Thóng-it 7-ELEVEn Sai
 | 這篇文章有漢字兮版本。 參考這篇文章兮漢字版本。 |
| Thóng-it 7-ELEVEn Sai | |||||
| |||||
| Só͘-sio̍k liân-bêng | Tiong-hôa Chit-gia̍p Pāng-kiû Tāi Liân-bêng | ||||
|---|---|---|---|---|---|
| Kiû-thoân hoat-jîn | Thóng-it Iá-kiû-tūi Kó͘-hūn Iú-hān Kong-si | ||||
| Sêng-li̍p sî-kan | 1989-nî 1-goe̍h 1-hō | ||||
| Le̍k-sú | Thóng-it Iá-kiû-tūi (1989-nî) Thóng-it Sai (1990-nî —2007-nî) Thóng-it 7-ELEVEn Sai (2008-nî —) | ||||
| Só͘-chai-tē | Tâi-lâm-chhī | ||||
| Chú-tiôⁿ | Tâi-lâm Chhī-li̍p Iá-kiû-tiôⁿ A-thài Kok-chè Iá-kiû Hùn-liān Tiong-sim (beh tī 2025-nî chèng-sek khé-iōng) | ||||
| Ióng-iú-chiá | Thóng-it Khì-gia̍p | ||||
| Léng-tūi | So͘ Thài-an | ||||
| Chóng-kàu-liān | Lîm Ga̍k-pêng | ||||
| Kùi-koan-kun | (18) | ||||
| Nî-tō͘ chóng-koan-kun | (10) | ||||
| Tāi-piáu-sek | chheⁿ-sek → kam-á-sek | ||||
| Koaⁿ-hong bāng-chí | http://www.uni-lions.com.tw | ||||
Thóng-it 7-ELEVEn Sai sī Tiong-hôa Chit-pāng ê chhòng-sí kiû-tūi chi-it, chú-tiôⁿ tī Tâi-lâm. Thóng-it mā-sī bo̍k-chêng ûi-it chi̍t-ê tùi Chit-pāng goân-nî kàu-taⁿ lóng bô bē-tiāu, m̄-bat kái-sàn kòe ê goân-ló kiû-tūi. Tī chit-pāng chhòng-li̍p ê sî-chūn, i ê choân-miâ hō-chò Thóng-it Sai, tī 2008-nî Thóng-it Khì-gia̍p ūi-tio̍h beh kā in kî-hā ê 7-ELEVEn chhiau-siong khǹg-tī saⁿ téng-koân, sûi kā tūi-miâ kái-chò chit-má ê Thóng-it 7-ELEVEn Sai. Thóng-it Sai bat the̍h kòe 18-ê kùi-koan-kun kah 10-ê chóng-koan-kun, kî-tiong 10-ê chóng-koan-kun sī choân-liân-bêng siōng-chē, kah Tiong-sìn Hiaⁿ-tī pêⁿ chē. Thóng-it sī Tiong-hôa Chit-pāng thâu-chi̍t-ê iâⁿ-kiû ê kiû-tūi, mā-sī bo̍k-chêng iâⁿ siōng-chē, sèng-lu̍t siōng koân, chham-ka kùi-āu-sài siōng-chē kái, choân-lúi-táⁿ siōng chē ê kiû-tūi.
Le̍k-sú
[siu-kái | kái goân-sí-bé]1990 ~ 2000
[siu-kái | kái goân-sí-bé]1990-nî, Thóng-it Sai tī khai-bō͘-chiàn tong-tiong í 4:3 phah-pāi Hiaⁿ-tī Chhiōⁿ, chiâⁿ-chò Tiong-hôa Chit-pāng le̍k-sú-siōng tē-1-ê iâⁿ-kiû ê kiû-tūi. Tān-sī āu--lâi phah-chhut 8-liân-pāi, nî-tō͘ sêng-chek pâi tī tē-3-miâ. 1991-nî, tit-tio̍h ē-pòaⁿ-kùi koan-kun, che mā sī tūi-sú thâu-chi̍t-ê kùi-koan-kun, pēng-chhiáⁿ tī chóng-koan-kun-sài tong-tiong kah téng-pòaⁿ-kùi koan-kun Bī-choân Liông phah-móa 7-tiôⁿ, lo̍h-bóe tit-tio̍h tūi-sú thâu-chi̍t-ê chóng-koan-kun. 1993-nî ē-pòaⁿ-kùi kan-na phah 38-tiôⁿ (hit-tang-chūn pòaⁿ-kùi sī 15-tiôⁿ) tio̍h hong-ông, chiâⁿ-chò siōng-kín hong-ông ê kì-lo̍k (m̄-koh keh-nî tio̍h hō͘ Hiaⁿ-tī Chhiōⁿ kái-siá), lo̍h-bóe tī chóng-koan-kun-sài í 2:4 su hō͘ Hiaⁿ-tī Chhiōⁿ. 1994-nî, Hiaⁿ-tī Chhiōⁿ sui-jiân koh-chi̍t-pái tit-tio̍h siōng hā pòaⁿ-kùi koan-kun (téng-pái sī 1992-nî), àn-chiàu hit-tang-chūn ê chè-tō͘ ti̍t-chiap chiâⁿ-chò chóng-koàn-kun. M̄-koh tī in-ūi bô chóng-koan-kun-sài chhut-hiān ê thiau-chiàn-poe pí-sài tong-tiong, Thóng-it Sai phah-iâⁿ chóng-koan-kun Hiaⁿ-tī Chhiōⁿ, the̍h-tio̍h liân-bêng thâu-chi̍t-pái kí-pān ê thiau-chiàn-poe koan-kun. 1995-nî ōaⁿ Thóng-it tit-tio̍h téng, ē pòaⁿ-kùi koan-kun chiâⁿ-chò chóng-koan-kun, pēng-chhiáⁿ chiân-óng Ji̍t-pún chham-ka ûi-it chi̍t-pái ê À-chiu Thài-pêng-iôⁿ Chhiau-kip Iá-kiû-sài, seng í 1:0 phah iâⁿ Ji̍t-pún Fukuoka Tāi-êng Eng, koh tī koat-sài í 3:1 iâⁿ Hân-kok Hân-hóe Eng tit-tio̍h koan-kun, chiâⁿ-chò Tâi-oân Chit-pāng-sú bo̍k-chêng ûi-it iû tan-it kiû-tūi chham-ka kok-chè-sài tit-tio̍h koan-kun ê kì-lo̍k. 1996-nî, Thóng-it phah-pāi Bī-choân Liông, ta̍t-sêng 2-liân-pà. 1997-nî, Sai-tūi nî-tō͘ chiàn-chek tē-it, tān-sī in-ūi siōng hā pòaⁿ-kùi koan-kun 2-ê lóng bô tit-tio̍h só͘-í tio̍h bô-hoat-tō͘ phah kùi-āu-sài, keh-nî liân-bêng chū-án-ne kái-piàn chè-tō͘, nā-sī bô-tit-tio̍h pòaⁿ-kùi koan-kun, tān-sī nî-tō͘ sêng-chek tē-it--ê kiû-tūi ē-sái phah thiau-chiàn-sài. 1998-nî, Thóng-it nî-tō͘ chiàn-chek pâi-miâ tē-2, tān-sī tī thiáu-chiàn sài hō͘ nî-tō͘ tē-3 ê Bī-choân Liông phah-pāi, bô-iân chìn-kip. 1999-nî, Sai-tūi jīn-ióng Tâi-lâm Chhī-li̍p Iá-kiû-tiôⁿ, chiâⁿ-chò Thóng-it Sai ê chú-tiôⁿ. Kāng-nî, Thóng-it kāng-khoán sī nî-tō͘ tē-2, koh-chi̍t-pái su hō͘ nî-tō͘ tē-3--ê Bī-choân Liông, kah koan-kun bô-iân. 2000-nî, Thóng-it Sai í 4:3 phah-pāi Hèng-lông Gû, tit-tio̍h tūi-sú tē-4-ê chóng-koan-kun.
2001 ~ 2006
[siu-kái | kái goân-sí-bé]2001-nî, tui-kiû liân-pà ê Sai-tūi koh-chi̍t-pái phah ji̍p-khì chóng-koan-kun-sài, tān-sī tī 3 sèng 1 pāi ê iu-sè chi-hā, hō͘ Hiaⁿ-tī Chhiōⁿ péng-pôaⁿ, Hiaⁿ-tī tò-iâⁿ tit-tio̍h Chit-pāng 12-nî chóng-koan-kun. 2002-nî Thóng-it thiām-té, sī tūi-sú thâu-chi̍t-pái, m̄-koh mā-sī in-ūi án-ne, Thóng-it thang chhiam--tio̍h in bī-lâi ê ông-pâi tâu-chhiú Phoaⁿ ui-lûn. 2004-nî Thóng-it Sai tit-tio̍h téng-pòaⁿ-kùi koan-kun, tān-sī tī chóng-koan-kun-sài tong-tiong í 3:4 su hō͘ Hèng-lông Gû. 2006-nî Thóng-it Sai í choân-nî tē-jī-miâ chìn-ji̍p kùi-āu-sài, tī kùi-āu-sài phah-pāi choân-nî tē-saⁿ-miâ ê Heng-lông Gû chìn-kip Tâi-oân Tōa-sài, tān-sī lo̍h-bóe sì-chiàn lóng su hō͘ La New Hîm.
2007 ~ 2013：7-nî 5-koan
[siu-kái | kái goân-sí-bé]2007-nî Thóng-it sui-jiân kah kùi-koan-kun bô-iân, tān-sī choân-nî sêng-chek iâⁿ La New Hîm 0.5-tiôⁿ chiâⁿ-chò thâu-miâ, chìn-ji̍p Kùi-āu Thiau-chiàn-sài, Thóng-it Sai 3-tiôⁿ lóng-iâⁿ, phah-pāi téng-pòaⁿ-kùi koan-kun Sêng-thài COBRAS; tī Tâi-oân Tōa-sài koh í 4:3 phah-pāi La New Hîm, tit-tio̍h chóng-koan-kun. 2008-nî Thóng-it sai kái-miâ chò "Thóng-it 7-ELEVEN Sai". téng-pòaⁿ-kùi Thóng-it Sai sūn-lī tit-tio̍h koan-kun, ē-pòaⁿ-kùi mā-sī chha chi̍t-tiám-á niā-niā. Tī Tâi-oân Tōa-sài tong-tiong, Thóng-it Sai í 4:3 sêng-kong phah-iâⁿ Hiaⁿ-tī Chhiōⁿ, tit-tio̍h tūi-sú tē-6-pái ê Tâi-oân Tōa-sài koan-kun. 2009-nî 6-goe̍h, Thóng-it tī Tâi-lâm í 3:5 phah-pāi La New, chiâⁿ-chò Tiong-hôa Chit-pāng le̍k-sú-siōng tē-it-ki oân-sêng 1000-sèng ê kiû-tūi. 2009-nî Tâi-oân Tōa-sài koh tú-tio̍h Hiaⁿ-tī Chhiōⁿ, tē-6-chiàn phah kah 17-kio̍k chiah hō͘ Hiaⁿ-tī phah-chhut koat-tēng su-iâⁿ ê hőng-bű-láng, lo̍h-bóe Thóng-it tī tē-7-tiôⁿ phah-iâⁿ Hiaⁿ-tī, oân-sêng tūi-sú thâu-chi̍t-pái 3-liân-pà. Thóng-it Sai tī ké-kiû-àn liân-tha̍h po̍k-hoat chi-hā, siū-tio̍h ê éng-hióng sī siōng sè ê, tān-sī in siám-kòe ké-kiû-àn, siám-bē-kòe saⁿ-liân-pà chiù-chhàm. 2010-nî Thóng-it sêng-chek tī liân-bêng lāi-té thiām-té, m̄-koh mā in-ūi án-ne kéng-tio̍h tùi Bí-kok tńg--lâi ê Tân Iông-ki. 2011-nî Thóng-it tit-tio̍h téng-pòaⁿ-kùi koan-kun, mā sī in ê tē-11-ê kùi-koan-kun. Tī Tâi-oân Tōa sài í 4:1 phah-pāi ē-pòaⁿ-kùi koàn-kun Lamigo Thô-oân, tit-tio̍h tūi-sú tē-8-ê chóng-koan-kun. 2012-nî thóng-it kāng-khoán the̍h-tio̍h téng-pòaⁿ-kùi koan-kun, kāng-khoán tī Tâi-oân Tōa-sài tú-tio̍h ē-pòaⁿ-kùi koan-kun Lamigo Thô-oân, tān-sī chit-pái lo̍h-bóe í 1:4 su hō͘ Lamigo, jî-chhiáⁿ pí-sài kòe-têng tit-beh kah kū-nî kāng-khoán, chí-sī su-iâⁿ ê kiû-tūi sio-ōaⁿ niā-niā. 2013-nî Thóng-it Sai tit-tio̍h ē-pòaⁿ-kùi koan-kun kah choân-nî sèng-lu̍t tē-it, liân-sòa 3-tang phah ji̍p-khì Tâi-oân Tōa-sài, pēng-chhiáⁿ 4-chiàn lóng phah-iâⁿ téng-pòaⁿ-kùi koan-kun Gī-tāi Sai-gû, tit-tio̍h tē-9-ê Tâi-oân Tōa-sài koàn-kun, mā sī 7-nî í-lâi ê tē-5-ê chóng-koan-kun[1].
2014 ~ 2019
[siu-kái | kái goân-sí-bé]2014-nî Sai-tūi sui-jiân chiàn-chek pâi-miâ tē-jī, tān-sī bô tit-tio̍h kùi-koan-kun, ē-pòaⁿ-kùi sīm-chì thiām-té, kah chóng-koan-kun bô-iân. 2015-nî koh-khah chhi-chhám, téng-ē pòaⁿ-kùi kah nî-tō͘ chiàn-chek lóng-sī liân-bêng thiām-té, mā-sī tūi-sú siōng-chió sèng-tiôⁿ ê kì-lo̍k. 2016-nî Thóng-it iâⁿ Lamigo Thô-oân 0.5-tiôⁿ, chha chi̍t-tiám-á tio̍h liân-sòa 2-tang lóng thiām-té. 2017-nî Thóng-it pàng-sak thoân-thóng, goân-té í-keng iōng beh 30-tang ê chheⁿ-sek tùi chit-nî khai-sí tio̍h bô koh leh iōng ah, tūi-hui mā kui-ê ōaⁿ-tiāu, siōng-teng Thóng-it thiau-chiàn chū-ngó͘ ê koat-sim[2]. Sui-jiân tú-khai-sí ū piáu-hiān-chhut bē-bái ê khì-sè, m̄-koh 5-goe̍h khai-sí chiàn-chek tio̍h ti̍t-ti̍t-lo̍h, lo̍h-bóe téng-pòaⁿ-kùi kan-na pí Hù-pang Hān-chiòng khah hó niā-niā. Tān-sī ē-pòaⁿ-kùi kè-sio̍k phah-piàⁿ, khó-sioh tī siōng-bóe 1-tiôⁿ lē-hêng-sài í 7:9 su hō͘ Lamigo Thô-oân, bô khe̍h-tio̍h kùi-koan-kun. In-ūi Lamigo Thô-oân pau-pān téng, ē pòaⁿ-kùi koan-kun kah choân-nî sèng-lu̍t tē-it, nî-tō͘ tē-jī-miâ ê Thóng-it Sai kah tē-saⁿ-miâ ê Tiong-sìn Hiaⁿ-tī thang thàu-kòe kùi-āu thiau-chiàn-sài chìn-kip chóng-koan-kun-sài, tān-sī lo̍h-bóe 1 sèng 3 pāi su hō͘ Tiong-sìn Hiaⁿ-tī, kah Tâi-oân Tōa-sài bô-iân. 2018-nî Lamigo koh-chi̍t-pái pau-pān téng, ē pòaⁿ-kùi koan-kun, só͘-í Thóng-it Sai liân-sòa 2-tang lóng-ài phah kùi-āu thiau-chiàn-sài, lo̍h-bóe í 3:1 phah-pāi Hù-pang Hān-chiòng, tān-sī tī Tâi-oân Tōa-sài í 2:4 su hō͘ Lamigo. 2019-nî Thóng-it Sai siáⁿ-mih tāi-chì lóng bô-sūn-sī, it-ti̍t ū kiû-oân tio̍h-siong bô-hoat-tō͘ pí-sài. Lo̍h-bóe téng, ē pòaⁿ-kùi lóng thiām-té.
2020-nî: Tit-tio̍h Koan-kun
[siu-kái | kái goân-sí-bé]2020-nî 4-goe̍h 19- it-ti̍t-kàu 5-goe̍h 27, Thóng-it Sai ta̍k-tiôⁿ pí-sài lóng ū-lâng phah-chhut hőng-bű-láng, lo̍h-bóe chhòng-chō liân-sòa 23-tiôⁿ lóng-ū choân-lúi-táⁿ ê kì-lo̍k, chhiau-kòe Tiong-sìn Hiaⁿ-tī tī 2017, 2019 ê 13-tiôⁿ, sīm-chì sī Hân-chit 21-tiôⁿ ê kì-lo̍k[3]. 10-goe̍h 24, Thóng-it Sai í 3:2 phah-pāi Tiong-sìn Hiaⁿ-tī, tit-tio̍h ē-pòaⁿ-kùi koan-kun[4][5][6]. Tī Tâi-oân Tōa-sài tong-tiong Thóng-it Sai bat hō͘ Tiong-sìn Hiaⁿ-tī tit-tio̍h 3 sèng 1 pāi ê iu-sè, tān-sī sòa--lo̍h-lâi 3-tiôⁿ lóng iâⁿ, lo̍h-bóe í 7:4 phah-pāi Hiaⁿ-tī, tit-tio̍h tūi-sú ê tē-10-ê chóng-koan-kun[7].
2021-nî: Ōe-bián Sit-lī
[siu-kái | kái goân-sí-bé]
2021-nî 11-goe̍h 18, in-ūi ē-pòaⁿ-kùi tē-jī ê Tiong-sìn Hiaⁿ-tī phah-su Bī-choân Liông, thóng-it sai khak-tēng chiâⁿ-chò ē-pòaⁿ-kùi koan-kun. Tān-sī tī Tâi-oân Tōa sài lāi-té 4-chiàn choân-su, thiau-chiàn jī-liân-pà sit-pāi, hō͘ Tiong-sìn Hiaⁿ-tī tit-tio̍h chóng-koan-kun.
2022-nî: Song-peng Khùn-jiáu
[siu-kái | kái goân-sí-bé]2022-nî téng-pòaⁿ-kùi, Thóng-it sui-jiân ū chin-chē siong-peng, tān-sī iû-goân phah-chhut bē-bái ê sêng-chek, téng-pòaⁿ-kùi sī liân-bêng tē-3-miâ; tān-sī ē-pòaⁿ-kùi chōng-hóng koh-khah chhi-chhám, lo̍h-bóe choân-nî tē-4，kan-na iâⁿ Hù-pang Hān-chiòng niā.
2023-nî: Khōng-khōng-tian
[siu-kái | kái goân-sí-bé]2023-nî 6-goe̍h 29, Thóng-it 7-ELEVEn Sai í 7:3 phah iâⁿ Hù-pang Hān-chiòng, tit-tio̍h Tiong-hôa Chit-pāng 34-nî téng-pòaⁿ-kùi koan-kun, mā sī tūi-sú tē-16-ê kùi-koan-kun[8]. Tān-sī Thóng-it tit-tio̍h téng-pòaⁿ-kùi koan-kun liáu-āu, chōng-hóng chőaⁿ pìⁿ khah bài, lo̍h-bóe ē-pòaⁿ-kùi kan-na tit-tio̍h tē-4-miâ, choân-nî tē-1 tio̍h hō͘ Bī-choân Liông tit-tio̍h. Só͘-í ài phah Kùi-āu Thiau-chiàn-sài chiah ē-tàng koat-tēng kám ē-sái phah Tâi-oân Tōa-sài, lo̍h-bóe Thóng-it tī thiau-chiàn-sài lāi-té 3-chiàn lóng su hō͘ Lo̍k-thian Thô-oân.[9]
2024-nî: Sat-ú-jî-kui
[siu-kái | kái goân-sí-bé]2024-nî 6-goe̍h 25, Thóng-it Sai í 11:4 phah iâⁿ Lo̍k-thian Thô-oân, tit-tio̍h Tiong-hôa Chit-pāng 35-nî téng-pòaⁿ-kùi koan-kun, mā sī tūi-sú tē-17-ê kùi-koan-kun[10]. 10-goe̍h 7-hō, in-ūi Tiong-sìn Hiaⁿ-tī phah iâⁿ Tâi-kǹg Hiông-eng, Thóng-it Sai khak-tēng sī choân-nî tē-jī, liân-sòa 2-tang beh tī kùi-āu thiau-chiàn-sài tú-tio̍h Lo̍k-thian Thô-oân. 10-goe̍h 14 Thóng-it tī kùi-āu thiau-chiàn-sài í 3:1 phah-pāi Lo̍k-thian Thô-oân, chìn-kip Tâi-oân Tōa-sài. 10-goe̍h 25, Thóng-it tī Tâi-oân Tōa-sài í 1:4 su hō͘ Tiong-sìn Hiaⁿ-tī, kah chóng-koan-kun bô-ian.
2025-nî
[siu-kái | kái goân-sí-bé]6-goe̍h 29-hō, tī Lo̍k-thian Thô-hn̂g Iá-kiû-tiôⁿ í 4:1 phah-iâⁿ Lo̍k-thian Thô-oân, tit-tioh Tiong-hôa Chit-pāng 36 nî téng-pòaⁿ-kùi koan-kun, sī tūi-sú tē-18-ê kùi-koan-kun.[11]10-goe̍h 3-hō, in-ūi Tiong-sìn Hiaⁿ-tī iâⁿ-kiû, Thóng-it khak-tēng liân-sòa saⁿ-tang lóng ài seng kah Lo̍k-thian Thô-oân phah thiáu-chiàn-sài chiah ē-tàng chìn-ji̍p Tâi-oân Tōa-sài[12]. 10-goe̍h 13, thiáu-chiàn-sài G4, tī tē-9-kio̍k hō͘ Lo̍k-thian jio̍k kah pêⁿ-chhiú, lo̍h-bóe nn̄g-pêng phah kah tē-10-kio̍k, Lo̍k-thian í 4: 3 phah-iâⁿ Thóng-it, Sai-tūi í 2-sèng 3-pāi (pau-hâm chi̍t-tiôⁿ pó-sàng-sèng) phah-su thiáu-chiàn-sài bô-hoat-tō͘ chìn-kip, tit-tio̍h kùi-kun[13].
Ta̍k-nî Sèng-chek
[siu-kái | kái goân-sí-bé]Àn Téng-ē Pòaⁿ-kùi kah Choân-nî Chiàn-chek
[siu-kái | kái goân-sí-bé]| Kiû-kùi | Téng-pòaⁿ-kùi | Ē-pòaⁿ-kùi | Choân-nî Chiàn-chek | ||||||||||||
|---|---|---|---|---|---|---|---|---|---|---|---|---|---|---|---|
| Sèng | Pāi | Hô | Sèng-lu̍t | Miâ-chhù | Sèng | Pāi | Hô | Sèng-lu̍t | Miâ-chhù | Sèng | Pāi | Hô | Sèng-lu̍t | Miâ-chhù | |
| 1990 | 16 | 29 | 0 | .365 | 4 | 21 | 20 | 4 | .512 | 2 | 37 | 49 | 4 | .430 | 3 |
| 1991 | 21 | 20 | 4 | .512 | 2 | 25 | 14 | 6 | .641 | 1 | 46 | 34 | 10 | .575 | 1 |
| 1992 | 20 | 23 | 2 | .465 | 3 | 21 | 22 | 2 | .488 | 2 | 41 | 45 | 4 | .477 | 3 |
| 1993 | 25 | 20 | 0 | .556 | 3 | 29 | 14 | 2 | .674 | 1 | 54 | 34 | 2 | .614 | 1 |
| 1994 | 22 | 20 | 3 | .524 | 3 | 26 | 18 | 1 | .591 | 2 | 48 | 38 | 4 | .558 | 2 |
| 1995 | 32 | 17 | 1 | .653 | 1 | 30 | 19 | 1 | .612 | 1 | 62 | 36 | 2 | .633 | 1 |
| 1996 | 34 | 15 | 1 | .694 | 1 | 26 | 22 | 2 | .542 | 3 | 60 | 37 | 3 | .619 | 1 |
| 1997 | 28 | 16 | 4 | .636 | 2 | 30 | 15 | 3 | .667 | 2 | 58 | 31 | 7 | .652 | 1 |
| 1998 | Tan-it kiû-kùi chè | 57 | 45 | 3 | .559 | 2 | |||||||||
| 1999 | 56 | 37 | 0 | .602 | 2 | ||||||||||
| 2000 | 17 | 27 | 1 | .386 | 4 | 27 | 16 | 2 | .628 | 1 | 44 | 43 | 3 | .506 | 2 |
| 2001 | 27 | 14 | 4 | .659 | 1 | 22 | 23 | 0 | .489 | 3 | 49 | 37 | 4 | .570 | 1 |
| 2002 | 18 | 24 | 3 | .429 | 4 | 14 | 30 | 1 | .318 | 4 | 32 | 54 | 4 | .372 | 4 |
| 2003 | 24 | 23 | 3 | .511 | 4 | 30 | 16 | 4 | .652 | 2 | 54 | 39 | 7 | .581 | 3 |
| 2004 | 28 | 18 | 4 | .543 | 1 | 26 | 22 | 2 | .542 | 3 | 54 | 40 | 6 | .574 | 1 |
| 2005 | 24 | 26 | 0 | .480 | 5 | 24 | 23 | 3 | .511 | 3 | 48 | 49 | 3 | .495 | 3 |
| 2006 | 28 | 18 | 4 | .609 | 2 | 20 | 27 | 3 | .426 | 5 | 48 | 45 | 7 | .516 | 2 |
| 2007 | 27 | 23 | 0 | .540 | 2 | 31 | 18 | 1 | .660 | 2 | 58 | 41 | 1 | .586 | 1 |
| 2008 | 34 | 16 | 0 | .680 | 1 | 33 | 17 | 0 | .633 | 2 | 67 | 33 | 0 | .670 | 1 |
| 2009 | 34 | 24 | 2 | .586 | 1 | 29 | 30 | 1 | .429 | 2 | 63 | 54 | 3 | .538 | 1 |
| 2010 | 25 | 34 | 1 | .424 | 4 | 29 | 29 | 2 | .500 | 2 | 54 | 63 | 3 | .462 | 4 |
| 2011 | 37 | 22 | 1 | .627 | 1 | 28 | 30 | 2 | .483 | 3 | 65 | 52 | 3 | .556 | 2 |
| 2012 | 41 | 19 | 0 | .683 | 1 | 30 | 29 | 1 | .508 | 3 | 71 | 48 | 1 | .597 | 1 |
| 2013 | 30 | 29 | 1 | .508 | 2 | 32 | 26 | 2 | .552 | 1 | 62 | 55 | 3 | .534 | 1 |
| 2014 | 32 | 24 | 4 | .571 | 2 | 26 | 31 | 3 | .456 | 4 | 58 | 55 | 7 | .513 | 2 |
| 2015 | 26 | 33 | 1 | .441 | 4 | 23 | 36 | 1 | .390 | 4 | 49 | 69 | 2 | .415 | 4 |
| 2016 | 29 | 31 | 0 | .483 | 2 | 26 | 34 | 0 | .433 | 4 | 55 | 65 | 0 | .458 | 3 |
| 2017 | 23 | 35 | 2 | .397 | 3 | 34 | 26 | 0 | .567 | 2 | 57 | 61 | 2 | .483 | 2 |
| 2018 | 35 | 25 | 0 | .583 | 2 | 29 | 30 | 1 | .492 | 2 | 64 | 55 | 1 | .538 | 2 |
| 2019 | 25 | 34 | 1 | .424 | 4 | 23 | 36 | 1 | .390 | 4 | 48 | 70 | 2 | .407 | 4 |
| 2020 | 26 | 34 | 0 | .433 | 3 | 32 | 27 | 1 | .542 | 1 | 58 | 61 | 1 | .487 | 3 |
| 2021 | 32 | 26 | 2 | .552 | 2 | 32 | 25 | 3 | .561 | 1 | 64 | 51 | 5 | .557 | 2 |
| 2022 | 31 | 27 | 2 | .534 | 3 | 17 | 42 | 1 | .288 | 5 | 48 | 69 | 3 | .410 | 4 |
| 2023 | 34 | 24 | 2 | .586 | 1 | 28 | 31 | 1 | .475 | 4 | 62 | 55 | 3 | .530 | 2 |
| 2024 | 37 | 23 | 0 | .617 | 1 | 29 | 30 | 1 | .492 | 3 | 66 | 53 | 1 | .555 | 2 |
| 2025 | 36 | 24 | 0 | .600 | 1 | 30 | 30 | 0 | .500 | 3 | 66 | 54 | 0 | .550 | 2 |
Kùi-āu-sài
[siu-kái | kái goân-sí-bé]| Kiû-kùi | Kùi-āu-sài | Tâi-oân Tōa-sài | ||||
|---|---|---|---|---|---|---|
| Tùi-chhiú | Sèng | Pāi | Tùi-chhiú | Sèng | Pāi | |
| 1991 | bô | Bī-choân Liông | 4 | 3 | ||
| 1993 | bô | Hiaⁿ-tī Chhiōⁿ | 2 | 4 | ||
| 1995 | Pau-pān téng, ē pòaⁿ-kùi koan-kun, ti̍t-chiap chiâⁿ-chò chóng-koan-kun | |||||
| 1996 | bô | Bī-choân Liông | 4 | 2 | ||
| 1998 | Bī-choân Liông | 1 | 2 | bô chìn-kip | ||
| 1999 | Bī-choân Liông | 1 | 2 | bô chìn-kip | ||
| 2000 | bô | Heng-lông Gû | 4 | 3 | ||
| 2001 | bô | Hiaⁿ-tī Chhiōⁿ | 3 | 4 | ||
| 2004 | bô | Heng-lông Gû | 3 | 4 | ||
| 2005 | Sêng-thài COBRAS | 1 | 3 | bô chìn-kip | ||
| 2006 | Heng-lông Gû | 3 | 0 | La New Hîm | 1 | 4 |
| 2007 | Sêng-thài COBRAS | 3 | 0 | La New Hîm | 4 | 3 |
| 2008 | bô | Hiaⁿ-tī Chhiōⁿ | 4 | 3 | ||
| 2009 | bô | Hiaⁿ-tī Chhiōⁿ | 4 | 3 | ||
| 2011 | bô | Lamigo Thô-oân | 4 | 1 | ||
| 2012 | bô | Lamigo Thô-oân | 1 | 4 | ||
| 2013 | bô | Gī-tāi Sai-gû | 4 | 0 | ||
| 2017 | Tiong-sìn Hiaⁿ-tī | 1 | 3 | bô chìn-kip | ||
| 2018 | Hù-pang Hān-chiòng | 3 | 1 | Lamigo Thô-oân | 2 | 4 |
| 2020 | bô | Tiong-sìn Hiaⁿ-tī | 4 | 3 | ||
| 2021 | bô | Tiong-sìn Hiaⁿ-tī | 0 | 4 | ||
| 2023 | Lo̍k-thian Thô-oân | 1 | 3 | bô chìn-kip | ||
| 2024 | Lo̍k-thian Thô-oân | 3 | 1 | Tiong-sìn Hiaⁿ-tī | 1 | 4 |
| 2025 | Lo̍k-thian Thô-oân | 2 | 3 | bô chìn-kip | ||
Kiû-oân
[siu-kái | kái goân-sí-bé]Thóng-it 7-ELEVEn Sai hiān-ia̍h sêng-oân
| |||||||||||
|---|---|---|---|---|---|---|---|---|---|---|---|
| Kiû-oân | Kàu-liān | ||||||||||
|
Tâu-chhiú
|
Pō͘-chhiú
Lāi-iá-chhiú
|
Gōa-iá-chhiú
|
It-kun chóng-kàu-liān It-kun kàu-liān
Jī-kun chóng-kàu-liān
Jī-kun kàu-liān
Sûn-hôe kàu-liān-thoân
| ||||||||
| Chù-kha: Ū piau "◎" ê sī chū-chú pôe-hùn soán-chhiú. | |||||||||||
Tūi-sú Kì-lo̍k
[siu-kái | kái goân-sí-bé]- Liân-sòa tiôⁿ-chhù hőng-bű-láng: 23-tiôⁿ (2020-nî)
- Liân-sòa kio̍k-sò͘ tit-hun: 8-kio̍k (1996-nî)
- Liân-sòa tiôⁿ-chhù tit-hun: 131-tiôⁿ (2015.10.02 － 2017.03.26)
- Chi̍t-kio̍k siōng chē táⁿ-se̍k: 17 táⁿ-se̍k (2003.03.30)
- Chi̍t-tiôⁿ siōng chē táⁿ-se̍k: 57 táⁿ-se̍k (1993.08.10)
- Chi̍t-kio̍k siōng chē an-táⁿ: 11-ki (1999.07.02)
- Liân-bêng chú-tiôⁿ chi̍t-tiôⁿ siōng chē an-táⁿ: 26-ki (2016.09.25), (2020.06.27)
- Chi̍t-kio̍k siōng chē hőng-bű-láng: 4-ki (1997.05.14)
- Chi̍t-tiôⁿ siōng chē hőng-bű-láng: 6-ki (2020.06.20)
- Chi̍t-kio̍k siōng chē tit-hun: 13-hun (2003.03.30)
- Chi̍t-tiôⁿ siōng chē tit-hun: 22-hun (2016.07.21), (2016.10.13), (2023.4.21)
- Chi̍t-kio̍k siōng chē lúi-táⁿ-sò͘: 22 lúi-táⁿ-sò͘ (1997.05.14)
- Chi̍t-tiôⁿ siōng chē lúi-táⁿ-sò͘: 39 lúi-táⁿ-sò͘ (1994.10.09)
- Liân-sòa kio̍k-sò͘ bô sit-hun：34-kio̍k (2006.08.15 － 2006.08.22)
- Liân-sòa tiôⁿ-chhù siú-pī bô sit-gō͘: 5-tiôⁿ (1994.08.27 － 1994.09.04), (1997.08.23 － 1997.09.03), (1998.08.07 － 1998.08.15), (1999.07.23 － 1999.08.03)
- Chi̍t-tiôⁿ siōng chē tn̂g-táⁿ: 9-ki
- Liân-sòa tiôⁿ-chhù tit-hun siang-ūi-sò͘: 5-tiôⁿ (2018.08.11 － 2018.08.15)
- Bô an-táⁿ bô sit-gō͘ bô sit-hun oân-choân pí-sài: 1-tiôⁿ (2018.10.07 tâu-chhiú: Ryan)
- Tūi-sú tē-20000-ê sa̋n-sín: 2022.04.04 (tâu-chhiú: Kang Sîn-àn, táⁿ-chiá: Namoh Iyang)
Siòng-phìⁿ
[siu-kái | kái goân-sí-bé]-
Thóng-it Sai chú-tiôⁿ Tâi-lâm kiû-tiôⁿ -
Thóng-it Sai kiû-oân bà-suh -
Chú-tiôⁿ kam-á-sek saⁿ (—2017-nî) -
Kheh-tiôⁿ chheⁿ-saⁿ (—2017-nî)
Chham-khó Chu-liāu
[siu-kái | kái goân-sí-bé]- ↑ 統一獅總冠軍 橘色彩帶漫天飛 Archived 2013-11-01 at the Wayback Machine.，中央社，2013年10月30日
- ↑ "中職》統一獅的新隊徽不吉利？球團說分明". Goân-pún bāng-ia̍h Pó-chûn tī 2017-09-29. 2017-09-29 khòaⁿ--ê.
- ↑ 統一獅中繼連續場次全壘打 23場已超越韓職 Archived 2021-09-22 at the Wayback Machine.，ETtoday，2020-05-29
- ↑ 統一獅奪中職下半季冠軍 台灣大賽再戰中信兄弟 Archived 2021-02-26 at the Wayback Machine.，中央通訊社，2020-10-24
- ↑ 獅隊相隔7年稱霸半季 將與兄弟爭冠 Archived 2020-11-25 at the Wayback Machine.，聯合新聞網，2020-10-24
- ↑ 統一獅復仇成功 相隔11年台南拋下季冠軍彩帶 Archived 2021-02-25 at the Wayback Machine.，ETtoday，2020-10-24
- ↑ 台灣大賽》統一獅完成不可能大逆轉封王！兄弟7年苦吞6亞 Archived 2021-02-27 at the Wayback Machine.，自由時報，2020-11-08
- ↑ "勝騎士就是穩 猛獅隊史第16座kùi-koan-kun入袋". Archived from the original on 2023-10-31. 2023-06-29 khòaⁿ--ê.
- ↑ "廖健富開轟！樂天7:1血洗Thóng-it Sai 連2年進台灣大賽". Archived from the original on 2023-12-14. 2023-10-30 khòaⁿ--ê.
- ↑ "Thóng-it Sai勇奪隊史第17座kùi-koan-kun！率先奪季後賽門票 11：4擊敗樂天". goân-loē-iông tī 2024-06-25 hőng khó͘-pih. 2024-06-25 khòaⁿ--ê.
- ↑ "林詔恩一夫當關 統一獅勇奪隊史第18座季冠軍". goân-loē-iông tī 2025-06-29 hőng khó͘-pih. 2025-06-29 khòaⁿ--ê.
- ↑ "季後挑戰賽「複製、貼上」 連三年上演獅猿決鬥". goân-loē-iông tī 2025-10-03 hőng khó͘-pih. 2025-10-03 khòaⁿ--ê.
- ↑ "專打逆風！桃猿奇蹟實現輸2贏3逆轉淘汰獅隊 挺進台灣大賽". goân-loē-iông tī 2025-10-13 hőng khó͘-pih. 2025-10-13 khòaⁿ--ê.
Gōa-pō͘ Liân-kiat
[siu-kái | kái goân-sí-bé]
- Koaⁿ-hong bāng-chām
- Thóng-it 7-ELEVEn Sai ê Facebook choan-ia̍h
- Thóng-it 7-ELEVEn Sai tī Instagram
- Thóng-it 7-ELEVEn Sai ê Twitter bāng-ia̍h
YouTube téng ê Thóng-it 7-ELEVEn Sai pîn-tō
.png){kind=icon}
