Portal:Le̍k-sú/Selected article/2

Liû-kiû-kok (琉球國, Okinawa-gí: ルーチュークク) sī Tang-a éng-sî ê chi̍t-ê kok-ka, só͘-chāi tī kin-á-ji̍t ê Liû-kiû Kûn-tó. Liû-kiû tī Tâi-oân kap Ji̍t-pún chi kan, kó͘-chá ū hiòng Tiong-kok tiâu-kòng. 1609 nî, Ji̍t-pún ê Satuma Phoan chhim-lio̍k Liû-kiû, pek Liû-kiû iā hiòng i tiâu-kòng. 1879 nî, Liû-kiû-kok hō͘ Ji̍t-pún bia̍t-bông, kái miâ kiò choè Okinawa-koān. M̄-koh kin-á-ji̍t chin chē Tâi-oân lâng iáu kiò Okinawa choè Liû-kiû. Liû-kiû kap Hok-kiàn ê Hok-chiu koan-hē chin chhim, kin-á-ji̍t Hok-chiu-chhī ê Tâi-kang-khu iáu ū Liû-kiû-koán, kó͘-chá sī iōng lâi toà Liû-kiû-lâng ê.