Sîn (Ki-tok-kàu)

Wikipedia (chū-iû ê pek-kho-choân-su) beh kā lí kóng...
Thiàu khì: Se̍h chāmchhiau-chhoē

Ki-tok-kàu ê Sîn (神) tī Hàn-gí tiāⁿ kóng Siōng-tè (上帝), Thian-chú (天主), he̍k-chiá Thiⁿ-pē (天父). Tī Ki-tok-kàu sìn-gióng kap i ê tiat-ha̍k, ka-ta ū chi̍t-ê sîn chûn-chāi. Chóng-sī tī bô-kâng sî-tāi, bô-kâng phài-piat chi kan, tùi sîn ê sèng-chit ê ké-soeh bô siáⁿ kâng.

Miâ[siu-kái | kái goân-sú-bé]

Ia-hô-hoâ[siu-kái | kái goân-sú-bé]

"Ia-hô-hoâ" sī tī Sèng-keng tiong tùi Sîn ê chheng-hō chi it, chú-iàu ēng tī Kū-iok. In-ūi hoan-e̍k ê koan-hē, tī kok pán-pún chhut-hiān ê sò͘-liōng bô-kâng, ū-ê pán-pún goân-choân kā thè-oāⁿ chò "Sîn" he̍k-chiá kî-tha kiò-hoat. Chit-ê miâ tī Hi-pek-lâi-gí pún-sin tāi-khài sī "goá chāi" ia̍h "i chāi" ê ì-sù.

Hàn-gí[siu-kái | kái goân-sú-bé]

Hàn-gí hē-thóng ê Ki-tok-kàu só͘ kóng ê "siōng-tè" kap "thian-chú", sī khah-chá thoân ji̍p Tiong-kok sî chioh chāi-tē kài-liām só͘ hō ê miâ. "Siōng-tè" chú-iàu sī kok Sin-kàu kàu-hoē teh ēng; nā tī Thian-chú-kàu, thoân-thóng sī kiò "thian-chú". Chóng-sī, tī Sin-kàu mā ū chi̍t koá phài-piat chú-tiūⁿ kaⁿ-taⁿ ēng "sîn" lâi tāi-piáu Ki-tok-kàu ê sîn.

Sîn/Siōng-tè ê sú-iōng chāi Hàn-gí Sèng-keng ê hoan-e̍k siōng mā sī siū tio̍h chim-chiok ê būn-tê, Sin-kàu Sèng-keng ū hun "Sîn pán" kap "Siōng-tè pán".

Nā tī kàu-hoē í-goā, "Siōng-tè" chit-ê hō-miâ khak-sit chin liû-hêng. Hiān-sî nā bô te̍k-pia̍t soeh-bêng, tio̍h sī kóng Ki-tok-kàu ê sîn.

Kî-tha gí-giân[siu-kái | kái goân-sú-bé]

Ti Hi-lia̍p-gí, sîn kiò θεός (la: theós), tī La-teng-gíDeus. Tī Tek-gíGott.

Siong-koan[siu-kái | kái goân-sú-bé]