Iú-ki hoà-ha̍k

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Iú-ki hoà-ha̍k (organic chemistry) sī hoà-ha̍k ê 1 ki hun-ki, choan-tô͘ leh gián-kiù iú-ki hoà-ha̍p-bu̍t ê kiat-kò͘, sèng-chit, sêng-hūn, hoà-ha̍k hoán-èng, ham chái-iūⁿ ēng iú-ki ha̍p-sêng (organic synthesis) ia̍h pa̍t chióng pō͘-sò͘ lâi chè-chō. Gián-kiù ê tùi-siōng sī thoàⁿ ham chúi-sò͘ ê hoà-ha̍p-bu̍t, mā ē-tit pau-hâm chit-sò͘, sng-sò͘, ló͘-sò͘ (halogen) chiah-ê goân-sò͘, hán-hán-á lîn (phosphorus) ia̍h liû (sulfur) mā ū.

Éng-koé iú-ki hoà-ha̍k lia̍h-chún chiah-ê hoà-ha̍p-bu̍t tiāⁿ-tio̍h kap sìⁿ-miā ū tī-tāi. Hiān-chú-sî iú-ki hoà-ha̍k ū 1 ki hun-ki, hō chò seng-hoà-ha̍k, kap sìⁿ-miā ū tī-tāi ê hoà-ha̍p-bu̍t lóng tī seng-hoà-ha̍k lâi gián-kiù.