Kentucky

Wikipedia (chū-iû ê pek-kho-choân-su) beh kā lí kóng...
Thiàu khì: se̍h chāmchhiau-chhoē
Map of USA highlighting Kentucky.png

KentuckyBí-kok ê chi̍t-ê chiu. Siú-húFrankfort. Siāng toā ê siâⁿ-chhī sī Louisville.

Tē-hō-miâ[siu-kái | kái goân-sú-bé]

1776 nî, VirginiaAppalachia Soaⁿ-lêng gōa-kháu (sai-pêng) ê pō͘-hūn siat chò Kentucky Kūn (Kentucky County), chit-ê miâ sī tùi Kentucky Hô só͘ hō--ê. I bô chheng-chhó khak-tēng ê gí-goân, m̄-koh ū khó-lêng sī Iroquois gí-giân lāi "chháu-po͘ téng" ê ì-sù.

Tē-lí[siu-kái | kái goân-sú-bé]

Kentucky sī Upland South tē-khu ê chi̍t hūn. Tī pún chiu tang-pêng Appalachia Soaⁿ-lêng chiàm liáu tōa-hūn.

Le̍k-sú[siu-kái | kái goân-sú-bé]

Kentucky nā chiàu ko͘-sǹg, khó-lêng tī kong-goân-chêng 10000 nî hit chūn chio̍h ū lâng seng-oa̍h. Tī chêng 8000 kàu 7000 nî chó͘-iū, chit ūi ū liáu khah ún-tēng ê khiā-khí hêng-sek.

10 sè-kí sî, Kentucky chāi-tē-lâng í-keng ū to-iūⁿ jî-chhiá to-sán ê hoan-be̍h chèng-choh, chhú-tāi liáu khó-kó͘-ha̍k siōng só͘ kóng ê Tang-pō͘ Lông-gia̍p Ho̍k-ha̍p (Eastern Agricultural Complex), tī Mississippi bûn-hòa sî-kî thè-ōaⁿ chò hoan-be̍h chò ki-chhó͘ ê lông-gia̍p.

Hoat-kok ê thàm-hiám-ka tī 17 sè-kí Beaver Chiàn-cheng chìn-chêng kì-lio̍k liáu Kentucky ê chi̍t kóa pō͘-cho̍k. M̄-koh tī 18 sè-kí tiong-kî Au-chiu-lâng khah tōa-liōng ji̍p-lâi Kentucky ê sî-chūn, chia pēng bô tōa-hêng ê goân-chū-bîn chng-thâu. Chóng-sī Se-kok î-bîn chin-ka sî, óa-ná ín-khí kap goân-chū-bîn ê chiàn-sū, hit tong-sî chia sī goân-chū-bîn phah-la̍h ê só͘-chāi.

1776 nî 12 goe̍h 31, Virginia lāi Appalachia Soaⁿ-lêng gōa-kháu ê pō͘-hūn kiàn-li̍p Kentucky Kūn (Kentucky County), 1780 nî koh koah chò Fayette, Jefferson, kap Lincoln 3-ê kūn. In tī 1792 nî 6 goe̍h chhe 1 chèng-sek sêng-li̍p Bí-kok tē-15 chiu, thâu jīm chiu-tiúⁿ sī Isaac Shelby.

Kentucky tī Bí-kok Lōe-chiàn sî-kî sī pian-kài chiu-hun chi it. Sui-jiân tiāⁿ hong kóng in bô thoat-lî Liân-pang, m̄-koh chiu lāi ū chi̍t kóa gī-goân sêng-li̍p gī-hōe, tī 1861 nî 11 goe̍h 20 thong-kòe hoat-lēng, kiàn-li̍p liáu chi̍t-ê Liân-bêng chèng-hú, siat siú-to͘ tī Bowling Green. Liân-bêng kā Kentucky tòng chò sêng-goân, chóng-sī chèng-sek lâi kóng Kentucky ê chèng-hú sī î-chhî tiong-li̍p.

Hun-chháu kap Ûi-suh-khih sán-gia̍p tī 1910 nî tāi tùi chiu lāi keng-chè chin ū hoat-tián, lēng-gōa Tek-kok î-bîn mā tī chia kiàn-li̍p Bih-luh kang-tiûⁿ.

LouisvilleJī-chhù Tāi-chiàn chi-chhî liáu kun-sū kang-gia̍p, pí-lūn Ford tī chiàn sî seng-sán liáu 10 bān chia̍h Jeep, chiàn-cheng niá-chhōa liáu chāi-tē ê kàu-io̍k kap ki-su̍t ê hoat-tián.

Keng-chè[siu-kái | kái goân-sú-bé]

Kentucky tī 2014 nî ê GDP sī 188,602 pa̍h-bān bí-kim.[1]

Chham-khó[siu-kái | kái goân-sú-bé]