Jī-si̍p-pat Siù

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Jī-si̍p-pat Siù

Jī-si̍p-pat Siù (二十八宿) sī kó͘-chá sî-tāi ê Tiong-kok-lâng kā hông-tō kap thian-kiû chhiah-tō hù-kīn ê thian-khu ōe-hun chò 28 ê khu-he̍k. Kó͘-chá sî-tāi ê Tiong-kok sī chi̍t ê lông-gia̍p kok-ka, Jī-si̍p-pat Siù ê sú-iōng khó-lêng tī Se Chiu sî-tāi tiō í-keng chhut-hiān ah. Kó͘-chá ê Hàn-jîn sī lī-iōng lông-le̍k teh kè-sǹg ji̍t-chí, goe̍h-niû se̍h tē-kiû chū-choán it-chiu tāi-io̍k su-iàu 28-kang ê sî-kan. Goe̍h-niû ta̍k-kang keng-koè chi̍t siù (宿), 28-kang se̍h tē-kiû chi̍t liàn. Jī-si̍p-pat Siù koh ē-sái hun-chò 4-cho͘, chi̍t-cho͘ 7-siù, hām sù-siōng tùi-èng.