Ko-hiông Chia̍t-ūn Âng-sòaⁿ
 | 這篇文章有漢字的版本。 參考這篇文章的漢字的版本。 |
| Ko-hiông Chia̍t-ūn Âng-sòaⁿ 高雄捷運紅線 | |||
|---|---|---|---|
 | |||
 | |||
| Ki-pún chu-liāu | |||
| Kî-thaⁿ miâ | Red Line (KMRT) | ||
| Chōng-hóng | Chú-soàⁿ, Kong-san Lō͘-tek Iân-chhun-soàⁿ tē-it kai-tōaⁿ êng-ūn-tiong; nn̄g-tiâu iân-chhun-soàⁿ heng-kiàn-tiong, chi̍t-tiâu iân-chhun-soàⁿ kui-ōe-tiong | ||
| Êng-ūn tē-khu |  Tiong-hôa Bîn-kokKo-hiông-chhī | ||
| Khí-tiám Chiong-tiám | Kong-san - Sió-káng | ||
| Chhia-chām | 24 | ||
| Ho̍k-bū | |||
| Ho̍k-bū lūi-hêng | Ko-ūn-liōng chia̍t-ūn Tiong-ūn-liōng chia̍t-ūn ki-tiûⁿ liân-lo̍k khúi-tō hē-thóng | ||
| Hē-thóng | Ko-hiông Chia̍t-ūn | ||
| Lō͘-sòaⁿ | Chú-soàⁿ | ||
| Kî-thaⁿ lō͘-sòaⁿ | Kong-san Lō͘-tek Iân-chhun-soàⁿ Sió-káng Lîm-hn̂g Soàⁿ Lîm-hn̂g Tang-káng Soàⁿ | ||
| Êng-ūn tan-ūi | Ko-hiông Chia̍t-ūn Kó͘-hūn Iú-hān Kong-si | ||
| Chhia-lióng ki-tē | Pak-ki-chhiúⁿ, Lâm-ki-chhiúⁿ | ||
| Sú-iōng chhia-lióng | ko-ūn-liāng tiān-liân-chhia | ||
| Ki-su̍t | |||
| Kúi-tō lūi-hêng | tē-hā, tē-bīn, ko-kè | ||
| Kúi-tō piau-chún | 1 435 mm (phiau-chún-khúi) | ||
| |||
Ko-hiông Chia̍t-ūn Âng-sòaⁿ (kán-chheng Âng-sòaⁿ) sī Tâi-oân Ko-hiông-chhī Ko-hiông Chia̍t-ūn chhiú-kî nn̄g-tiâu lō͘-soàⁿ tiong ê lâm-pak hiàng lō͘-soàⁿ, mā sī Tâi-oân tē-it tiâu liân kàu ki-tiûⁿ ê chia̍t-ūn hē-thóng, lēng-gōa chi̍t-tiâu sī tang-sai hiàng ê Ko-hiông Chia̍t-ūn Kiat-sòaⁿ, nn̄g-tiâu sòaⁿ tī chhī-tiong-sim Tiong-san kap Tiong-chèng Lō͘ kau-hōe só͘-chai tē-ē--ê Bí-lē-tó Chām saⁿ-kau, lú-kheh ē-tàng tī chia lâi pôaⁿ-chhia.
Êng-ūn Chōng-hóng
[siu-kái | kái goân-sí-bé]Bo̍k-chêng teh êng-ūn ê Ko-hiông Chia̍t-ūn chho͘-kî lō͘-sòaⁿ lāi-bīn, Âng-sòaⁿ pak-pêng tùi Kong-san Chhia-chām khai-sí, iân-tô͘ keng-kòe Kiô-á-thâu Hóe-chhia-chām, Kiô-á-thâu Thn̂g-chhiúⁿ, Ko-hiông Sin Chhī-tìn, Lâm-á-kheⁿ Hóe-chhia-chām, Ko-hiông To͘-hōe Kong-hn̂g, Lâm-á-kheⁿ Kho-ki Hn̂g-khu, Sè-ūn Chú Tiûⁿ-koán. Chhng-kòe Poàⁿ-pîn-soaⁿ liáu-āu pìⁿ-chò tē-hā chhia-chām, kàu Sió-káng Chām iân-tô͘ keng-kòe Tâi-oân Ko-thih (Chó-iâⁿ Chām), Ko-hiông Kī-tān Siong-khoan (Kī-tān Chām), Ài-hô Chi Sim, Ko-hiông Chhia-chām, Tōa-káng-po͘ Îⁿ-khoân (Bí-lē-tó Chām), Sin-kut-kang (新崛江)/Ngó͘-hok Siong-khoan (Tiong-iong Kong-hn̂g Chām), Sam-to Siong-khoan (Sam-to Chām), Bāng-sî-tāi Siong-khoan, Chiân-tìn Hô, Lâm Ki-chhiúⁿ (Chháu-gê Chām), Ko-hiông Kok-chè Ki-tiûⁿ, siōng bóe-á kàu tī Sió-káng-khu siong-gia̍p tiong-sim ê lâm-toan chiong-tiám Sió-káng Chām. Kiô-á-thâu Hóe-chhia-chām kàu Sió-káng Chām ê lō͘-sòaⁿ tī 2008 nî 3 goe̍h 9 ji̍t thong-chhia, Kong-san Ko-i Chām in-ūi sī tī Âng-sòaⁿ khai-kang liáu-āu chiah khak-tēng beh ke-siat, só͘-í tī sì tang liáu-āu ê 2012 nî 12 goe̍h 23 ji̍t chiah khai-sí lâi êng-ūn, Kong-san Chhia-chām sī Kong-san Lō͘-tek Iân-chhun-soàⁿ thâu-chi̍t-ê thong-chhia--ê chhia-chām, tī 2024 nî 6 goe̍h 30 khai-sí êng-ūn.
Bī-lâi Kè-ōe
[siu-kái | kái goân-sí-bé]Tû-liáu êng-ūn tiong ê lō͘-sòaⁿ chi-gōa, Ko-hiông Chia̍t-ūn ia̍h-ū kui-ōe tùi siōng-pak--ê Kong-san Ko-i Chām óng pak-pêng iân-sin kàu Ô͘-lāi-khu ê Kong-san Lō͘-tek Iân-sin-sòaⁿ kap túi lâm-toan iân-sin kàu Lîm-hn̂g-khu kap Pîn-tong-koān Tang-káng-tìn ê Sió-káng Lîm-hn̂g Sòaⁿ kap Lîm-hn̂g Tang-káng Sòaⁿ. Kong-san Lō͘-tek Iân-sin-sòaⁿ iân-tô͘ ē keng-kòe Lō͘-tek ê tiong-sim, Lâm-pō͘ Kho-ha̍k Hn̂g-khu (Lō͘-tek Kho-ha̍k-hn̂g-khu), í-ki̍p Kong-san chhī-khu kap A-kong-tiàm-khe. Chit-ê iân-sin-sòaⁿ kè-ōe í ko-kè (高架) ê hong-sek lâi khí, jî-chhiáⁿ chhái-ēng kap pún-sòaⁿ kâng-khoán--ê ko-ūn-liōng hē-thóng. 2013 nî 5 goe̍h, Hêng-chèng-īⁿ he̍k-tēng (核定) iu-sian thui-tōng Lâm Kong-san Chām (taⁿ Kong-san Ko-i Chām) kàu Tâi-thih Kong-san Chām ê tē-it-kai-tōaⁿ iân-sin-sòaⁿ[1], lo̍h-bóe tī 2024 nî 6 goe̍h 30 thong-chhia, bī-lâi khòaⁿ châi-chèng (財政) kap ūn-liōng lâi ta̍uh-ta̍uh-á thui-tōng. Sió-káng Lîm-hn̂g Sòaⁿ kap Lîm-hn̂g Tang-káng Soàⁿ in-ūi ūn-liōng kap sêng-pún būn-tê, sio̍k-î oán-kî (遠期) kè-ōe, chho͘-pō͘ koat-tēng hun-pia̍t chhái-ēng kap chú-sòaⁿ (主線) bô-kâng, sêng-pún khah kē--ê khin-thih kap kong-chhia chia̍t-ūn hē-thóng.
Kui-keh
[siu-kái | kái goân-sí-bé]Âng-sòaⁿ choân sòaⁿ lóng-sī ēng ko-ūn-liōng kiàn-siat, m̄-koh khó-lū--tio̍h êng-ūn chho͘-kî ūn-liōng bô koân, bo̍k-chêng sī chiām-sî ēng tiong-ūn-liōng chi̍t-chó saⁿ-cheh-chhia lâi kiâⁿ, tán-kàu Âng, Kiat-sòaⁿ ê ji̍t-ūn-liōng (日運量) ta̍t-kàu 45 bān jîn-chhù ê piau-chún, chiah-ē thê-seng kàu ko-ūn-liōng nn̄g-chó͘ 6 cheh chhia--ê mô͘-sek lâi êng-ūn[2].
Chhia-chām
[siu-kái | kái goân-sí-bé]
| Lō͘-soàⁿ | Phian-hō | Chhia-chām miâ | Kau-hōe | Chē-chí | |||
|---|---|---|---|---|---|---|---|
| Pe̍h-ōe-jī | Hàn-jī | Eng-gí | |||||
| Âng Soàⁿ | |||||||
| Kong- san Lō͘- tek Soàⁿ |
RK8 | Tōa-ô͘ | 大湖 | Dahu | Ô͘-lāi-khu | Ko-hiông-chhī | |
| RK7 | Lō͘-tek | 路竹 | Lujhu | Lō͘-tek-khu | |||
| RK6 | Lâm-lō͘-tek | 南路竹 | Lujhu South | ||||
| RK5 | Tâi-kǹg Kho-ki Tāi-ha̍k | 台鋼科技大學 | Taiwan Steel University of Science and Technology | ||||
| RK4 | Ko-hiông Kho-ha̍k Hn̂g-khu | 高雄科學園區 | Kaohsiung Science District | ||||
| RK3 | Pún-chiu Sán-gia̍p Hn̂g-khu | 本洲產業園區 | Benjhou Industrial Park | Kong-san-khu | |||
| RK2 | Kong-san Lông-kang | 岡山農工 | National Kangshan Agricultural & Industrial Vocational Senior High School | ||||
| RK1 | Kong-san Chhia-chām | 岡山車站 | Gangshan Station |   Tâi-oân Thih-lō͘ Chhiòng-koàn-soàⁿ | |||
| Chú- soàⁿ |
R24 | Kong-san Ko-i | 岡山高醫 | Kaohsiung Medical University Gangshan Hospital | |||
| R23 | Kiô-á-thâu Hóe-chhia-chām | 橋仔頭火車站 | Ciaotou Station | Tâi-oân Thih-lō͘ Chhiòng-koàn-soàⁿ |
Kiô-thâu-khu | ||
| R22A | Kiô-á-thâu Thn̂g-chhiúⁿ | 橋仔頭糖廠 | Ciaotou Sugar Refinery | Tâi-oân Thn̂g-gia̍p Thih-lō͘ Kiô-thâu Soàⁿ | |||
| R22 | Chheⁿ-po͘ | 青埔 | Cingpu | █ Chí Soàⁿ | |||
| R21 | To͘-hōe Kong-hn̂g | 都會公園 | Metropolitan Park | Lâm-chú-khu | |||
| R20 | Āu-ngē | 後硬 | Houjing | █ Le̍k Soàⁿ | |||
| R19 | Lâm-á-kheⁿ Kho-ki Hn̂g-khu | 楠仔坑科技園區 | Nanzih Technology Industrial Park | ||||
| R18 | Iû-chhiúⁿ Kok-sió | 油廠國小 | Oil Refinery Elementary School | ||||
| R17 | Sè-ūn | 世運 | World Games | ||||
| R16 | Chó-iâⁿ/Ko-thih | 左營／高鐵 | Zuoying/THSR | Tâi-oân Thih-lō͘ Chhiòng-koàn-soàⁿ  Tâi-oân Ko-thih █ Chí Soàⁿ █ Chheⁿ-soàⁿ |
Chó-iâⁿ-khu | ||
| R15 | Seng-thài Hn̂g-khu | 生態園區 | Ecological District | ||||
| R14 | Kī-tān | 巨蛋 | Kaohsiung Arena | Chó-iâⁿ-khu Kó͘-san-khu | |||
| R13 | Lap-á-té | 塌仔底 | Aozihdi |  Khoân-chōng Khin-thih: Ài-hô chi Sim (站外盤車) | |||
| R12 | Āu-ia̍h | 後驛 | Houyi | Sam-bîn-khu | |||
| R11 | Ko-hiông Chhia-chām | 高雄車站 | Kaohsiung Main Station | Tâi-oân Thih-lō͘ Chhiòng-koàn-soàⁿ Tâi-oân Ko-thih | |||
| R10 | Bí-lē-tó | 美麗島 | Formosa Boulevard |  Kiat-soàⁿ |
Sin-heng-khu | ||
| R9 | Tiong-iong Kong-hn̂g | 中央公園 | Central Park | Sin-heng-khu Chiân-kim-khu | |||
| R8 | Sam-to | 三多 | Sanduo Shopping District | █ N̂g-soàⁿ |
Lêng-ngá-khu Chiân-tìn-khu | ||
| R7 | Sai-kah | 獅甲 | Shihjia | Chiân-tìn-khu | |||
| R6 | Khái-soân | 凱旋 | Kaisyuan | Khoân-chōng Khin-thih: Chiân-tìn chi Seng (站外盤車) | |||
| R5 | Chiân-tìn Ko-tiong | 前鎮高中 | Cianjhen Senior High School | █ N̂g-soàⁿ | |||
| R4A | Chháu-gê | 草衙 | Caoya | ||||
| R4 | Ko-hiông Kok-chè Ki-tiûⁿ | 高雄國際機場 | Kaohsiung International Airport | Sió-káng-khu | |||
| R3 | Sió-káng | 小港 | Siaogang | ||||
| Sió- káng Lîm- hn̂g Soàⁿ |
RL1 | Tiong-kǹg Tang-mn̂g | 中鋼東門 | China Steel East Portal | |||
| RL2 | Lîm-hái Kang-gia̍p-khu | 臨海工業區 | Linhai Industrial Park | ||||
| RL3 | Hōng-phīⁿ-thâu | 鳳鼻頭 | Fongbitou | ||||
| RL4 | Tiong-kheⁿ-mn̂g | 中坑門 | Jhongkengmen | Lîm-hn̂g-khu | |||
| RL5 | Káng-á-po͘ | 港仔埔 | Gangzihpu | ||||
| RL6 | Lîm-hn̂g | 林園 | Linyuan | ||||
| RL7 | Lîm-hn̂g Kang-gia̍p-khu | 林園工業區 | Linyuan Industrial Park | ||||
Chham-khó chu-liāu
[siu-kái | kái goân-sí-bé]- ↑ 高雄市政府5月22日向行政院江院長簡報說明高雄捷運岡山路竹延伸線建設計畫案 Archived 2013-08-03 at the Wayback Machine.
- ↑ "〈南部〉加掛車廂？ 高捷︰不如增班". 自由時報. 2009-01-07. 2018-06-12 khòaⁿ--ê.