Tiong-hôa Bîn-kok Kok-gí

Wikipedia (chū-iû ê pek-kho-choân-su) beh kā lí kóng...
跳至導覽 跳至搜尋
Tiong-hôa Bîn-kok Kok-gí
國語、台灣華語
hoat-im IPA: /ku̯ɔ˧˥ y˨˩˦/
sài ê kok-ka
chú-iàu tē-khu Flag of the Republic of China.svg Tiong-hoâ Bîn-kok
kòng ê jîn-kháu
hē-sio̍k
Koaⁿ-hong tē-ūi
koaⁿ-hong tē-ūi Flag of the Republic of China.svg Tiong-hoâ Bîn-kok
koán-lí ki-kò͘ Kàu-iok-pō͘ Kok-gú Thui-hêng Úi-oân-hōe
gí-giân tāi-bé
ISO 639-1 zh
ISO 639-2 chi (B)
zho (T)
ISO 639-3 cmn
Taiwanese Mandarin Usage Map.svg

Tiong-hôa Bîn-kok Kok-gí (中華民國國語) sī Tiong-hôa Bîn-kok kui-tēng ê Hiān-tāi Piau-chún Hàn-gí, chú-iàu iû Pak-kiaⁿ-ōe hoat-tián lâi--ê, bûn-jī ēng hoân-thé-jī, chú-koán ki-koan sī Tiong-hôa Bîn-kok Kàu-io̍k-pō͘. Sui-jiân hō-chò "kok-gí", m̄-koh chí-sī sū-si̍t-siōng ê koaⁿ-hong gí-giân kap bûn-jī, pēng tī pō͘-hūn hoat-lu̍t tiong thê-ki̍p i-ê tē-ūi, pí-lūn "hoat-īⁿ ûi sím-phòaⁿ sî èng-kai ēng Kok-gí". Tāi-chiòng ūn-su kang-kū pò-im sî, Kok-gí, Bân-lâm-gí, Kheh-ka-gí ê hoat-tēng tē-ūi sio-kāng, kàm-ga̍k jîn-oân kang-chok sî goân-chek ài ēng Kok-gí. Goân-té ê sú-iōng hoān-ûi sī Tiong-kok choân-kéng, m̄-koh tòe 1949 nî hái-kiap lióng-hōaⁿ ê hun-tī hun-li̍p lâi sok-hān chì Tiong-hôa Bîn-kok si̍t-chè thóng-tī ê Tâi-Phêⁿ-Kim-Má sú-iōng; keng-kòe pòaⁿ-sè-kí í-siōng ê ián-hòa, tì-sú Tiong-hôa Bîn-kok Kok-gí í-keng hām i-ê hoat-goân-tē Tiong-kok Tāi-lio̍k chit-má sú-iōng ê Phó͘-thong-ōe bô-siáⁿ sio-kāng. Tâi-oân bîn-kan tī Kok-gí ê kháu-gí sú-iōng siōng, ē hām chèng-hú ê kui-hoān chûn-chāi pō͘-hūn chha-ī, sī khu-pia̍t kok-tē Hàn-gí ê kui-hoān, ū-sî-chūn ē kiò-chò "Tâi-oân Hôa-gí" ê miâ; ah "Tâi-oân Kok-gí" sī chí ū Tâi-gí khiuⁿ-kháu ê Kok-gí.

Tiong-hôa Bîn-kok chū 1912 nî kiàn-kok khai-sí, tī gí-giân chèng-chhek siōng chú-iàu ê kok-gí ūn-tōng hoat-tián "Kok-gí Thóng-it Tiû-pī Hōe" bêng-khak kok-im ài í si̍t-chè chûn-chāi ê kháu-gí gí-im chò-ûi piau-chún, kin-kì Pak-kiaⁿ-ōe gí-im chò Kok-gí piau-chún-im ê ki-chhó͘, thâi-tû liáu put-lī la-teng-hòa ê Pak-kiaⁿ-ōe tho̍k-im liáu-āu hêng-sêng, pēng tēng-li̍p Chù-im Hû-hō téng piau-chún, pēng ùi 1920 nî-tāi ê pe̍h-ōe-bûn ūn-tōng, Kok-gí hoat-tián chhî-sio̍k thui-tōng kàu 1940 nî-tāi. Tī sió-ha̍k kok-gí-kho khò-têng piau-chún siat-li̍p hong-bīn, sêng-sio̍k chū 1902 nî ê kok-gí-bûn to̍k-li̍p siat kho, chì 1920 nî tēng miâ "Kok-gí", 1968 nî khak-li̍p kok-gí-kho khò-têng piau-chún ê cho͘-chit kè-kò͘. Chèng-tī su-sióng ê iau-kiû chū 1936 nî ka-ji̍p, 1948 nî thâi-tû. Le̍k-nî lâi kok-gí-kho chiàm sió-ha̍k kàu-ha̍k kho-bo̍k chóng sî-sò͘ ê pêng-kin pah-hun-pí sī 30%, ah tha̍k-chheh siāng chē.