Tiuⁿ Ha̍k-iú

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Tiuⁿ Ha̍k-iú

Tiuⁿ Ha̍k-iú (Hàn-jī: 張學友; Eng-gí: Jacky Cheung; 1961 nî 7 goe̍h 10 ji̍t chhut-sì ), Hiong-káng chhut-miâ ê si̍t-le̍k-phài koa-chhiú. Hiong-káng "Sù-tāi-thian-ông" (四大天王) chi-1, ū "Koa-sîn" ê chhiok-hō. 1984-nî khò 1-siú "Tōa-tē in-chêng" (大地恩情), tit-tio̍h thâu-chi̍t-kài Hiong-káng Cha̍p-poeh-khu Gia̍p-û Koa-chhiùⁿ Tāi-sài (十八區業餘歌唱大賽) ê koàn-kun. Bô-lōa-kú liáu-āu, i kap Polygram chèng-sek chhiam-iok, chiâⁿ-chò chit-keng chhiùⁿ-phìⁿ kong-si ê koa-chhiú. Chhiam-iok liáu-āu, Tiuⁿ Ha̍k-iú phêng chi̍t-tè miâ hō-chòe "Smile again, Má-lī-a" ê koa-khek khí-ke, pēng-chhiáⁿ chin kín tī koa-toâⁿ khiā-tiâu-khiā.

1991-nî ê "每天愛你多一些" chiâⁿ-chò tong-nî Hiong-káng siāng chhèng ê koa-khek. Hit sî-chūn ê Tiuⁿ Ha̍k-iú tī Hiong-káng ga̍k-tôaⁿ ê tē-ūi í-keng ta̍t-kàu tian-hong. Keh-tńg-nî ê kò-jîn choan-chip Chin-chêng liû-lō͘ (真情流露) sòa-chiap chiâⁿ-chò Hiong-káng le̍k-sú siōng siau-lō͘ siōng kài hó ê choan-chip chi-it, kap Lâu Tek-hôa (劉德華), Lê Bêng (黎明), Koeh Hù-sêng (郭富城) chòe-tīn hō· mûi-thé hō 1 ê "Sù-tāi-thian-ông" ê hong-bêng. 1993-nî thui-chhut ê Hôa-gí choan-chip Bún-pia̍t (吻別) chhòng-hā Tâi-ôan le̍k-sú siōng chòe-tōa ê siau-siû-liōng. 1997-nî ián-chhut goân-chhòng im-ga̍k-kio̍k Soat-lông-ô͘ (雪狼湖) kāng-khoán chin siū hoan-gêng. Liáu-āu, iū-koh tī 2004-nî sak-chhut Hôa-gí-pán.

Tiuⁿ Ha̍k-iú tī Hôa-gí ga̍k-tôaⁿ ê sêng-chiū siat-thái chán, lâng lóng kóng i sī "koa-sîn". Kàu kah taⁿ, i chi̍t-kóa khah chá-kî chhut--ê koa-khek, pí-lūn-kóng 餓狼傳說, 吻別, 祝福 t..t.., iû-gôan sī tiān-tâi tiám-pò·-lu̍t chin koân chin koân ê koa-khek. 2004-nî, Tiuⁿ Ha̍k-iú phêng Hiong-káng ga̍k-tôaⁿ thian-ông ê sin-hūn, hông úi-jīm chò Hiong-káng Disneyland ê bêng-ū tāi-sài.

Tiuⁿ Ha̍k-iú tī tiān-iáⁿ hong-bīn ū ián--kòe 60-gōa-pō͘ tiān-iáⁿ, mā bat the̍h-kòe Hiong-káng Kim-siōng-chiong kap Tâi-ôan Kim-bé-chióng ê chòe-ka lâm-phòe-kak.

Hip tiān-iáⁿ 痴心的我 ê sî, i kap tiān-iáⁿ ê lí-chú-kak, chit-má ê khan-chhiú Lô Bí-bî (羅美薇) kiat-sek, 1996-nî in nn̄g-lâng kiat-hun. In chit-má ū 2-ê cha-bó·-kiáⁿ, tōa-ê Tiuⁿ Iâu-hôa (張瑤華), sè-ê Tiuⁿ Iâu-cheng (張瑤菁).

Chok-pín[siu-kái | kái goân-sú-bé]

Im-ga̍k choan-chip kap cheng-sóan[siu-kái | kái goân-sú-bé]


Im-ga̍k-kio̍k[siu-kái | kái goân-sú-bé]

Tiān-iáⁿ[siu-kái | kái goân-sú-bé]

Tiōng-iàu ê chióng[siu-kái | kái goân-sú-bé]