Sam-tiông-khu

Sam-tiông-khu
	Sam-tiông-khu; 三重區
	Tùi Tōa-tiū-tiâⁿ khòaⁿ Sam-tiông-khu
	Sam-tiông-khu ê ìn-á; Ìn-á
	Sam-tiông-khu ê ìn-á; Ìn-á
	Sam-tiông tī Sin-pak-chhī ê ūi-tì ê uī-tìSam-tiông tī Sin-pak-chhī ê ūi-tì
	Keng-hūi-tō͘: 25°03′41″N 121°29′40″E / 25.06139°N 121.49444°E
Kok-ka	Tiong-hôa Bîn-kok
Ti̍t-hat-chhī	Sin-pak-chhī
	Chèng-hú
- Khu-tiúⁿ	Ông Khun-lâm (王坤南)
	Bīn-chek
- Lóng-chóng	16.317 km2
	Jîn-kháu (2024-nî 11-goe̍h)
- Lóng-chóng	383,329 lâng
- Bi̍t-tō͘	23,492.62/km2
- Hō͘-kháu	165,201
Sî-khu	Kok-ka Phiau-chún Sî-kan (UTC+8)
Iû-piān hō-bé	241
Bāng-chām	https://www.sanchong.ntpc.gov.tw/

Sam-tiông-khu (Eng-gí: Sanchong District), Kū-chheng “Soaⁿ-lêng-po͘”,^[1] “Saⁿ-têng-po͘”, ūi Tâi-oân Sin-pak-chhī ē hat ê chi̍t-ê hêng-chèng-khu, kap Tâi-pak-chhī kan-na keh chit-tiâu hô, ūi-tī Tâi-pak Phûn-tē chú-iàu pak-tē ê tiong-sim ūi-tì, sio̍k-tī Tâi-pak To͘-hōe-khu lāi-khoân ê ōe-chhiⁿ siâⁿ-chhī chi-it.

In-ūi chiap-kīn Tâi-pak-chhī, khip-ín tōa-liōng ê jîn-kháu tēng-ki tī Sam-tiông-khu, hoat-tián chiâⁿ chá, kái-chè chêng ê Sam-tiông-chhī sī Tâi-pak-koān ê tē-it-ê koān-hat-chhī, kòe-chōe ê jîn-kháu ka-siōng khah-chá ê hoat-tián, tì-kàu siâⁿ-chhī thó͘-tē sú-iōng kè-tō͘ pa-kek. Chū-chiông seng-keh Sin-pak-chhī Sam-tiông-khu í-lâi, Sam-tiông hoat-tián ê bo̍k-phiau, í chhiok-chìn kong-kiōng-siat-si ho̍k-bū ûi chú, pí-jū oân-siān ūn-tōng-tiong-sim siat-si, hoat-tián tōa-hêng to͘-hōe-kong-hn̂g, thêng-chhia-tiûⁿ kiàn-siat, í-kip kiô-niû ê siu-siān bí-hòa. Sam-tiông thàu-kòe Tiong-hàu-kiô, Tiong-heng-kiô, kap Tâi-pak Se-khu ê Tâi-pak Chhia-chām、Tâi-pak Siang-chú-chhiⁿ Tōa-lâu、Pak-mn̂g Kóng-tiûⁿ、Se-mn̂g-teng téng tōe saⁿ-óa, tī Tâi-pak-chhī phah-piàⁿ thui-tōng ”Se-khu Mn̂g-hō͘ Kè-ōe”, Chia̍t-ūn Ki-tiûⁿ-sòaⁿ téng Kok-chè kang-têng si̍t-si, hō͘ Sam-tiôn-khu ūi-tī Se-khu mn̂g-hō͘ thong-tō tē-it-sòaⁿ siâⁿ-chhī. Lēng-gōa Sin-pak-chhī Chèng-hú in-ūi chō͘-chit ná tōa, pō͘-hūn kiok-chhù hun-sòaⁿ, kè-ōe tī khu lāi ê Jī-tiông-tōe-khu kiàn-siat tē-jī hêng-chèng-tiong-sim. Sam-tiông ê tiōng-iàu-sèng taⁿ ta̍uh-ta̍uh-á thê-seng.