Pang-chān:Tiong-hôa Jîn-bîn Kiōng-hô-kok

Wikipedia (chū-iû ê pek-kho-choân-su) beh kā lí kóng...
(Tùi 中華人民共和國 choán--lâi)
跳至導覽 跳至搜尋
遮介紹个是1949年由中國共產黨建立、這馬一般講个國家中國,若含糊个「中國」概念請看「中國」;若以前統治中國大陸、這馬徙去臺灣个政權,請看「中華民國」
中華人民共和國
中華人民共和國的旗仔
LocationPRChina.png

中華人民共和國簡化字:中华人民共和国;英語:People's Republic of China),簡稱中國簡化字:中国)是踮佇東亞洲一个中國共產黨領導下个社會主義國家,佇1949年10月1日成立,中國佇亞洲个東部,土地面積大約是960萬平方公里,首都佇北京市,是亞洲土地上蓋大个國家,佇世界上是排佇第四名[chù 1]

中國有34个一級行政區,包括23个[chù 2]、5个自治區、4个直轄市佮2个特別行政區

中國个人口超過14億,是目前世界上人口上濟个國家。中國嘛是一个多民族國家,有56个民族,其中漢族人口上濟,佔上無9成。

中國个官方語言普通話 (華語),伊使用个文字是規範漢字,嘛叫做簡化字

中華人民共和國目前是世界第2大經濟體,2021年中國个GDP有17.7兆美金,按照國際匯率計算,排世界第二,干焦輸美國,按照購買力平價來計算,是世界第一。1978年改革開放後,中華人民共和國是經濟成長上緊个一个主要經濟體,伊个GDP成長率訂定是世界頭20名經濟體之中上懸个。

中華人民共和國國名中,「中華」代表中華民族,「人民」代表工儂作穡儂小資產階級民族資產階級,「共和國」代表伊个國體

中華人民共和國有時會予儂叫做「新中國」,這是卜 (hām)新民主主義革命時期个「舊中國」做區分。毋過1949年到1971年之間,中華民國政府移徙去臺灣了後,猶原予國際社會當作是中國政府,而且佇聯合國中閣佔有中國个席次;這个時陣个中華人民共和國予儂叫做「紅色中國」(英語:Red China)抑是「共產中國」(英語:Communist-controlled China),總是伊原仔堅持伊家己是代表中國个唯一合法政府。

1971年10月,聯合國大會通過聯合國大會第2758號決議,中華人民共和國對彼時開始取得「中國」个席次佮相關地位,「中國」即个詞嘛漸漸成做國際社會對中華人民共和國个稱號。「中」抑是「華」遮个簡稱嘛定定攏是咧指稱中華人民共和國,像講「中日關係」、「駐華大使」等等。

1949年以後,控制臺灣地區中華民國政府到今猶𣍐佇憲法層級主張伊家己佮中華人民共和國是無仝个兩个主權國家,所以伊無愛用正式國名來稱呼中華人民共和國,顛倒是共伊叫做「中國大陸」、「大陸」、「大陸中國」、「北京當局」抑是「中共」等等。是講,民主進步黨執政時期,中華民國政府有時嘛會直接講「中國」抑是「中華人民共和國」。

Siông-sè chhiáⁿ khoàⁿ: Tiong-kok tē-lí

領土[siu-kái | kái goân-sí-bé]

中國个法定疆域北至烏龍江省漠河縣烏龍江河川航道中心點,東至烏龍江佮烏蘇里江合港个Heixiazi島,西至新疆Uyghur自治區Ulugqat縣西方个Pamir懸坪,南至海南省管轄之下、 南沙群島曾母暗砂。東西距離大約有5,200 km (迒過5个時區),南北距離大約有5,500 km。

中國个海岸線有18,000 km,倚近渤海黃海東中國海南中國海,其中渤海是中國个內海,內海佮邊海水域面積大約470萬km2。沿海島嶼有5000偌个。中國閣有3个主要个海峽渤海海峽烏水溝瓊州海峽

中國个邊界線攏總有22000偌km,雖然猶有眾議,猶原是世界上長。伊有14个陸上鄰國,世界上濟,佮露西亞平濟。

中國个地形圖

地形佮氣候[siu-kái | kái goân-sí-bé]

中國个地勢是西懸東下,會使分做三岑岑仔。第1岑是西南部个青藏高原,嘛予人叫做「世界厝脊」。

國共內戰[siu-kái | kái goân-sí-bé]

1917年露西亞十月革命成功,共產主義傳入去中國。1921年中國共產黨上海成立,𪜶 (in)个目標是卜建立一个無產階級專政个政權。一開始,𪜶 (in)加入共產國際接受指導,閣佮中國國民黨合作,參與北伐戰爭,毋過1927年蔣介石做頭个中國國民黨實施「清黨」,兩爿煞關係破裂,紲落來10年个時間就不時咧相戰。1930年代,以毛澤東做頭个本土派搦權,建立第一个由共產黨執政个政權:中華Soviet共和國中國抗日戰爭時期,共產黨閣再 (hām)國民黨合作,此時共產黨个勢力沓沓仔楦大。1945年中國抗日戰爭結束了後,國共之間个衝突演變成做第二次國共內戰,落尾,中國共產黨領導个中國人民解放軍拍敗中國國民黨中華民國國軍,推翻中華民國,佔領中國大陸,啊蔣介石佮伊个政權渡海流亡到臺灣地區

革命建設[siu-kái | kái goân-sí-bé]

改革開放[siu-kái | kái goân-sí-bé]

北京長安街中央个天安門城樓廣場是中華人民共和國个國家佮政治象徵。
天安門面前个大幅毛澤東畫像是畫家王國棟佇1967年畫个。相片个前景是一sian北京皇城个suanni(狻猊)雕像,強強所有个政府機關頭前攏有suanni,伊是國家權威个象徵之一。

國體佮政體[siu-kái | kái goân-sí-bé]

按照中華人民共和國憲法,中華人民共和國國體是由工儂階級領導个,以工農聯盟為基礎个,人民民主專政社會主義國家。中華人民共和國嘛是世界上少數由共產黨執政、而且宣揚共產主義个國家之一。中華人民共和國个國家意識形態馬克思主義,閣有中國共產黨佇馬克思主義个基礎上提出个毛澤東思想鄧小平理論三个代表科學發展觀習近平新時代中國特色社會主義思想等等理論。國政方針包括人民民主專政,中國特色社會主義佮[社會主義市場經濟]]。

政府結構[siu-kái | kái goân-sí-bé]

全國人民代表大會是國家最高權力機關;主要行使立法權,並選出國家元首國家主席)、行政機關國務院)、司法機關(最高人民法院)、檢察機關([中華人民共和國最高人民檢察院|最高人民檢察院]])、軍事機關(中央軍事委員會)、監察機關(國家監察委員會)等等个。

政治權利[siu-kái | kái goân-sí-bé]

行政區[siu-kái | kái goân-sí-bé]

Siông-sè chhiáⁿ khoàⁿ: 中華人民共和國个行政區
中華人民共和國行政區圖 層級 番號、名、簡稱、省都/首府
China provinces numbered with regional colors2.svg
自治區
直轄市
特別行政區

經濟狀況[siu-kái | kái goân-sí-bé]

能源佮礦產[siu-kái | kái goân-sí-bé]

中國是世界上𠢕開能源个國家,嘛是能源生產上濟个國家。2016年生產電力5.883兆電,消磨5.564兆度電。[1]

交通[siu-kái | kái goân-sí-bé]

Siông-sè chhiáⁿ khoàⁿ: 中國个交通

中國有鐵路系統公路系統航空系統、航運系統佮pipeline運輸構成个交通運輸網。

國際貿易[siu-kái | kái goân-sí-bé]

中國是世界貿易組織个成員,伊是佇2001年加入去个。[2]

資訊科技[siu-kái | kái goân-sí-bé]

中國有華為Lenovo集團小米科技OPPO等等個人電腦佮手機仔公司。

族群[siu-kái | kái goân-sí-bé]

中華人民共和國个法定民族有56个,合稱中華民族,其中个主體是漢族。除去漢族掠外个55族攏予人叫做「少數民族」。

語言佮文字[siu-kái | kái goân-sí-bé]

Siông-sè chhiáⁿ khoàⁿ: 中國个語言

中國个語言真濟,會使分做5个語言家族漢藏語系Altai語系、[南島語系]]、南亞語系印歐語系[3],漢藏語系下跤个漢語是中國內底使用人口上儕个,嘛是世界上使用人口上儕个。漢語下跤包含7个大分支:官話吳語粵語閩語湘語贛語客家語𪜶 (in)予中國个語言學家當做是漢語个「方言」。[4]

中華人民共和國佇2000年通過中華人民共和國通用語言文字法,依法將普通話規範漢字定為國家通用語言文字,以便全國各族人民溝通交流。[5] 政府允准佇特定情形下保留繁體漢字,而且予各民族會使去使用佮發展家己个語言佮文字。[6] 國家通用語普通話是「以北京語音為標準音,以北方話為基礎方言,以典範个現代白話本著作為語法規範。」[3][7]

中國个少數族群嘛使用𪜶 (in)家己个語言,比論講蒙古語藏語Uyghur語Kazakh語朝鮮語 (î)壯語等等。

雖然中國佇法律上寫講會保障所有語言,實際上不時咧打壓普通話掠外个語言。比論講佇少數民族地區,中國政府漸漸限制少數民族使用民族語言來教冊、出版,像蒙古語藏語Uyghur語攏有受害个記錄,即款情形嘛不時咧受著人權人士个批評。[8][9][10]

宗教信仰[siu-kái | kái goân-sí-bé]

Siông-sè chhiáⁿ khoàⁿ: 中國个宗教

中華人民共和國个官方立場是無神論,無設置法定宗教,政府支持並執行反宗教運動。雖然憲法保證宗教自由[11],閣有[國家宗教事務局]]管理國內宗教事務,但是無予政府批准个宗教組織个受著壓制甚至破害。[12]

文學[siu-kái | kái goân-sí-bé]

藝術[siu-kái | kái goân-sí-bé]

體育[siu-kái | kái goân-sí-bé]

  1. 若是無包括陸地頂懸兮水域,中國是第2大;若是算總面積,伊是第3抑第4大。無仝兮計算方式兮予中國佮美國兮排名無仝。
  2. 包括伊聲稱為領土但無實際統治个臺灣省。實際管轄兮有22个省。
  1. "The World Factbook - China" (ēng Eng-gí). CIA. 2022-05-20. 
  2. "China and the WTO" (ēng Eng-gí). WTO. 2022-05-27 khòaⁿ--ê. 
  3. 3.0 3.1 中国语言文字概况. Tiong-hôa Jîn-bîn Kiōng-hô-kok Kàu-io̍k-pō͘ (ēng Hôa-gí). 中国政府网. 2019-03-22. goân-loē-iông tī 2022-03-22 hőng khó͘-pih. 2022-05-26 khòaⁿ--ê. 
  4. 我国汉语七大方言区 (ēng Hôa-gí). 江山文艺广场. 2007-10-03. goân-loē-iông tī 2011-11-06 hőng khó͘-pih. 2022-05-27 khòaⁿ--ê. 
  5. 第九屆全國人民代表大會常務委員會 (2005-08-31). "中华人民共和国国家通用语言文字法" (ēng Hôa-gí). 中華人民共和國政府. 2016-02-17 khòaⁿ--ê. 
  6. Tiong-hôa Jîn-bîn Kiōng-hô-kok Thong-iōng Gí-giân Bûn-jī Hoat. Pak-kiaⁿ: Choân-kok Jîn-bîn Tāi-piáu Tāi-hōe Siông-bū Úi-oân-hōe. 2000-10-31. (ēng Hôa-gí)
  7. Language Planning and Policy in Asia, Vol.1: Japan, Nepal and Taiwan and Chinese Characters. Multilingual Matters. 2008年8月7日: 第42頁 [2016年1月24日]. ISBN 978-1847690951 (Eng-gí).
  8. "Ethnic Mongolians in China protest removal of traditional language in schools" (ēng Eng-gí). Reuters. 2020-09-02. goân-loē-iông tī 2021-12-12 hőng khó͘-pih. 2022-05-27 khòaⁿ--ê. 
  9. "China's "Bilingual Education" Policy in Tibet—Tibetan-Medium Schooling Under Threat" (ēng Eng-gí). Human Rights Watch. 2020-03-04. goân-loē-iông tī 2022-05-26 hőng khó͘-pih. 2022-05-27 khòaⁿ--ê. 
  10. "Poetry, the soul of Uighur culture, on verge of extinction in Xinjiang". Lily Kuo. The Guadian. 2020-12-06. goân-loē-iông tī 2022-04-22 hőng khó͘-pih. 2022-05-27 khòaⁿ--ê. 
  11. Ín-iōng chhò-gō͘: Bû-hāu ê <ref> tag; chhōe bô chí-miâ ê ref bûn-jī :0
  12. 对华援助协会发布《中国大陆境内基督教会和基督徒遭受政府逼迫的2016年度报告》 (ēng Hôa-gí). 2017-03-03. Goân-pún bāng-ia̍h Pó-chûn tī 2022-04-05. 2022-05-27 khòaⁿ--ê.