Wikipedia:漢字文章兮規範

這頁未來會徙去Wikipedia hàn-jī:Hàn-jī bûn-chiuⁿ ê kui-hoān

漢字文章兮規範是為著開放使用漢字寫文章所制定兮規範。

建立漢字文章愛注意兮代誌

漢字文章所使用兮名空間

雖然開放漢字書寫，但是main名空間（原來寫文章兮所在）猶原是愛用白話字寫。開放漢字後會增加一个號做Hàn-jī兮名空間，這个名空間會取代目前漢字寫佇Thó-lūn 名空間兮狀況，解決討論佮漢字文章濫做伙兮情形。毋過，因為濟濟因素，目前只會使先寫佇Pang-chān名空間內。

欲按怎建立漢字文章？

像頂一个段落寫兮，Hàn-jī名空間是專門提來寫漢字文章兮空間；所以，汝若欲寫一篇漢字文章，著愛寫佇咧彼个空間內。

比論講：

汝若欲建立一篇號做「百科全書」兮漢字文章，汝毋通直接寫「百科全書」這頁，汝應該先揣著伊所對應兮白話字文章，也就是Pek-kho-choân-su，才去寫Hàn-jī:Pek-kho-choân-su；落尾，為著利便內部連結，才共百科全書這頁redirect去Hàn-jī:Pek-kho-choân-su。請注意，每一篇漢字文章攏愛掛一个{{Hàn-jī bûn-chiuⁿ}}兮枋模，提醒所有使用者，彼篇文章誠實兮名號。

欲按怎建立漢字類別？

猶未制定相關規範

欲按怎建立漢字枋模？

猶未制定相關規範

漢字文章兮內容

漢字文章參伊所對應兮白話字文章，兩爿兮內容愛盡量仝款，修改某一爿了後，著愛閣去修改另外一爿。

漢字兮用字規範

Siông-sè chhiáⁿ khoàⁿ: Wikipedia:漢字兮用字規範

漢字兮用字一直是各界爭論兮重點，這嘛是為啥乜Holopedia到今猶原無開放漢字寫文章兮原因。所以，開放漢字著愛先共漢字兮用字制訂予好。關於漢字，歷史上有濟濟字典佮辭典通好參考；目前來看，佇台灣，上界出名兮字典佮辭典有《廈門音新字典》（甘字典）、《台日大辭典》、《台語文中文辭典》佮《台灣閩南語常用詞辭典》等等，攏總是會當參考兮對象。

翻譯外來語兮問題

因為閩南語兮外來語書寫並無一套完善兮音譯列單，所以未來佇漢字文章內，外來語兮書寫會採用「漢羅」（本地話用漢字，外來語用羅馬字）兮形式，到有完善兮音譯列單了後，才改作用漢字音譯。另外，也考慮採用「方音符號」來進行外來語兮書寫。

閩南語漢字資料

線頂兮字典佮辭典

• 廈門音新字典（甘字典）
• 台日大辭典
• 台語文中文辭典
• 台灣閩南語常用詞辭典