Lāi A-chiu

Lāi A-chiu (Eng-gí: Inner Asia) sī A-chiu ê chi̍t ê pō͘-hūn, tang-tiong ū Tiong-kok se-pō͘, Bông-kó͘, Lō͘-se-a tang-pō͘; kap Tiong A-chiu ū pō͘-hūn sio-tha̍h.

Tē-lí

Lāi A-chiu sī Au-a Tāi-lio̍k téng-bīn Tōa Chháu-po͘ (the Steppe) sì-ûi ê chi̍t kóa só͘-chāi, hâm Bông-kó͘, Lāi Bông-kó͘, Boán-chiu, Siberia lâm-pō͘, Sin-kiong, kap Kazakhstan ê tang-pō͘. Au-A chháu-po͘ ê khì-hāu ū bêng-hián ê kùi-chiat-sèng un-chha, jîn-kháu bi̍t-tō͘ kē, keng-chè khah óa-khò tōng-bu̍t, jîn-bîn hoat-tián sóa-tāng ê lêng-le̍k lâi sek-èng chit khoán khoân-kéng. In-ūi chia ê sèng-chit, chhau-po͘ tang-pêng sī chi̍t-ê î-bîn kap kau-liû hong-hù ê tē-khu.

Le̍k-sú

Tāi-iok tī Chêng 1050 nî chiân-āu, Chiu ông-kok tú kiàn-li̍p hit chūn. Siong-tùi óa lâm-pêng ê Siong/Chiu sī ēng chiàn-chhia (chariot) phòe-ha̍p pō͘-peng lâi sio-chiàn, tī pak-pêng ê Lāi A-chiu chháu-po͘ tē-khu, sī lī-iōng khiâ-bé ki-su̍t si̍t-hêng î-tōng-sèng seng-oa̍h ê hêng-sek, hit-tang-chūn mā hoat-tián sìn-gióng ê hē-thóng, koh ū jió-to ê kang-gē-phín. Chháu-po͘ ê jîn-bîn sī pun chò sió-hêng, tām-pō͘-sî hō͘-siong ha̍p-chok he̍k-chiá kēng-cheng ê chèng-tī-thé teh ūn-choán. Tī tāi-khài Chêng 209 nî, Lāi A-chiu chhut-hiān Hiong-lô͘ kok.

Chham-chiàu

Su-chì

• Honeychurch, William (2015). Inner Asia and the Spatial Politics of Empire: Archaeology, Mobility, and Culture Contact (ēng Eng-gí). Springer-Verlag New York. ISBN 978-1-4939-1815-7. 

Koan-liân

• Sin Chheng-kok le̍k-sú