Chhòa Eng-bûn

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Chhòa Eng-bûn
蔡英文
蔡英文官方元首肖像照.png
Tē 14, 15 jīm Tiong-hoâ Bîn-kok chóng-thóng
Chiū-jīm
2016 nî 5 goe̍h 20 ji̍t
Hù chóng-thóng Tân Kiàn-jîn
Lōa Chheng-tek
Chêng-jīm Má Eng-kiú
Tē 12, 13, 15 jīm Bîn-chú Chìn-pō͘ Tóng tóng-chú-se̍k
Chiū-jīm
2014 nî 5 goe̍h 28 ji̍t
Chêng-jīm So͘ Cheng-chhiong
Jīm-kî
2008 nî 5 goe̍h 20 ji̍t – 2012 nî 1 goe̍h 14 ji̍t
Chêng-jīm Siā Tiông-têng (Tāi-lí)
Kè-jīm Tân Kiok (Tāi-lí)
Kò-jîn chu-sìn
Chhut-sì 1956 nî 8 goe̍h 31 ji̍t 1956-08-31(64 hòe)
Flag of the Republic of China.svg Tâi-oân Tâi-pak
Chèng-tóng Bîn-chú Chìn-pō͘ Tóng (2004–taⁿ)
Bú-hāu Kok-li̍p Tâi-oân Tāi-ha̍k
Cornell Hoat-lu̍t Ha̍k-īⁿ
London Keng-chè Ha̍k-īⁿ

Chhoà Eng-bûn (hàn-jī: 蔡英文; 1956 nî 8 goe̍h 31 ji̍t chhut-sì ) sī Tâi-oân ê chi̍t ūi chèng-tī jîn-bu̍t, iā sī hiān-jīm ê Tiong-hoâ Bîn-kok Chóng-thóng kiam Bîn-chú Chìn-pō͘-tóng Chú-se̍k. Chó͘-che̍k Pîn-tong-koān Pang-soaⁿ-hiong, tī Tâi-pak-chhī Tiong-san-khu chhut-sì. Ha̍k-le̍k chì Tâi-oân Tāi-ha̍k hoat-lu̍t ha̍k-sū, Bí-kok Khong-nái-ní Tāi-ha̍k hoat-lu̍t-ha̍k se̍k-sū kiam Eng-kok Lûn-tun Chèng-tī kap Keng-chè Ha̍k-īⁿ hoat-lu̍t-ha̍k phok-sū. Liû-ha̍k kui-kok liáu-āu, tī Tong-ngô͘ Tāi-ha̍k kap Kok-li̍p Chèng-tī Tāi-ha̍k tam-jīm hoat-lu̍t-ha̍k kàu-siū, choan-tióng sī kok-chè bō͘-e̍k-hoat kap kēng-cheng-hoat téng-téng. Tam-jīm kàu-chit ê kî-kan, iā bat siū-phèng tī Iong-hâng kap Keng-chè-pō͘ tam-jīm Koan-bō͘ Chóng Hia̍p-tēng kap Sè-bō͘ Cho͘-chit ê tâm-phoàⁿ kò͘-būn. 1990 nî-tāi, i tī Lí Teng-hui chèng-hú tam-jīm Tì-hūi Châi-sán-kio̍k úi-oân kap Kok-an-hōe ê keng-chè chu-sûn úi-oân. 2000 nî, i chèng-sek ta̍h-ji̍p chèng-toâⁿ, tam-jīm Tân Chúi-píⁿ chèng-hú ê tē-it jīm ê Lio̍k-úi-hōe chú-úi, tông-sî iā kiam-jīm chèng-bū úi-oân. I tī 2004 nî ka-ji̍p Bîn-chìn-tóng, pēng chiap-siū tóng-lāi thê-miâ chò put-hun-khu li̍p-hoat úi-oân. 2006 nî chhut-jīm Hêng-chèng-īⁿ Hù-īⁿ-tiúⁿ chì 2008 nî Má Eng-kiú chiū-jīm chóng-thóng ûi-chí.

I tī 2016 nî 1 goe̍h 16 ji̍t tòng-soán Tiong-hoâ Bîn-kok tē 14 jīm chóng-thóng, tī 5 goe̍h 20 ji̍t chèng-sek chiū-jīm. I tī 2020 nî 1 goe̍h 11 ji̍t--ê chóng-thóng tāi-soán the̍h-tio̍h 817 bān gōa phiò, iâⁿ Tiong-kok Kok-bîn-tóng--ê Hân Kok-jû kah Chhin-bîn-tóng--ê Sòng Chhó͘-jû, tit-tio̍h liân-jīm--ê chu-keh.

Chá-nî seng-oa̍h[siu-kái | kái goân-sú-bé]

Ka-cho̍k pōe-kéng[siu-kái | kái goân-sú-bé]

Chhòa Eng-bûn ka-cho̍k ê chó͘-chhù tī Pîn-tong-koān Pang-soaⁿ-hiong Hong-káng-chhun

1956 nî 8 goe̍h 31 hō, Chhòa Eng-bûn tī Tâi-pak-chhī Tiong-san-khu ê Má-kai Kì-liām Pēⁿ-īⁿ chhut-sì,[1][2][3][4] āu-lâi poaⁿ khì tī Iûⁿ-bêng-soaⁿ ê thàu-thiⁿ-chhù "Seng-hn̂g" (生園).[5][6] Goân-pún i chiàu cho̍k-phó͘ phó͘-miâ èng-kai hō-miâ "Chhòa Êng-bûn" (蔡瀛文), m̄-koh lāu-pē Chhòa Kiat-seng kám-kak "Êng" (瀛) chit jī ê pit-ōe siuⁿ chē, chiah kā miâ kái chò "Chhòa Eng-bûn" (蔡英文).[7][8] Che̍k-koànTâi-oân-séng Pîn-tong-koān,[9] ka-cho̍k lâi-chū Pîn-tong-koān Pang-soaⁿ-hiong Hong-káng-chhun.[10][11][12] I sī Hô-ló-kheh kap Tâi-oân goân-chū-bîn ê āu-tāi, ū 4 hun-chi 1 ê Pâi-oan-cho̍k hiat-thóng.[13] Lāu-pē hit-pêng, Chhòa Eng-bûn ê a-kong sī Kńg-tang-séng Mûi-koān chhut-sin,[14][15] āu-lâi chiâⁿ-chò Hong-káng-chhun ê Kheh-ka ōng-cho̍k,[16] a-má sī Pîn-tong-koān Sai-á-hiong ê Pâi-oan-cho̍k.[17][18][19] Chhòa Eng-bûn ê Pâi-oan-cho̍k sèⁿ-miâ kiò Tjuku,[20][21] ì-sù sī Ji̍t-thâu îⁿ-îⁿ ê hêng-chōng, mā ū thâu-ba̍k cha-bó͘-kiáⁿ ê ì-sù.[22]

Ha̍k-le̍k pōe-kéng[siu-kái | kái goân-sú-bé]

Chhòa Eng-bûn ùi sè-hàn pī-siū pē-bú kap hiaⁿ-ché ê thiàⁿ-ài.[5] Chá-kî chiū-tho̍k Tâi-pak-chhī Su-li̍p Siang-liân Iù-tī-hn̂g (雙連幼稚園),[23] khé-bêng kàu-io̍k oân-sêng liáu-āu, tio̍h khai-sí chiap-siū kok-bîn kàu-io̍k.[8] 1963 nî, chiū-tho̍k Tâi-pak-chhī Tiong-san-khu Tiông-an Kok-bîn Sió-ha̍k.[24] 1966 nî, sì-nî ê i choán khì tī sin sêng-li̍p ê Tâi-pak-chhī Tiong-san-khu Kiat-lîm Kok-bîn Sió-ha̍k.[24] 1971 nî, i sī Tâi-pak-chhī li̍p Pak-an Kok-bîn Tiong-ha̍k tē-it kài pit-gia̍p-seng pit-gia̍p.[24] Ko-kip tiong-ha̍k ê sî, chiū-tho̍k Tâi-pak-chhī li̍p Tiong-san Lú-chú Ko-kip Tiong-ha̍k,[25] Âng Siù-chū sī tōa i 8 kài ê ha̍k-ché.[26]

1980 nî-tāi Chhòa Eng-bûn bat tī Lûn-tun Chèng-tī Keng-chè Ha̍k-īⁿ tha̍k phok-sū.

1974 nî, ko-tiong pit-gia̍p liáu-āu, in-ūi ka-cho̍k khì-gia̍p su-iàu hoat-lu̍t siong-koan pōe-kéng,[27] chòe-āu khó-tiâu Kok-li̍p Tâi-oân Tāi-ha̍k Hoat-ha̍k-īⁿ Hoat-lu̍t-ha̍k-hē,[28] tī chiū-tho̍k sî bat ū ha̍k-kho bô ki̍p-keh,[5][29] 1978 nî, ùi Tâi-oân Tāi-ha̍k pit-gia̍p,[16][30][31][32] chhú-tit hoat-ha̍k-sū ha̍k-ūi,[33] má-siōng chiân-óng Bí-kok tha̍k se̍k-sū.[11][29]

1980 nî ùi Bí-kok Khong-nái-ní Tāi-ha̍k pit-gia̍p,[32] chhú-tit hoat-ha̍k se̍k-sū ha̍k-ūi,[5][16][30][31][33][29] jiân-āu ke lâu tī Bí-kok chi̍t tang, koh khó-tiâu Bí-kok ê lu̍t-su chip-chiàu.[5][34]

Āu-lâi i kàu Eng-kok Lûn-tun Chèng-tī Keng-chè Ha̍k-īⁿ tha̍k hoat-ha̍k phok-sū, gián-kiù kè-ōe ê tê-bo̍k sī "Bô-kong-pêⁿ Bō͘-e̍k Hêng-ûi kap Pó-chiong Chhò͘-si" (Unfair trade practices and safeguard actions).[35][36] 1984 nî, i ùi hia pit-gia̍p,[32] chhú-tit hoat-ha̍k phok-sū ha̍k-ūi.[5][16][30][31][33][37][38]

Chá-kî kang-chok[siu-kái | kái goân-sú-bé]

Chham-khó chu-liāu[siu-kái | kái goân-sú-bé]

  1. "3張圖帶你認識台灣總統候選人" (ēng Hôa-gí). 端傳媒. 2015-12-14. Goân-pún bāng-ia̍h Pó-chûn tī 2018-08-31. 2018-08-24 khòaⁿ--ê. 
  2. "談父墳風波 蔡英文"不能把帳全算我爸頭上"" (ēng Hôa-gí). 中國評論通訊社. 2010-05-04. Goân-pún bāng-ia̍h Pó-chûn tī 2018-06-21. 2018-08-24 khòaⁿ--ê. 
  3. "About Democratic Progressive Party presidential candidate Tsai Ing-wen" (ēng Eng-gí). 《英文台灣日報》. 2015-09-23. Goân-pún bāng-ia̍h Pó-chûn tī 2018-08-25. 2018-08-24 khòaⁿ--ê. 
  4. 曾韋禎 (2011-04-29). "感謝支持 蔡現身長老教會年會". 自由時報. 2019-12-31 khòaⁿ--ê. 
  5. 5.0 5.1 5.2 5.3 5.4 5.5 "對蔡英文政治性格的觀察與思考" (ēng Hôa-gí). 中國評論通訊社. Goân-pún bāng-ia̍h Pó-chûn tī 2016-03-04. 2018-08-24 khòaⁿ--ê. 
  6. 葉柏祥 2015年, 第220頁; 葉俊傑和余玫鈴 2016年, 第214頁; John F. Copper 2016年, 第188頁.
  7. "22个关键词带你认识蔡英文" (ēng Hôa-gí). 騰訊新聞. Goân-pún bāng-ia̍h Pó-chûn tī 2018-08-30. 2018-08-24 khòaⁿ--ê. 
  8. 8.0 8.1 葉俊傑和余玫鈴 2016年, 第214頁.
  9. 刘斌、李岸东和李文琪 (2016-01-18). "台湾选举观察:蔡英文的从政之路" (ēng Hôa-gí). 《南方周末》. Goân-pún bāng-ia̍h Pó-chûn tī 2018-08-30. 2018-08-24 khòaⁿ--ê. 
  10. 田習如 (2015-11-25). "解密 富商之女蔡英文" (ēng Hôa-gí). 《商業周刊》. Goân-pún bāng-ia̍h Pó-chûn tī 2018-08-13. 2018-08-24 khòaⁿ--ê. 
  11. 11.0 11.1 "蔡英文 總統" (ēng Hôa-gí). 中華民國總統府. Goân-pún bāng-ia̍h Pó-chûn tī 2018-08-30. 2018-08-24 khòaⁿ--ê. 
  12. 蘋果日報》 (2014-03-16). "出身富商家庭 至今仍未出嫁" (ēng Hôa-gí). 《蘋果日報》. Goân-pún bāng-ia̍h Pó-chûn tī 2018-08-30. 2018-08-24 khòaⁿ--ê. 
  13. "Progressive Leadership" (ēng Eng-gí). 《今日台灣》. 2016-05-01. Goân-pún bāng-ia̍h Pó-chûn tī 2018-08-30. 2018-08-24 khòaⁿ--ê. 
  14. 許智鈞 (2016-01-10). "全台掃街 楓港出發 小英:讓屏東女兒做總統" (ēng Hôa-gí). 中時電子報. Goân-pún bāng-ia̍h Pó-chûn tī 2018-10-22. 2018-08-24 khòaⁿ--ê. 
  15. 周昭平、吳柏源和楊適吾 (2016-01-16). "【影片】楓港小鎮出總統 蔡家故事傳鄉里" (ēng Hôa-gí). 《蘋果日報》. Goân-pún bāng-ia̍h Pó-chûn tī 2019-01-14. 2018-08-24 khòaⁿ--ê. 
  16. 16.0 16.1 16.2 16.3 方晔云和邓志慧 (2012-05-25). "组图:盘点民进党历届党主席" (ēng Hôa-gí). 人民網. Goân-pún bāng-ia̍h Pó-chûn tī 2018-08-30. 2018-08-24 khòaⁿ--ê. 
  17. 林修卉 (2011-08-07). "蔡英文也有原住民血統 祖母是獅子鄉「排灣族」" (ēng Hôa-gí). NOWnews今日新聞. Goân-pún bāng-ia̍h Pó-chûn tī 2018-08-30. 2018-08-24 khòaⁿ--ê. 
  18. Cindy Sui (2016-01-16). "Taiwan's first female leader, shy but steely Tsai Ing-wen" (ēng Eng-gí). 英國廣播公司新聞網. Goân-pún bāng-ia̍h Pó-chûn tī 2016-01-19. 2018-08-24 khòaⁿ--ê. 
  19. John F. Copper 2016年, 第188頁.
  20. 蔡英文 (2016-01-08). "總統候選人蔡英文第三場電視政見會 第一輪政見發表全文" (ēng Hôa-gí). 點亮台灣LIGHT UP TAIWAN. Goân-pún bāng-ia̍h Pó-chûn tī 2018-08-18. 2018-08-24 khòaⁿ--ê. 
  21. 雒效文 (2016-01-08). "第三场政见发表会蔡英文政见全文" (ēng Hôa-gí). 鳳凰衛視. Goân-pún bāng-ia̍h Pó-chûn tī 2018-08-30. 2018-08-24 khòaⁿ--ê. 
  22. "Tsai's campaign stop to woo indigenous support attracts former KMT members (2011/12/29)" (ēng Eng-gí). 民視新聞台. 2011-12-29. Goân-pún bāng-ia̍h Pó-chûn tī 2018-07-03. 2018-08-24 khòaⁿ--ê. 
  23. 王烱華 (2016-01-17). "【更新】小英當選 雙連幼兒園學弟妹:我長大也要當總統" (ēng Hôa-gí). 《蘋果日報》. Goân-pún bāng-ia̍h Pó-chûn tī 2019-01-14. 2018-08-24 khòaⁿ--ê. 
  24. 24.0 24.1 24.2 葉柏祥 2015年, 第220頁; 葉俊傑和余玫鈴 2016年, 第214頁.
  25. 許秩維 (2016-06-01). "總統回母校中山女高 勉學妹溫柔有企圖心" (ēng Hôa-gí). 中央通訊社. Goân-pún bāng-ia̍h Pó-chûn tī 2018-08-30. 2018-08-24 khòaⁿ--ê. 
  26. 葉俊傑和余玫鈴 2016年, 第215頁.
  27. 台灣啟示錄》 (2016-01-17). "中華民國首位女總統,是誰改變蔡英文?1050117" (ēng Hôa-gí). YouTube. Goân-pún bāng-ia̍h Pó-chûn tī 2019-01-14. 2018-08-24 khòaⁿ--ê. 
  28. 陳歆怡 (2012年7月). "蔡英文非典型學者" (ēng Hôa-gí). 《台灣光華雜誌》. Goân-pún bāng-ia̍h Pó-chûn tī 2018-08-30. 2018-08-24 khòaⁿ--ê. 
  29. 29.0 29.1 29.2 葉柏祥 2015年, 第220頁; 葉俊傑和余玫鈴 2016年, 第215頁; John F. Copper 2016年, 第188頁.
  30. 30.0 30.1 30.2 "蔡英文委員" (ēng Hôa-gí). 立法院. 2018-08-24 khòaⁿ--ê. 
  31. 31.0 31.1 31.2 "Profile: Tsai Ing-wen" (ēng Eng-gí). 英國廣播公司新聞網. 2012-01-12. Goân-pún bāng-ia̍h Pó-chûn tī 2014-12-16. 2018-08-24 khòaⁿ--ê. 
  32. 32.0 32.1 32.2 Arnaud Vaulerin (2016-01-17). "Tsai Ing-wen, la force tenace de Taiwan" (ēng Hoat-gí). 《解放報》. Goân-pún bāng-ia̍h Pó-chûn tī 2018-08-30. 2018-08-24 khòaⁿ--ê. 
  33. 33.0 33.1 33.2 "Ing-Wen Tsai Ph.D.: Executive Profile & Biography" (ēng Eng-gí). 彭博有限合夥企業. Goân-pún bāng-ia̍h Pó-chûn tī 2016-01-26. 2018-08-24 khòaⁿ--ê. 
  34. 陳慧萍 (2015-06-06). "蔡:台灣人民是我唯一主考官" (ēng Hôa-gí). 《自由時報》. Goân-pún bāng-ia̍h Pó-chûn tī 2018-07-06. 2018-08-24 khòaⁿ--ê. 
  35. "Unfair trade practices and safeguard actions" (ēng Eng-gí). 大英圖書館. Goân-pún bāng-ia̍h Pó-chûn tī 2019-01-14. 2018-08-24 khòaⁿ--ê. 
  36. 葉俊傑和余玫鈴 2016年, 第216頁.
  37. 蔡英文 (2002-01-14). "A New Era in Cross-Strait Relations? Taiwan and China in the WTO" (ēng Eng-gí). 美國傳統基金會. Goân-pún bāng-ia̍h Pó-chûn tī 2018-08-24. 2018-08-24 khòaⁿ--ê. 
  38. 葉柏祥 2015年, 第220頁; 葉俊傑和余玫鈴 2016年, 第216頁; John F. Copper 2016年, 第188頁.