研究学会顾问佮《中国大百科全书·民族》编辑委员会委员遮的兼职。晚歲捌創辦漓江业余大学,佇遐做校长。[5]

參考資料[kái goân-sú-bé]


  1. 中国现代民族学奠基人黄现璠,中國網,2008-12-08
  2. 塚田诚之,《古书解读入门——黄现璠学术论文选》 序二,2003-3-21
  3. 刘蓓蓓,壮族首位大学教授 为英雄韦拔群立传 ,中國新聞出版報,2008-10-22
  4. 陳吉生, 《为学贵自辟—— 忆桂海学术泰斗黄现璠》
  5. 《历史文化名人在桂林·画集》第147页,新世纪出版社,2005年。ISBN 7-5405-2950-4/K·29

外口連結[kái goân-sú-bé]