Hàn-gí

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋

Hàn-gí (hàn-jī: 漢語), ia̍h sī kóng Tiong-kok-ōe, thong-sio̍k ê ì-sù sī Tiong-kok kiam Tiong-kok-lâng kóng ê giân-gí.

Iōng-gí[siu-kái | kái goân-sú-bé]

Tiong-kok chá-kî hoat-tián giân-gí-ha̍k ê sî, koàn-sì ēng le̍k-sú siaⁿ-ūn-ha̍k ê kak-tō͘ lâi khoàⁿ, kā kui-ê Hàn-gí-cho̍k lóng tòng chò chi̍t khoán hō chò "Hàn-gí" ê giân-gí, tang-tiong chiah koh ū hong-giân ê chha-pia̍t. Chiàu chit khoán lí-lō͘, tī Tiong-kok nā kóng "Hàn-gí", tiāⁿ-tiāⁿ sī chí-miâ tang-tiong ê Phó͘-thong-ōe chò tāi-piáu.

Chiàu kīn-taⁿ ê liáu-kái, thoân-thóng-siōng kóng ê "Hàn-gí", siōng-bô ài sǹg 1 ê gí-cho̍k, he̍k-chiá kóng sī Hàn-Chōng gí-hē ê 1 ê gí-giân ka-cho̍k, in loē-pō͘ ê chha-pia̍t put-chí sī tē-hng-chha, ē-sái kóng sī gí-giân chi-kan ê chha-pia̍t, kok iūⁿ pe̍h-ōe bô khah su Romance chu-gí (Romance languages) chi-kan ê chha-ī.

Siang-koan ê bûn-chiuⁿ[siu-kái | kái goân-sú-bé]