Pang-chān:中國（用語）

Chit phiⁿ bûn-chiuⁿ ū Pe̍h-ōe-jī ê pán-pún.
Chham-khó chit phiⁿ bûn-chiuⁿ ê Pe̍h-ōe-jī pán-pún.

遮主要記述意思較曖昧兮中國概念，若關係現在國際一般稱中國兮國家，看中華人民共和國；伊兮前一个落尾徙過臺灣兮政府，看中華民國。

中國是亞洲大陸東部一塊區域。近世號家己中國兮政權上無有兩个，包括一般國際認定兮中華民國，佮實際管轄臺灣（兼澎湖）佮金門兼馬祖等所在兮中華民國。

近代政治概念

早前統治中國兮帝國大清，佇尾期原仔用國際所認爲兮中國做對外交往兮身份。後來建立兮政權嘛採用中國兮觀念。二次大戰了後中國內戰造成蔣介石／國民黨領𤆬兮中華民國政府轉過臺灣，仝時陣共產黨佇中國建立起中華人民共和國。經過20世紀後期，世界上大部分兮國家佮國際組織漸次攏承認後者是唯一兮中國政府。

佇臺灣，雖罔有一寡政治理想是希望實際統治遐兮中華民國政府放棄代表中國兮主張，總是毋捌佇憲政兮層級實行這款設想。臺灣佇國際法上是毋是算中國兮一份，閣關係著1950年代以來國際各方對臺灣兮法律地位佮規个政治問題兮爭議。