Bāng Chhun-hong

Bāng Chhun-hong ê khek-pôaⁿ.

Bāng Chhun-hong (Hàn-jī: 望春風) sī chi̍t siú Tâi-oân Ji̍t-pún sî-tāi ê Tâi-gí liû-hêng koa-khek. 1933 nî chhut-pán, iû Tēng Ú-hiân chok-khek, Lí Lîm-chhiu chok-sû, Sûn-sûn goân-chhiùⁿ. Chū 1930 nî-tāi būn-sè í-lâi, Bāng Chhun-hong chiū-sī Tâi-oân siōng siū-tio̍h hoan-gêng ê koa-khek chi-it. 2000 nî, tī chi̍t tiûⁿ chhiau-kòe 220,000 lâng chham-ú ê Koa-iâu Pah-nî Tâi-oân (歌謠百年台灣) oa̍h-tāng tiong, Bāng Chhun-hong pī soán-chòe sī siōng siū-tio̍h hoan-gêng ê lāu-koa. Lēng-gōa, Bāng Chhun-hong sú-iōng thoân-thóng gō͘-siaⁿ im-kai lâi kiat-ha̍p chiâⁿ-chòe te̍k-sû to̍k-iú ê iu-bí soân-lu̍t, pī chōe-chōe kok-ka jīm-tēng sī chin ū te̍k-sek ê Tâi-oân-tiāu (臺灣調).

Koa-sû

Koa-sû

Hàn-jī

To̍k iā bô phōaⁿ chiú teng-ē, chheng-hong tùi bīn chhe Cha̍p-chhit-poeh, bē chhut-kè, kìⁿ-tio̍h siàu-liân-ke Kó-liân piau-tì bīn-bah pe̍h, sûi ke lâng chú-tē Siūⁿ-beh mn̄g i kiaⁿ phái-sè, sim-lāi tōaⁿ pî-pê Siūⁿ-boeh liông-kun choh ang-sài, ì-ài chāi sim-lāi Thāi hô-sî, kun lâi chhái, chheng-chhun hoe tng-khai Hut thiaⁿ gōa-kháu ū lâng lâi, khui-mn̂g kai khòaⁿ-bāi Go̍at-ló chhiò gún gōng-tōa-tai, hō͘ hong phiàn m̄-chai

獨夜無伴守燈下　 清風對面吹 十七八未出嫁　 見著少年家 果然標緻面肉白　 誰家人子弟 想要問伊驚歹勢　 心內彈琵琶 想要郎君作翁婿　 意愛在心裡 待何時君來採　 青春花當開 忽聽外口有人來　 開門該看覓 月老笑阮憨大呆　 被風騙不知

Bîn-kan Koa-sû

Koa-sû

Hàn-jī

To̍k iā bô phōaⁿ siú teng-ē, chheng/chhun/léng-hong tùi bīn chhoe Cha̍p-chhit-peh hòe bōe chhut-kè, tú/tn̄g/siūⁿ/khuàⁿ-tio̍h siàu-liân-ke Kó-jiân piau-tì bīn-bah pe̍h, sûi/siáⁿ/siáng ka lâng chú-tē Siūⁿ-beh mn̄g i kiaⁿ phái-sè, sim-lāi tôaⁿ gî/pî-pê Siūⁿ-beh lông-kun chè/chòe ang-sài, ì-ài chāi sim-lāi Tán-thāi hô-sî kun lâi chhái, chheng-chhun hoa/hoe tong khai Thiaⁿ-kìⁿ gōa-bīn ū lâng lâi, khui-mn̂g lâi/kā khòaⁿ-bāi/māi Go̍eh-niû chhiò gún gōng-tōa-tai, hō͘ hong phiàn m̄-chai

獨夜無伴守燈下，清/春/冷風對面吹； 十七八歲未出嫁，拄/搪/想/看著少年家； 果然標致面肉白，誰/啥/(啥人)家人子弟？ 想欲問伊驚歹勢，心內彈琵琶。 想欲郎君做翁婿，意愛在心內； 等待何時君來採，青春花當開； 聽見外面有人來，開門來/共看覓； 月娘笑阮戇大呆，予風騙毋知。