Pang-chān:史明
 |
Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún. |
| 史明 | |
|---|---|
.jpg) 佇日頭花學運所翕个相 | |
| 資政 | |
|
任期 2016年11月9日 – 2019年9月20日 | |
| 總統 | 蔡英文 |
| 副總統 | 陳建仁 |
| 個人資訊 | |
| 出世 |
林朝暉 1918年11月9日 日屬臺灣臺北州士林區 |
| 過身 |
2019年9月20日（100歲） 臺灣臺北市臺北醫學大學病院 |
| 國籍 | |
| 政黨 | 無黨籍 (1949–2019) |
| Other political affiliations | 中國共產黨 (1943–1949) |
| 母校 | 早稻田大學 |
| 外號 | Ozisan (おじさん) |
| 網站 | Su Beng(史明館) ê Facebook choan-ia̍h |
.svg){kind=small}
史明（英語：Bing Su，1918年11月9日 – 2019年9月20日），本名施朝暉，是左派臺灣獨立運動兮重要人物。伊是獨立臺灣會兮創始者佮《臺灣儂四百年史》這本冊兮作者。
早期兮生活
[siu-kái | kái goân-sí-bé]史明出世佇今臺北市士林，老爸是豐原儂林濟川。林濟川留學日本兮時捌參與臺灣文化協會兮活動，嘛做過《臺灣青年》兮編輯。老母出世佇士林兮大厝底（好額儂兜）。史明五个兄弟當中干焦伊一个儂綴老母兮姓氏。史明讀臺北一中兮時着開始表現出討厭日本兮情緒。1937年伊到日本兮早稻田大學讀政治學。佇日本讀冊期間，伊讀過真濟有關社會主義佮無政府主義兮作品。伊特別佮意讀馬列主義，這共伊深深兮吸引着。大學卒業（畢業）了後，伊抱持着純真兮社會主義理念佮堅決反對帝國主義兮意志，佇1942年兮時陣來到中國大陸，支援中國共產黨兮抗日戰爭。1947年，伊𤆬頭組成一支約略300儂左右兮「臺灣隊」。這擺兮大陸經驗，予史明頭一擺產生臺獨這个想法。
史明開始對中國感覺失望，是因為中國兮革命。彼个時陣，伊明顯感受着「中共真獨裁」、「中共土地改革，毋但收土地，嘛刣死地主，地主死甲誠悽慘」。這以外，佇中國兮抗日戰爭當中，史明親目看着中國儂殘酷兮「漢人種族主義」，臺灣儂（兵仔）定定夆派往戰爭兮上前線，犧牲上蓋濟，中共刁工用「分化政策」來對待臺灣儂，弄到相咬，使弄福佬儂佮客儂冤家相拍。自按呢，史明交定日後「臺灣儂毋通佮中國儂行做伙」。
1949年，佇中共咧欲勝利進前，史明真無簡單才逃離中國，倒轉去離別將近十年時間兮臺灣。1952年，史明組織一篷儂，佇臺北市外準備欲刺殺蔣介石，無疑悟代誌提前煏空，姑不而將，史明看破趕緊逃亡去日本。
日本流浪記
[siu-kái | kái goân-sí-bé]史明逃亡到日本了後，為生活所迫，捌踮池袋開過一間名號做新珍味兮料理店，做兮是小本生理，每工賣水餃、燒賣佮滷麵tō͘三頓。
拄到日本兮時陣，史明捌去交陪着臺灣青年社兮王育德先生，伊講王育德是一个誠有才情兮儂。不而過，因為各儂兮觀念佮追求兮目標無𫝛，無偌久了後着隨儂行矣。1967年4月，史明踮東京創立臺灣獨立聯合會，參加兮團體包括：「臺灣民主獨立黨」、「臺灣自由獨立黨」、「臺灣共和黨」、「臺灣獨立戰線」佮「臺灣公會」。閣過無偌久，因為無法度協調臺灣青年獨立聯盟佮臺灣獨立總同盟這兩个組織來加入，聯合會自按呢宣告解散。
臺灣獨立聯合會解散了後，史明又閣着手籌備佮組建「獨立聯合會」（較偏向左派勢力），成員約略70个儂。這个組織主張「主戰場佇（臺灣）島內」，𪜶誠骨力咧做有關臺灣島內兮地下工作佮群眾活動。𪜶參與真濟臺獨兮案件，比論講：1967年兮顏尹謨案、1974年兮鄭評案、1983年兮盧修一案佮1991年兮陳正然案等等。𫝛時，這个組織閣出版《獨立臺灣》這份雜誌，佇報頭明確兮註明「臺灣人民解放革命陣線機關誌」。
除了政治活動，史明嘛用真濟時間咧收集臺灣歷史兮資料。伊前後花費十年兮時間，用日語寫《臺灣儂400年史》（東京 音羽書房 1962年）這本冊。這本冊會使講是第一本徛佇臺灣儂立場來寫兮臺灣通史。1980年這本冊兮華語版出版（加州 San Jose：蓬島文化公司 1980年）。1986年出版英語簡化版（Taiwan's 400 Year History: The Origins and Continuing Development of the Taiwanese Society and People. Washington, DC: Taiwanese Cultural Grassroots Association）。史明上重要兮歷史觀是強調愛按臺灣勞苦大眾兮立場來看臺灣社會各階段兮形成佮發展。嘛會使講，雖然史明排斥中國共產主義，毋過伊毋捌放棄Marx主義兮信仰。
為着欲寫這本冊，伊佇日本國會圖書館佮東京兮日比谷圖書館走揣佮臺灣有關兮歷史資料。佇這本冊兮頭序，伊按呢表示：
- 咱臺灣儂對家己兮社會發展史真生疏，會使講完全無了解……因為欠少對臺灣歷史發展兮了解，所以部份臺灣儂（特別是智識分子）𪜶心中兮本土意識，必然是遐爾仔軟汫，或者講存在嚴重兮缺陷。這款兮缺點造成臺灣到今猶原無法度擺脫400外年兮外來殖民統治。
史明共228事件看做臺灣儂追求獨立兮表現方式。史明將臺灣兮歷史佮長期予儂殖民統治看做仝性質兮一層代誌，伊認為彼是臺灣儂為啥乜欲爭取獨立兮重要原因。這本《臺灣儂400年史》兮冊，從1980年通過地下管道引入臺灣了後，煞來叫醒着
回臺
[siu-kái | kái goân-sí-bé]
臺灣民主化了後，予儂看做是「最後一个烏名單」兮史明，總算佇1993年採取回到故鄉臺灣。了後，伊組織成立臺北愛鄉會、高雄愛鄉會這款兮基層組織。這以外，史明猶原繼續咧
史明佇2005年3月，中國片面通過《反分裂法》後，佮臺大兮學生佇臺大校門靜坐抗議。以後佮支持者佇桃園機場彼搭仔分別阻擋抗議江丙坤對中國轉佮連戰去對岸。
2007年12月16日，伊帶病去臺灣團結聯盟立委參選人林志嘉競選總部成立會。
2009年4月22日，𤆬臺灣獨立宣傳車隊佮公投護臺灣聯盟蔡丁貴辦兮「
2019年9月20日，100歲兮伊佇臺北過身。
著作
[siu-kái | kái goân-sí-bé]- 史明 (1962). 台灣人四百年史 日文線頂版 Archived 2005-02-26 at the Wayback Machine..
- Su Bing, Taiwan's 400 Year History: The Origins and Continuing Development of the Taiwanese Society and People (Washington, D.C.: Taiwanese Cultural Grassroots Association, 1986)
