Belarus

Wikipedia (chū-iû ê pek-kho-choân-su) beh kā lí kóng...
(Tùi Pe̍h-Lō͘-se-a choán--lâi)
Thiàu khì: se̍h chāmchhiau-chhoē
Belarus Kiōng-hô-kok
Рэспубліка Беларусь
Flag of Belarus.svg Official coat of arms of the Republic of Belarus (v).svg
Kok-kî Kok-hui
Chū-jiân tē-lí
(si̍t-chè khòng-chè tē-khu)
Belarus ê só͘-chāi
Belarus ê só͘-chāi.
Siú-to͘ Minsk
Bīn-chek
  • Kok-thó͘ bīn-chek: 207,595 km² pâi sè-kài tē-85 miâ
Jîn-bîn seng-oa̍h
Jîn-kháu
Chèng-tī bûn-hoà
Kok-ka léng-tō-jîn
Keng-chè si̍t-le̍k
Kok-ka chu-liāu

Belarus Kiōng-hô-kok (Belarus-gí: Белару́сь, Lō͘-se-a-gí: Белару́сь), mā thang kiò chò Pe̍h-Lō͘-se-a, sī tī Tang Au ê 1 ê kok-ka. Sai-hong ū Pho-lân, Lietuva; tang-hong ū Lō͘-se-a; lâm-hong ū Ukraina; pak-hong ū Latvia.

Í-chá kiò "Pe̍h Lō͘-se-a" (Белору́ссия), chóng--sī che sī tùi Lō͘-se-a koan-tiám hō ê miâ, ná lâi ná chió lâng iōng.

Koaⁿ-hong gí-giân: Belarus-gí, Lō͘-se-a-gí

Hú-siâⁿ: Minsk

Chóng-thóng: Alexandr Lukashenko (1994-)

Tē-lí[siu-kái | kái goân-sú-bé]

Belarus ê bīn-chek sī 207,600 sq km. Tē-hêng chú-iàu sī pêⁿ--ê, ū chin chē làm-tē. Siōng koân tiám tī Dzyarzhynskaya Hara (346 m), siōng kē tiám tī Neman Hô (90 m). Ū 3 tiâu chú-iàu ê hô: Neman Hô, Pripyat Hô, Dnepr Hô.

Le̍k-sú[siu-kái | kái goân-sú-bé]

Tē-it-pái Sè-kài Tāi-chiàn ê sî, Tek-kok kin-kù Brest-Litovsk Tiâu-iok chiàm-niá Belarus. Belarus Bîn-cho̍k Kiōng-hô-kok tī 1918 nî 3-goe̍h 25 soan-pò͘ sêng-li̍p. Âng-kun tī 1919 nî 1-goe̍h 5 ji̍p khì Minsk liáu-āu, Kiōng-hô-kok ê chèng-koân cháu-lō͘.

Tē-jī-pái Sè-kài Tāi-chiàn ê sî, Nazi ū kè-oē beh iōng Belarus Bîn-cho̍k Kiōng-hô-kok ê miâ-gī phô͘ 1 ê ka-lé chèng-koân.

So͘-liân lāi-té, Belarus ê miâ-chheng sī Belarus Soviet Siā-hoē-chú-gī Kiōng-hô-kok, tī 1919 nî chiaⁿ-goe̍h 1 soan-pò͘ sêng-li̍p.

So͘-liân kái-soàⁿ liáu-āu, Pe̍h-Lō͘-se-a tī 1990 nî 7-goe̍h 27 soan-pò͘ to̍k-li̍p.

Hêng-chèng[siu-kái | kái goân-sú-bé]

Belarus ê hêng-chèng-thé pun-chò 6 ê voblast kap 1 ê horad (to͘). Ē-kha lia̍t chhut voblast kap in ê hêng-chèng tiong-sim.

Voblast koh pun chò rayon.

Keng-chè[siu-kái | kái goân-sú-bé]

Siā-hoē[siu-kái | kái goân-sú-bé]

Jîn-kháu: 10,322,151 (2003 nî 7-goe̍h)

Cho̍k-kûn: Belarus-lâng 81.2%, Lō͘-se-a-lâng 11.4%, Polska-lâng (~4.1%), Ukrainian (~2.9%), kî-thaⁿ 7.4%

Chong-kàu (1997): Tang Chiàⁿ-kàu 80%, kî-thaⁿ (pau-koat Lô-má Thian-chú-kàu, Uniate, Sin-kàu, Iû-thài-kàu, Islam-kàu) 20%. Chia ê sò͘-kì sī kin-kù lâng ê pò-kò; bû-sîn-lūn-chiá ê pí-lē khó-lêng chin koân.

Chèng-tī[siu-kái | kái goân-sú-bé]

Belarus ū kok-hōe (Natsionalnoye Sobranie), m̄-koh koân-le̍k khah bô chóng-thóng chē. Chū to̍k-li̍p kàu taⁿ, chèng-koân goân-chāi sī Lukashenko chóng-thóng teh hoāⁿ. 2004 nî 10-goe̍h 17 ê kong-bîn tâu-phiò thong-kòe chóng-thóng liân-jīm bô hān-chè ê àn.



To̍k-li̍p Kok-ka Cho͘-ha̍p CIS ê kî-á
Azerbaijan | Belarus | Hayastan | Kazakhstan | Kyrgyzstan | Lō͘-se-a | Moldova | Tajikistan | Turkmenistan | Uzbekistan